2 Samuel 23:17 - Die Bybel 2020-vertaling

¹⁷ Hy het gesê: “Mag die Here my daarvan weerhou om hierdie water te drink! Is dit nie die bloed van die manne wat hulle lewens gewaag het nie?” Hy wou dit nie drink nie. Dit is wat dié drietal helde gedoen het.

Bybel vir almal

¹⁷ Dawid het gesê: “Here, ek kan nie hierdie water drink nie. As hierdie manne gesterf het, dan was dit my skuld.” Dawid wou nie die water drink nie, maar dit is wat die drie manne gedoen het.

Afrikaans 1933-1953

¹⁷ en gesê: Dit is ver van my, Here, dat ek dit sou doen! Sou ek die bloed drink van die manne wat met lewensgevaar gegaan het? En hy wou dit nie drink nie. Dit het die drie helde gedoen.

Afrikaans 1983

¹⁷ en gesê: “Mag die Here my daarvan bewaar dat ek dit sou drink. Is dit nie so goed as die bloed van die manne wat met lewensgevaar gegaan het nie?” Daarom wou hy dit nie drink nie. Dit het die drie helde gedoen.

Contemporary Afrikaans Bible 2023

¹⁷ En hy sê: Laat dit ver van my wees, o HERE, dat ek dit sou doen: is dit nie die bloed van die manne wat in gevaar van hulle lewe gegaan het nie? daarom wou hy dit nie drink nie. Hierdie dinge het hierdie drie magtige manne gedoen.

Die Boodskap

¹⁷ en gesê: “Ek sal dit nooit drink nie, Here! Dis so goed soos die bloed van dié mans wat hulle lewe gewaag het om dit te gaan haal!” Hy wou dit glad nie drink nie. Dit is hoe dapper daardie drie was.

2 Samuel 23:17 Kruisverwysings

Genesis 44:17

Maar hy antwoord: “Ek sal so iets nooit doen nie. Die man by wie die beker gevind is, net hy sal my slaaf word. En julle, trek in vrede op na julle vader!”

Genesis 9:4

Slegs vleis met sy lewe in, met sy bloed in, mag julle nie eet nie.

2 Samuel 20:20

Joab het egter geantwoord en gesê: “Ek sal dit nooit ooit doen nie! Ek sal nie verslind nie en ek sal nie vernietig nie.

1 Konings 21:3

Maar Nabot het Agab geantwoord: “Mag die Here my daarvan weerhou dat ek ooit die erfgrond van my voorgeslagte aan u gee! ”

1 Kronieke 11:19

en gesê: “Mag my God my daarvan weerhou dat ek dit ooit sou doen! Sou ek die bloed van hierdie manne drink wat hulle lewens gewaag het? Ja, deur hulle lewens te waag, het hulle dit gebring.” Hy wou dit nie drink nie. Dit is wat dié drie helde gedoen het.

Psalms 72:14

Van onderdrukking en geweld sal hy hulle lewe vrykoop. Hulle bloed sal kosbaar wees in sy oë.

Levitikus 17:10

“ As daar enigiemand uit die huis van Israel is, of van die vreemdelinge wat tydelik by hulle woon, wat enige bloed eet, sal Ek teen daardie persoon draai wat die bloed eet en Ek sal hom heeltemal van sy mense afsny.

Matteus 26:28

want dit is my bloed, die bloed van die verbond wat vir baie uitgegiet word tot vergewing van sondes.

Markus 14:24

Hy het vir hulle gesê: “Dit is my bloed, die bloed van die verbond wat vir baie uitgegiet word.

1 Korinthiërs 15:30

En waarom stel ons ons van uur tot uur in gevaar?

Rigters 5:18

Sebulon is manskappe wat die dood uittart, ook Naftali, op die heuwels in die veld.

1 Samuel 2:30

“Daarom is die uitspraak van die Here, die God van Israel, ‘Ek het uitdruklik gesê: “Jou huis en die huis van jou vader sal vir altyd in my teenwoordigheid diens doen.” ’ Maar nou is die uitspraak van die Here, ‘Ek sal dit nooit toelaat nie! Want mense wat My eer, sal Ek eer; maar mense wat My minag, sal veragtelik wees.

1 Samuel 26:11

Mag die Here my daarvan weerhou dat ek ooit my hand teen die gesalfde van die Here lig! Maar vat nou die vegspies wat by sy kop is en die waterkruik, en laat ons padgee.”