Daniël 10:7 - Die Bybel 2020-vertaling

⁷ Ek, Daniël, het alleen die verskyning gesien; die manne wat saam met my was, het nie die verskyning gesien nie. Groot vrees het hulle egter oorval, en hulle het gevlug om weg te kruip.

Bybel vir almal

⁷ Net ek, Daniël, het die man gesien. Die manne wat by my was, het niks gesien nie, maar hulle het groot geskrik en hulle het weggekruip.

Afrikaans 1933-1953

⁷ En ek, Daniël, alleen het die gesig gesien, maar die manne wat saam met my was, het die gesig nie gesien nie; nogtans het 'n groot skrik hulle oorval, sodat hulle gevlug het om hulle te verberg.

Afrikaans 1983

⁷ Net ek, Daniël, het die visioen gesien. Die mense by my het dit nie gesien nie. Tog was hulle so skrikbevange dat hulle gevlug en weggekruip het

Contemporary Afrikaans Bible 2023

⁷ En ek, Daniël, alleen het die gesig gesien, want die manne wat by my was, het die gesig nie gesien nie; maar 'n groot bewing het op hulle geval, sodat hulle gevlug het om hulle weg te kruip.

Die Boodskap

⁷ Net ek kon die visioen sien, maar nogtans het die mense wat by my was so bang geword dat hulle weggehardloop en gaan wegkruip het.

Daniël 10:7 Kruisverwysings

Genesis 3:10

Hy het geantwoord: “Ek het U in die tuin hoor beweeg, en ek was bang, want ek is naak; toe het ek weggekruip.”

Jesaja 2:10

Gaan skuil tussen die rotse, kruip weg in die grond uit vrees vir die Here, vanweë sy verhewe glansrykheid!

Jeremia 23:24

Of kan iemand in geheime plekke wegkruip, en Ek hom nie sien nie? ” is die uitspraak van die Here. “Vul Ek nie die hemel en die aarde nie?” is die uitspraak van die Here.

Esegiël 12:18

“Mensekind, jou voedsel moet jy met bewing eet, en jou water met siddering en kommer drink.

Handelinge 22:9

Die mense wat by my was, het wel die lig gesien, maar nie die stem gehoor van Hom wat met my gepraat het nie.

Handelinge 9:7

Die manne wat saam met hom gereis het, het sprakeloos gestaan, omdat hulle wel die stem gehoor het, maar niemand gesien het nie.

Hebreërs 12:21

En so angswekkend was die verskynsel, dat Moses gesê het: “Ek is beangs, en ek sidder!”