2 Samuel 14:27 - Die Bybel 2020-vertaling

²⁷ Vir Absalom is daar drie seuns en 'n dogter gebore. Haar naam was Tamar. Sy was 'n besonder mooi vrou.

Bybel vir almal

²⁷ Absalom het drie seuns en een dogter gehad. Die dogter se naam was Tamar, sy was 'n baie mooi vrou.

Afrikaans 1933-1953

²⁷ En vir Absalom is drie seuns gebore en een dogter met die naam van Tamar, 'n vrou wat mooi van aansien was.

Afrikaans 1983

²⁷ Absalom het drie seuns en 'n dogter gehad. Die dogter se naam was Tamar, en sy was 'n baie mooi meisie.

Contemporary Afrikaans Bible 2023

²⁷ En vir Absalom is drie seuns gebore en een dogter met die naam van Tamar; sy was 'n vrou van mooi aansien.

Die Boodskap

²⁷ Absalom het drie seuns en ’n dogter gehad. Sy dogter se naam was Tamar. Sy was ’n beeldskone vrou.

2 Samuel 14:27 Kruisverwysings

2 Samuel 11:2

Op 'n keer het Dawid teen laatmiddag van sy bed af opgestaan en op die dak van die koninklike paleis rondgestap. Hy sien toe van die dak af 'n vrou wat besig is om haar te was; die vrou was besonder mooi.

2 Samuel 13:1

Daarna het die volgende gebeur: Absalom, seun van Dawid, het 'n mooi suster gehad. Haar naam was Tamar, en Amnon, seun van Dawid, het op haar verlief geraak.

2 Samuel 18:18

Gedurende sy lewe het Absalom die gedenksteen wat daar in die vallei van die koning is, geneem en vir homself opgerig; want hy het gesê: “Ek het nie 'n seun om my naam in herinnering te hou nie.” Hy het toe die gedenksteen na homself vernoem, en dit word tot vandag toe die Gedenkteken van Absalom genoem.

Jesaja 14:22

“Ek sal teen hulle opstaan,” is die uitspraak van die Here, Heerser oor alle magte. “Ek sal van Babel uitroei naam en oorblyfsel, kind en nageslag,” is die uitspraak van die Here.

Jeremia 22:30

So sê die Here: “Skryf hierdie man op as kinderloos, as 'n man wat nie sukses sal behaal in sy lewensdae nie; want uit sy nageslag sal niemand daarin slaag om op die troon van Dawid te sit en weer oor Juda te regeer nie.