2 Konings 7:17 - Die Bybel 2020-vertaling

¹⁷ Die koning het die adjudant op wie se arm hy geleun het, by die poort laat toesig hou. Maar die mense het hom in die poort vertrap en hy het gesterf, soos die man van God gesê het toe die koning na hom afgegaan en hy met hom gepraat het.

Bybel vir almal

¹⁷ Die koning het vir die offisier wat langs hom gestaan het, gesê hy moet by die poort staan en kyk dat alles reg gaan. Maar die mense het die offisier doodgetrap in die poort.

Afrikaans 1933-1953

¹⁷ En die koning het die adjudant op wie se arm hy geleun het, oor die poort aangestel; maar die volk het hom in die poort vertrap, sodat hy gesterf het volgens die woord van die man van God, deur hom uitgespreek toe die koning na hom afgekom het.

Afrikaans 1983

¹⁷ Die koning het die adjudant, wat sy vertroueling was, in bevel van die poort geplaas, maar hy is deur die volk in die poort doodgetrap, net soos die man van God dit vir die koning gesê het toe dié na hom toe gekom het.

Contemporary Afrikaans Bible 2023

¹⁷ En die koning het die heer op wie se hand hy geleun het aangestel om die bevel van die poort te neem; en die volk het hom in die poort getrap, en hy het gesterf, soos die man van God gesê het wat gespreek het toe die koning na hom afkom.

Die Boodskap

¹⁷ In die chaos het die koning die offisier wat saam met hom was, aangestel om orde in die poortgebied van die stad te handhaaf. Die skare het hom egter daar op die plein by die poort doodgetrap. So het alles gebeur soos Elisa voorspel het toe die koning die vorige dag na sy huis toe gekom het.

2 Konings 7:17 Kruisverwysings

2 Konings 5:18

In die volgende geval moet die Here u dienaar vergewe: Wanneer my heer in die tempel van Rimmon ingaan om daar in aanbidding te buig, leun hy gewoonlik op my arm, en dan moet ek ook in die tempel van Rimmon in aanbidding buig. Wanneer ek dan in die tempel van Rimmon in aanbidding buig, moet die Here asseblief u dienaar daarvoor vergewe.”

2 Konings 6:32

Terwyl Elisa in sy huis sit, en die oudstes daar by hom sit, het die koning 'n man voor hom uit gestuur. Maar voordat die boodskapper nog by hom aankom, het hy vir die oudstes gesê: “Het julle gemerk dat hierdie moordenaar iemand stuur om my kop af te kap? Wees op die uitkyk. Sluit die deur sodra die boodskapper kom. Druk hom terug met die deur! Is die geluid van sy heer se voetstappe nie agter hom nie?”

2 Konings 7:2

Maar die adjudant op wie se arm die koning geleun het, antwoord die man van God en sê: “Kyk, al sou die Here vensters in die hemelruim maak – sou so iets kon gebeur?” Toe sê Elisa: “Kyk, jy gaan dit met jou eie oë sien, maar daarvan sal jy nie eet nie.”

2 Konings 9:33

Hy sê toe: “Gooi haar af!” Hulle het haar afgegooi, en van haar bloed het teen die muur en teen die perde gespat, en dié het haar vertrap.

Jesaja 25:10

Ja, die hand van die Here rus op hierdie berg; maar Moab word daar waar hy is, vertrap, soos strooi vertrap word in 'n mishoop.

Miga 7:10

My vyand sal dit sien en deur skaamte oorval word, sy wat vir my vra: “Waar is die Here jou God?” My oë sal met genoegdoening na haar kyk. Sy sal dan vertrap word soos modder op straat.

Hebreërs 10:29

Hoeveel erger straf dink julle sal iemand verdien wat die •Seun van God vertrap het, die bloed van die verbond waardeur hy geheilig is, gering geag het, en die Gees van genade uitgedaag het?

Rigters 20:43

Hulle het Benjamin van alle kante aangeval, hulle onvermoeid agtervolg, en hulle vertrap tot anderkant Gibea, tot aan die oostekant.