2 Konings 8:10 - Die Bybel 2020-vertaling

¹⁰ Elisa het vir hom gesê: “Gaan sê, ‘Jy sal beslis nie herstel nie. Die Here het aan my geopenbaar dat jy beslis sal sterf.’ ”

Bybel vir almal

¹⁰ Elisa het geantwoord: “Sê vir Ben-Hadad hy sal nie gesond word nie. Hy sal sterf, dit is seker. Die Here het dit vir my gewys.”

Afrikaans 1933-1953

¹⁰ En Elísa antwoord hom: Gaan sê: Jy sal sekerlik nie gesond word nie; want die Here het my laat sien dat hy sekerlik sal sterwe.

Afrikaans 1983

¹⁰ Elisa het vir Gasael gesê: “Gaan sê vir jou koning hy sal nie gesond word nie, want die Here het aan my geopenbaar dat hy sal sterwe.”

Contemporary Afrikaans Bible 2023

¹⁰ Toe sê Elísa vir hom: Gaan sê vir hom: Jy sal sekerlik gesond word, maar die HERE het my laat blyk dat hy sekerlik sal sterwe.

Die Boodskap

¹⁰ Elisa het geantwoord: “Gaan sê vir hom: ‘U sal gesond word,’ maar die Here het my laat weet dat hy eintlik gaan sterf.”

2 Konings 8:10 Kruisverwysings

Genesis 2:17

maar van die boom van die kennis van goed en kwaad, daarvan mag jy nie eet nie, want die dag wanneer jy daarvan eet, sal jy beslis sterf.”

Genesis 41:39

Toe sê die farao vir Josef: “Noudat God dit alles aan jou bekend gemaak het – daar is niemand so verstandig en wys soos jy nie –

1 Konings 22:15

Toe hy by die koning aankom, sê die koning vir hom: “Miga, moet ons na Ramot in Gilead gaan vir die geveg of moet ons daarvan afsien?” Hy antwoord hom toe: “As u optrek, sal u sukses behaal! Die Here sal dit in die hand van die koning gee.”

2 Konings 1:16

Elia het vir Ahasia gesê: “So sê die Here, ‘Omdat jy boodskappers gestuur het om Baäl-Sebub, die god van Ekron te raadpleeg, asof daar geen God in Israel is wie se woord geraadpleeg kan word nie – daarom, hierdie bed waarop jy geklim het – jy sal daarvan nie weer afklim nie, want jy gaan beslis sterf.’ ”

2 Konings 1:4

Daarom, so sê die Here: “Daardie bed waarop jy geklim het – jy sal daarvan nie weer afklim nie, want jy gaan beslis sterf.” ’ ” Elia het toe gegaan.

Jeremia 38:21

Maar as u bly weier om uit te gaan, is dít wat die Here my laat sien het:

Esegiël 11:25

en ek het aan die ballinge al die woorde van die Here meegedeel wat Hy my in die visioen laat ervaar het.

Esegiël 18:13

op rente uitleen en woekerrente neem, “sal hy bly leef? Hy mag nie bly leef nie. Al hierdie afstootlike dinge het hy gedoen, hy moet beslis sterf. Sy bloedskuld rus op hom.

Amos 3:7

Ja, my Heer, die Here, doen niks nie, tensy Hy sy vertroulike besluit openbaar aan sy diensknegte, die profete.

Amos 7:1

Dit het my Heer, die Here, my laat sien: Kyk, Hy was besig om sprinkaanswerms te vorm net toe die saad in die lente begin opkom. En onthou, dit kom net ná die koning se hooi gemaak is.

Amos 7:4

Dit het my Heer, die Here, my laat sien: Kyk, my Heer, die Here, was gereed om 'n regstryd deur vuur aan te kondig. Dit het die groot oerwater laat opdroog, en sou die bewerkbare grond verteer.

Amos 7:7

Dit het Hy my laat sien: Kyk, my Heer het gestaan by 'n loodregte muur. In sy hand was daar 'n skietlood.

Amos 8:1

Dít het my Heer, die Here, my laat sien: Daar was 'n mandjie met somervrugte.

Sagaria 1:20

Toe wys die Here vir my vier ambagsmanne.

Openbaring 22:1

Toe het die engel aan my 'n rivier met die water van die lewe gewys. Dit was helder soos kristal, en het gestroom uit die troon van God en die Lam.