2 Korinthiërs 2:3 - Die Bybel 2020-vertaling

³ En dit is presies wat ek geskryf het, sodat ek nie, wanneer ek kom, bedroef word deur hulle wat my moes bly maak nie. Ek vertrou op julle almal, dat my vreugde julle almal s'n sal wees.

Bybel vir almal

³ Ek het vir julle geskryf oor dinge wat verkeerd is by julle. Ek het dit gedoen sodat ek nie sleg sal voel wanneer ek weer by julle kom nie. Julle moet onthou dat júlle die mense is wat vir mý bly moet maak. En ek is seker dat julle almal ook bly wil wees soos ek bly is.

Afrikaans 1933-1953

³ En ek het juis dit aan julle geskrywe, dat ek nie by my koms droefheid mag hê deur hulle oor wie ek my moes verbly nie, omdat ek die vertroue in julle almal het dat my blydskap dié van julle almal is.

Afrikaans 1983

³ Dit is waarom ek liewer aan julle geskrywe het. Ek wou nie daar kom en hartseer gemaak word deur mense wat my gelukkig moes gemaak het nie, want ek is seker daarvan dat julle almal gelukkig is as ek gelukkig is.

Contemporary Afrikaans Bible 2023

³ En ek het dit aan julle geskrywe, dat ek nie, wanneer ek kom, droefheid sou hê van die oor wie ek bly moet wees nie; met vertroue in julle almal, dat my blydskap die vreugde van julle almal is.

Die Boodskap

³ Daarom het ek besluit om maar liewer ’n brief aan julle te skryf. Dit was die veiligste keuse. Op dié manier kon ek ten minste sorg dat ek nie deurloop onder julle klomp wie se plig dit eintlik is om my op te beur nie. In elk geval: ek is seker dat julle almal ook gelukkig is wanneer ek gelukkig is. En my keuse om aan julle te skryf eerder as om julle te kom besoek, maak my gelukkig.

2 Korinthiërs 2:3 Kruisverwysings

1 Korinthiërs 4:21

Wat verkies julle? Dat ek met 'n slaanstok na julle kom, of in liefde en 'n gees van sagmoedigheid?

2 Korinthiërs 1:15

In hierdie vertroue wou ek vroeër na julle kom, sodat julle 'n tweede guns kon ontvang.

2 Korinthiërs 1:23

Wat my betref, ek roep God as getuie oor my dat ek juis om julle te spaar, nog nie weer na Korinthe gekom het nie.

2 Korinthiërs 12:11

Ek het soos 'n dwaas opgetree! Julle het my daartoe gedwing, want ek moes eintlik deur julle aanbeveel gewees het, omdat ek geensins agtergestaan het by die sogenaamde super-apostels nie, al is ek ook niks.

2 Korinthiërs 12:21

dat wanneer ek weer kom, my God my voor julle sal verneder, en ek sal treur oor baie van dié wat vroeër gesondig het, en hulle nie bekeer het van die onreinheid en onsedelikheid en losbandigheid wat hulle bedryf het nie.

2 Korinthiërs 13:10

Daarom skryf ek hierdie dinge in my afwesigheid, sodat wanneer ek by julle aanwesig is, ek nie streng hoef op te tree volgens die gesag wat die Here my gegee het nie – om op te bou, en nie om af te breek nie.

2 Korinthiërs 2:9

Want vir dié doel het ek ook geskryf: om julle betroubaarheid te leer ken, of julle in elke opsig gehoorsaam is.

2 Korinthiërs 7:12

Al het ek aan julle geskryf, was dit nie ter wille van die een wat onreg gepleeg het nie, en ook nie ter wille van die verontregte nie, maar ter wille daarvan dat julle toewyding vir ons duidelik aan julle bekend kan word voor God.

2 Korinthiërs 7:16

Ek is verheug dat ek in alle opsigte op julle kan staatmaak.

2 Korinthiërs 7:6

Maar God, wat die neerslagtiges bemoedig, het ons bemoedig deur die koms van Titus –

2 Korinthiërs 7:8

Want al het ek julle met die brief bedroef gemaak, is ek nie spyt nie. En al was ek ook spyt – want ek sien dat daardie brief julle bedroef gemaak het, al was dit ook net vir 'n rukkie –

2 Korinthiërs 8:22

Saam met hulle stuur ons ons broer, vir wie ons dikwels en in vele opsigte getoets, en ywerig bevind het, en wat nou nog yweriger is, deur sy groot vertroue in julle.

Galasiërs 5:10

Wat julle betref: Ek is in die Here daarvan oortuig dat julle nie anders as ek sal dink nie; maar die een wat julle in verwarring bring, sal die straf dra, wie hy ook al mag wees.

2 Thessalonisense 3:4

Deur die Here vertrou ons dat julle ook dit doen, en sal aanhou doen, wat ons julle beveel het.

Filemon 1:21

Met volle vertroue in jou gehoorsaamheid skryf ek vir jou, in die wete dat jy selfs meer sal doen as wat ek vra.