2 Samuel 23:20 - Die Bybel 2020-vertaling

²⁰ Dan was daar Benaja, seun van Jojada, 'n onverskrokke man uit Kabseël wat groot dade gedoen het. Hy is die een wat die twee manne van Moab, manne met leeuemoed, verslaan het. Dit is hy wat op 'n dag toe dit gesneeu het, binne-in 'n opgaarput afgegaan en 'n leeu neergevel het.

Bybel vir almal

²⁰ Benaja seun van Jojada van die stad Kabseël was 'n dapper man wat groot dinge gedoen het. Dit is hý wat daardie twee baie sterk manne van Moab oorwin het. En eendag toe dit gesneeu het, het hy afgegaan in 'n gat en hy het 'n leeu doodgemaak.

Afrikaans 1933-1953

²⁰ Verder Benája, die seun van Jójada, 'n sterk man, groot van daad, uit Kábseël; hy het die twee groot helde van Moab verslaan; en hy het afgegaan en 'n leeu binne-in 'n kuil doodgeslaan op 'n sneeudag.

Afrikaans 1983

²⁰ Benaja seun van Jojada, seun van Isgai, was afkomstig uit Kabseël. Hy was 'n man van baie dade en het twee sterk manne in Moab doodgemaak. Op 'n sneeudag het hy in 'n droë put afgeklim en 'n leeu daar doodgemaak.

Contemporary Afrikaans Bible 2023

²⁰ En Benaja, die seun van Jójada, die seun van 'n dapper man, van Kabseel, wat baie dade gedoen het, hy het twee leeuagtige manne van Moab gedood;

Die Boodskap

²⁰ Benaja, die dapper Jojada se seun, wat van Kabseël af gekom het, is vir baie dinge bekend. Hy het die twee mans wat “die leeus van Moab” genoem is, doodgemaak. Dis hý wat eendag toe dit gesneeu het in ’n ondergrondse reservoir ingegaan en ’n leeu daar doodgemaak het.

2 Samuel 23:20 Kruisverwysings

2 Samuel 1:23

“Saul en Jonatan, geliefd en innemend, is in lewe en dood nie geskei nie. Hulle was vinniger as arende, sterker as leeus.

2 Samuel 20:23

Joab was in bevel van die hele leër in Israel, en Benaja, seun van Jojada, van die Kreti en Pleti.

2 Samuel 23:19

Was hy dan nie meer geëerd as die drie nie? Hy was vir hulle 'n •aanvoerder, maar hy was nie die gelyke van die drie nie.

2 Samuel 23:21

Dit is ook hy wat 'n Egiptenaar, 'n indrukwekkende man, verslaan het. Die Egiptenaar het 'n vegspies in sy hand gehad, en Benaja het na hom afgegaan met 'n stok. Hy het die vegspies uit die Egiptenaar se hand geruk en hom met sy eie vegspies doodgemaak.

2 Samuel 23:22

Dit was sulke dade wat Benaja, seun van Jojada, gedoen het, en hy het vir hom naam gemaak onder die drie helde.

2 Samuel 8:18

en Benaja, seun van Jojada, was in bevel van die Kreti en Pleti. Dawid se seuns was priesters.

1 Konings 1:26

Maar vir my, ek wat u dienaar is, en Sadok, die priester, en Benaja, seun van Jojada, en Salomo, u dienaar, het hy nie genooi nie.

1 Konings 1:38

Daarop het Sadok, die priester, Natan, die profeet, Benaja, seun van Jojada, en die Kreti en Pleti afgegaan, en Salomo laat ry op koning Dawid se muil, en hom na Gihon geneem.

1 Konings 1:8

Sadok, die priester, Benaja, seun van Jojada, Natan, die profeet, asook Simeï en Reï en die helde in diens van Dawid, het hulle nie by Adonia geskaar nie.

1 Konings 2:46

Die koning het toe vir Benaja, seun van Jojada, opdrag gegee. Hy het uitgegaan en Simeï aangeval, en hy het gesterf.

1 Kronieke 12:8

Van die mense van Gad het oorgeloop na Dawid, na die bergvesting in die woestyn, dapper manne, krygsmanne gereed vir die geveg, toegerus met grootskild en steekspies. Hulle gesigsuitdrukkings was soos dié van leeus, en soos gaselle op die berge, so vinnig was hulle.

1 Kronieke 18:17

en Benaja, seun van Jojada, was in bevel van die Kreti en Pleti. Dawid se seuns was die belangrikste persone aan die koning se sy.

Eksodus 15:15

Dan raak die stamhoofde van Edom beangs, bewing pak die leiers van Moab beet; al die inwoners van Kanaän sidder.

Josua 15:21

Die dorpe aan die verste punt van die stam van Juda se nageslag, by die grens van Edom in die suide, was Kabseël, Eder, Jagur,