2 Samuel 12:28 - Die Bybel 2020-vertaling

²⁸ Bring nou die res van die manskappe byeen, plaas die stad onder beleg en neem dit in; anders neem ek self die stad in, en dan word my naam daaroor uitgeroep.”

Bybel vir almal

²⁸ Jy moet nou die manne wat oor is, bymekaarmaak en julle moet hier by die stad julle tente kom opslaan. Jy moet die stad oorwin, want as ek die stad oorwin, dan sal die stad aan my behoort.”

Afrikaans 1933-1953

²⁸ Maak u dan nou die orige manskappe bymekaar en beleër die stad en neem dit in, sodat ék nie die stad inneem en my naam daaroor uitgeroep word nie.

Afrikaans 1983

²⁸ Roep tog nou die res van die burgers op en kom beleër die stad. Neem ú dit in sodat ek nie self die stad verower en dit dus my eiendom word nie.”

Contemporary Afrikaans Bible 2023

²⁸ Versamel dan nou die res van die volk en laer op teen die stad en neem dit in, sodat ek nie die stad inneem en dit na my naam genoem word nie.

Die Boodskap

²⁸ Kom dan nou met die manskappe wat nog oor is, dan kom veg u teen die stad en neem dit in. Ek wil dit nie doen nie, want dan kry ek die eer daarvoor.”

2 Samuel 12:28 Kruisverwysings

2 Samuel 12:27

Joab stuur toe boodskappers na Dawid en laat hom weet: “Ek het teen Rabba geveg en ook beheer geneem oor die watervoorsiening.

2 Samuel 12:29

Dawid het toe al die manskappe byeengebring, na Rabba gegaan, teen die stad geveg en dit ingeneem.

Johannes 7:18

Hy wat uit sy eie praat, soek sy eie eer, maar Hy wat die eer soek van die Een wat Hom gestuur het – Hy is geloofwaardig en daar is geen onreg in Hom nie.