2 Konings 8:18 - Die Bybel 2020-vertaling

¹⁸ Hy het die pad van die konings van Israel gevolg, soos die huis van Agab gedoen het, want Agab se dogter was sy vrou. Hy het gedoen wat verkeerd is in die oë van die Here.

Bybel vir almal

¹⁸ Hy het verkeerd gelewe soos die konings van Israel, soos die familie van Agab, want hy was getroud met 'n dogter van Agab. Joram het dinge gedoen waarvan die Here nie hou nie.

Afrikaans 1933-1953

¹⁸ En hy het gewandel in die weg van die konings van Israel, soos die huis van Agab gedoen het; want hy het die dogter van Agab as vrou gehad en het gedoen wat verkeerd was in die oë van die Here.

Afrikaans 1983

¹⁸ Hy het die pad van die konings van Israel geloop soos die koningshuis van Agab gedoen het, want hy was getroud met 'n dogter van Agab. Hy het gedoen wat verkeerd is in die oë van die Here.

Contemporary Afrikaans Bible 2023

¹⁸ En hy het gewandel in die weg van die konings van Israel, soos die huis van Agab gedoen het, want die dogter van Agab was sy vrou; en hy het gedoen wat verkeerd was in die oë van die HERE.

Die Boodskap

¹⁸ Hy was getroud met ’n dogter van Agab en het die slegte voorbeeld van die konings van Israel gevolg. Hy het dinge gedoen waarmee die Here nie tevrede was nie.

2 Konings 8:18 Kruisverwysings

1 Konings 21:25

Daar was werklik niemand wat hom soos Agab daaraan oorgegee het om te doen wat verkeerd is in die oë van die Here nie, want sy vrou Isebel het hom daartoe aangespoor.

1 Konings 22:44

Die offerhoogtes is egter nie verwyder nie. Die volk het nog steeds geslag en offers verbrand by die offerhoogtes.

2 Konings 16:3

Hy het die pad van die konings van Israel gevolg. Hy het selfs sy seun in die vuur geoffer, soos die afstootlike gebruike was van die nasies wat die Here voor die Israeliete uit verdryf het.

2 Konings 21:13

Ek gaan oor Jerusalem die maatlyn van Samaria span, en die skietlood van die huis van Agab. Ek gaan Jerusalem skoonvee soos mens 'n skottel skoonvee – as dit skoongevee is, word dit omgekeer.

2 Konings 21:3

het hy die offerhoogtes wat sy vader, Hiskia, afgebreek het, weer opgebou. Hy het altare opgerig vir Baäl en 'n asjera gemaak, soos wat Agab, die koning van Israel, gemaak het; en hy het voor al die hemelliggame in aanbidding gebuig en hulle gedien.

2 Konings 8:26

Ahasia was twee-en-twintig jaar oud toe hy koning geword het, en hy het een jaar lank as koning geheers in Jerusalem. Sy moeder se naam was Atalia, 'n kleindogter van Omri, koning van Israel.

2 Konings 8:27

Hy het die pad van die huis van Agab gevolg en gedoen wat verkeerd is in die oë van die Here, net soos die huis van Agab, want hy was aangetroude familie van die huis van Agab.

2 Kronieke 17:4

maar die God van sy vader. Sy gebooie het hy nagevolg, en nie die gebruike van Israel nie.

2 Kronieke 18:1

Josafat het rykdom en aansien in oorvloed verwerf, en toe het hy Agab se aangetroude familie geword.

2 Kronieke 19:2

Die siener Jehu, seun van Ganani, het uitgegaan, en in sy gesig vir koning Josafat gesê: “Moes jy nou die goddelose help, en dié wat die Here haat, liefhê? Om hierdie rede sal 'n oordeel uit toorn van die Here af, teen jou losbreek.

2 Kronieke 21:13

maar die pad van die konings van Israel gevolg het, en Juda en die inwoners van Jerusalem hoerery laat bedryf het soos wat die huis van Agab gedoen het, en omdat jy ook jou broers, jou eie familie wat beter was as jy, vermoor het,

2 Kronieke 21:6

Hy het die pad van die konings van Israel gevolg, soos die huis van Agab gedoen het, want Agab se dogter was sy vrou. Hy het gedoen wat verkeerd is in die oë van die Here.

Miga 6:16

“Jy het die wette van Omri onderhou en alles gedoen wat die huis van Agab gedoen het; julle het hulle raad gevolg. Daarom sal Ek jou 'n skrikbeeld maak en die inwoners van die stad die rede vir 'n gefluit. Julle sal my volk se vernedering moet dra. ”