2 Konings 24:8 - Die Bybel 2020-vertaling

⁸ Jojagin was agttien jaar oud toe hy koning geword het, en hy het drie maande lank as koning geheers in Jerusalem. Sy moeder se naam was Negusta, dogter van Elnatan, uit Jerusalem.

Bybel vir almal

⁸ Jojagin was 18 jaar oud toe hy koning geword het, en hy was drie maande lank koning in Jerusalem. Sy ma was Negusta dogter van Elnatan, van Jerusalem.

Afrikaans 1933-1953

⁸ Agttien jaar was Jójagin oud toe hy koning geword het, en hy het drie maande in Jerusalem geregeer; en die naam van sy moeder was Nehústa, 'n dogter van Élnatan, van Jerusalem.

Afrikaans 1983

⁸ Jojagin was agtien toe hy koning geword het en hy het drie maande in Jerusalem geregeer. Sy ma was Negusta, 'n dogter van Elnatan uit Jerusalem.

Contemporary Afrikaans Bible 2023

⁸ Jojagin was agtien jaar oud toe hy koning geword het, en hy het drie maande in Jerusalem geregeer. En die naam van sy moeder was Nehusta, die dogter van Elnatan, uit Jerusalem.

Die Boodskap

⁸ Jojagin was agtien toe hy koning geword het en hy het drie maande lank in Jerusalem regeer. Sy ma was Negusta, ’n dogter van Elnatan uit Jerusalem.

2 Konings 24:8 Kruisverwysings

1 Kronieke 3:16

Jojakim se nageslag was sy seun Jekonja, en sy seun Sedekia.

2 Kronieke 36:9

Jojagin was agttien jaar oud toe hy koning geword het, en hy het drie maande en tien dae lank as koning geheers in Jerusalem. Hy het gedoen wat verkeerd is in die oë van die Here.

Jeremia 22:24

“ ‘ “So seker as wat Ek leef,” is die uitspraak van die Here, “al was Gonja, seun van Jojakim, koning van Juda, 'n seëlring aan my regterhand, sal Ek jou daar afruk.

Jeremia 22:26

Ek sal jou en jou moeder wat aan jou lewe geskenk het, ver wegwerp na 'n ander land waar julle nie gebore is nie, en daar sal julle sterf.

Jeremia 22:28

Is hierdie man, Gonja, 'n afgekeurde stuk erdewerk wat gebreek word, of 'n houer waarvan niemand hou nie? Waarom is hy en sy nageslag weggewerp, weggeslinger na 'n land wat hulle nie ken nie?

Jeremia 24:1

Die Here het my laat sien: Kyk, daar is twee mandjies met vye neergesit voor die •tempel van die Here. Dit was nadat Nebukadresar, die koning van Babilonië, Jegonja, seun van Jojakim, die koning van Juda, die •hoë amptenare van Juda, die ambagsmanne en metaalwerkers uit Jerusalem in ballingskap weggevoer en hulle na Babel geneem het.

Jeremia 37:1

Sedekia, 'n seun van Josia, vir wie Nebukadresar, die koning van Babilonië, as koning aangestel het in die land Juda, het as koning regeer in die plek van Gonja, seun van Jojakim.