Daniël 4:12 - Die Bybel 2020-vertaling

¹² Sy blare was mooi en sy vrugte baie. Daar was kos aan hom vir almal. Onder hom het die diere van die veld skaduwee gevind, en in sy takke was die voëls van die hemel tuis – al wat leef, is deur hom gevoed.

Bybel vir almal

¹² Die boom het mooi blare en baie vrugte gehad. Almal kon van sy vrugte eet. Die diere het onder die boom kom lê, en die voëls het in sy takke gewoon. Die boom se vrugte was kos vir al die mense en die diere.

Afrikaans 1933-1953

¹² Sy blare was mooi en sy vrugte baie, en aan hom was vir alles voedsel; onder hom het die diere van die veld skaduwee gesoek, en in sy takke het die voëls van die hemel gewoon, ja, alle vlees is daardeur gevoed.

Afrikaans 1983

¹² Sy blare was mooi en sy vrugte was groot, daar was genoeg kos aan hom vir die hele wêreld. Onder hom het die wilde diere skaduwee gesoek, en in sy takke het die voëls nes gemaak. Alles wat leef, het van hom hulle kos gekry.

Contemporary Afrikaans Bible 2023

¹² Sy blare was mooi, en sy vrugte was baie, en daarin was voedsel vir almal: die diere van die veld het skaduwee daaronder gehad, en die voëls van die hemel het in sy takke gewoon, en alle vlees is daarvan gevoed.

Die Boodskap

¹² Sy blare was dig en lowergroen en daar was soveel vrugte aan die boom dat daar genoeg was vir almal om van te eet. Die wilde diere het in die skaduwee van die boom kom lê en rus en die voëls het in sy takke nes gemaak. Almal het van die boom se vrugte geëet.

Daniël 4:12 Kruisverwysings

Job 12:24

wat die leiers van volke van die aarde se verstand wegneem, en hulle laat ronddwaal in 'n onherbergsame gebied sonder paaie.

Job 14:7

Ja, vir 'n boom is daar hoop: As hy afgekap word, loop hy weer uit, sy jong lote hou nie op uitspruit nie.

Job 14:9

van die reuk van water spruit hy uit, maak hy lote soos 'n jong plant.

Klaagliedere 4:20

Ons lewensasem, die gesalfde van die Here, is in hulle vangkuile gevang – die een in wie se skadu ons gedink het ons onder die nasies sou leef!

Esegiël 17:23

Op die hoë berg van Israel sal Ek dit plant, en dit sal lote maak en vrug dra. Dit sal 'n luisterryke seder word, en al die voëls, al die gevleueldes, sal onder hom tuis wees. In die skadu van sy blare sal hulle 'n tuiste vind.

Esegiël 31:17

Ook hulle het saam met hom afgedaal na die doderyk, na dié wat deur die swaard gesneuwel het – hulle, sy hulp, wat in sy skaduwee gesit het tussen die nasies.

Daniël 4:14

Terwyl hy hardop uitroep, het hy die volgende gesê: “ ‘ “Vel die boom, en kap sy takke af! Stroop sy blare af, en verstrooi sy vrugte! Die diere moet onder hom uit vlug en die voëls uit sy takke.

Matteus 13:32

Dit is die kleinste van al die soorte saad, maar wanneer dit gegroei het, is dit die grootste van al die tuinplante en word dit 'n boom, sodat die voëls van die hemel in sy takke kom nesmaak. ”

Markus 13:32

“ Van daardie dag en uur dra niemand kennis nie, selfs nie die engele in die hemel nie, en ook nie die •Seun nie – net die Vader.

Markus 4:32

Maar wanneer dit gesaai is, kom dit op en word dit die grootste van al die tuinplante, en maak sulke groot takke dat die voëls van die hemel in sy skaduwee kan nesmaak. ”

Lukas 13:19

Dit is soos 'n mosterdsaadjie wat iemand geneem en in sy tuin gesaai het. Dit het gegroei en 'n boom geword, en die voëls van die hemel het in sy takke kom nesmaak. ”