2 Samuel 23:22 - Die Bybel 2020-vertaling

²² Dit was sulke dade wat Benaja, seun van Jojada, gedoen het, en hy het vir hom naam gemaak onder die drie helde.

Bybel vir almal

²² Dit is wat Benaja seun van Jojada gedoen het. Die 30 spesiale manne het toe gedink Benaja is baie belangrik.

Afrikaans 1933-1953

²² Dit het Benája, die seun van Jójada, gedoen; en hy het 'n naam gehad onder die drie helde.

Afrikaans 1983

²² Dit het Benaja seun van Jojada gedoen. Hy was beroemd onder die dertig helde.

Contemporary Afrikaans Bible 2023

²² Dit het Benaja, die seun van Jójada, gedoen, en hy het die naam gehad onder drie helde.

Die Boodskap

²² Dit is hoe dapper Benaja, seun van Jojada, was. Sy naam word ook saam met die drie helde genoem wat vir Dawid water gaan haal het.

2 Samuel 23:22 Kruisverwysings

2 Samuel 20:7

Die manne van Joab, die Kreti en Pleti en al die helde het agter hom aan uitgetrek. Hulle het uit Jerusalem getrek om Seba, seun van Bigri, te agtervolg.

2 Samuel 23:20

Dan was daar Benaja, seun van Jojada, 'n onverskrokke man uit Kabseël wat groot dade gedoen het. Hy is die een wat die twee manne van Moab, manne met leeuemoed, verslaan het. Dit is hy wat op 'n dag toe dit gesneeu het, binne-in 'n opgaarput afgegaan en 'n leeu neergevel het.

2 Samuel 23:21

Dit is ook hy wat 'n Egiptenaar, 'n indrukwekkende man, verslaan het. Die Egiptenaar het 'n vegspies in sy hand gehad, en Benaja het na hom afgegaan met 'n stok. Hy het die vegspies uit die Egiptenaar se hand geruk en hom met sy eie vegspies doodgemaak.

2 Samuel 23:23

Hy was meer geëerd as die dertig, maar hy was nie die gelyke van die drie nie. Dawid het hom aangestel by sy lyfwag.

2 Samuel 8:18

en Benaja, seun van Jojada, was in bevel van die Kreti en Pleti. Dawid se seuns was priesters.