Daniël 2:12 - Die Bybel 2020-vertaling

¹² Hieroor het die koning hom vererg, en hy was baie kwaad. Hy gee toe bevel dat al die wyses van Babilonië om die lewe gebring moet word.

Bybel vir almal

¹² Die koning word toe baie kwaad, en hy sê sy soldate moet al die wyse mense in Babel doodmaak.

Afrikaans 1933-1953

¹² Hieroor het die koning toornig en baie kwaad geword en bevel gegee om al die wyse manne van Babel om te bring.

Afrikaans 1983

¹² Toe het die koning woedend geword en opdrag gegee om al die koninklike raadgewers van Babel om die lewe te bring.

Contemporary Afrikaans Bible 2023

¹² Daarom was die koning kwaad en baie woedend, en hy het bevel gegee om al die wyse manne van Babel te vernietig.

Die Boodskap

¹² Die koning was buite homself van woede oor hierdie antwoord. Daarom het hy beveel dat al die koninklike raadgewers in Babel doodgemaak moes word.

Daniël 2:12 Kruisverwysings

Job 5:2

Want ergernis lei tot die dood van 'n sot, en naywer laat die onverstandige sterf.

Psalms 76:10

toe God opstaan om die vonnis te vel, om al die verdruktes van die land te verlos. Sela

Spreuke 16:14

Die woede van 'n koning is 'n boodskapper van die dood, maar 'n wyse mens bring dit tot bedaring.

Spreuke 19:12

'n Gebrul soos dié van 'n jong leeu, so is die onbeheersde woede van 'n koning; maar soos dou op die gras is sy welwillendheid.

Spreuke 20:2

'n Gebrul soos dié van 'n jong leeu, so is die angs wat 'n koning veroorsaak; wie hom kwaad maak, stel sy lewe in gevaar.

Spreuke 29:22

'n Opvlieënde mens sit 'n stryery aan die gang, en 'n heethoof het baie oortredings.

Daniël 2:24

Daarop het Daniël ingegaan na Ariog, vir wie die koning aangestel het om die wyses van Babilonië om die lewe te bring. Hy het so vir hom gesê: “Moenie die wyse manne van Babilonië om die lewe bring nie; bring my voor die koning, dan sal ek vir die koning die uitleg gee.”

Daniël 2:5

Die koning antwoord en sê toe vir die Galdeërs: “Die saak staan vas by my. As julle nie aan my die droom en sy uitleg bekend kan maak nie, sal julle ledemate afgekap word, en van julle huise sal vullishope gemaak word.

Daniël 3:13

Toe het Nebukadnesar, rasend van woede, beveel dat Sadrag, Mesag en Abednego gehaal moet word. Hierdie manne is toe voor die koning gebring.

Daniël 3:19

Nebukadnesar was toe buite homself van woede en sy gesigsuitdrukking het verander teenoor Sadrag, Mesag en Abednego. Hy het daarop geantwoord deur bevel te gee dat die oond verhit moes word, sewe maal warmer as wat nodig was.

Daniël 5:19

Vanweë die grootheid wat God aan hom gegee het, was al die volke, nasies en taalgroepe in vrees en bewing voor hom: Hy het doodgemaak wie hy wou, en laat leef wie hy wou. Hy het verhef wie hy wou, en verneder wie hy wou.

Matteus 2:16

Toe Herodes agterkom dat hy deur die sterrekenners om die bos gelei is, was hy briesend. En hy het in Betlehem en die hele omliggende gebied al die seuntjies van twee jaar en jonger om die lewe laat bring, in ooreenstemming met die tyd wat hy noukeurig van die sterrekenners verneem het.

Matteus 5:22

Maar Ek sê vir julle dat elkeen wat kwaad is vir sy broer, strafbaar voor die reg is. En wie vir sy broer sê, ‘Raka!’ is strafbaar voor die Sanhedrin. En wie sê, ‘Jou dwaas!’ is strafbaar in Gehenna met sy vuur.