Daniël 1:6 - Die Bybel 2020-vertaling

⁶ Onder hulle was daar van die Judeërs – Daniël, Gananja, Misael en Asarja.

Bybel vir almal

⁶ Vier van die seuns was Daniël, Gananja, Misael en Asarja. Hulle het van die land Juda gekom.

Afrikaans 1933-1953

⁶ En onder hulle was uit die kinders van Juda: Daniël, Hanánja, Mísael en Asárja.

Afrikaans 1983

⁶ Onder hierdie Judeërs was daar Daniël, Gananja, Misael en Asarja,

Contemporary Afrikaans Bible 2023

⁶ En onder hulle was uit die kinders van Juda, Daniël, Hanánja, Misael en Asarja;

Die Boodskap

⁶ Onder die Judese jongmense wat gekies is, was Daniël, Gananja, Misael en Asarja.

Daniël 1:6 Kruisverwysings

Esegiël 14:14

selfs as hierdie drie manne, Noag, Danel en Job in die land was, sou hulle deur hulle geregtigheid net hulle eie lewens red. ” Dit is die uitspraak van my Heer, die Here.

Esegiël 14:20

en Noag, Danel en Job is in die land, so seker as wat Ek leef,” is die uitspraak van my Heer, die Here, “sal hulle nóg 'n seun, nóg 'n dogter red. Selfs hulle sal deur hulle geregtigheid net hulle eie lewens red.”

Esegiël 28:3

Kyk, jy is slimmer as Danel! Geen geheim is vir jou duister nie!

Daniël 1:19

Die koning het met hulle gepraat, en onder hulle almal is daar niemand gevind soos Daniël, Gananja, Misael en Asarja nie. Hulle het by die koning in diens getree.

Daniël 2:17

Toe het Daniël na sy huis gegaan en die saak aan sy metgeselle Gananja, Misael en Asarja meegedeel,

Daniël 2:25

Ariog het toe in groot haas vir Daniël voor die koning gebring en so vir hom gesê: “Ek het 'n man gevind onder die ballinge van Juda wat die uitleg aan die koning bekend kan maak.”

Daniël 5:13

Daniël is toe voor die koning gebring, waarop die koning vir Daniël gevra het: “Is jy Daniël, een van die Judese ballinge wat deur my vader uit Juda gebring is?

Daniël 6:14

Toe antwoord hulle en sê vir die koning: “Daniël, een van die ballinge van Juda, steur hom nie aan u, o koning, of aan die verbod wat u op skrif gestel het nie, maar drie keer op 'n dag rig hy sy bede tot sy God. ”

Matteus 24:15

“Daarom, wanneer julle die gruwel van verwoesting waarvan die profeet Daniël praat, op die heilige plek sien staan – laat dié wat dit lees, goed begryp –

Markus 13:14

“Wanneer julle die gruwel van verwoesting sien staan waar dit nie hoort nie – laat dié wat dit lees, goed begryp – dan moet hulle wat in Judea is, na die berge vlug.