2 Konings 24:7 - Die Bybel 2020-vertaling

⁷ Die koning van Egipte het nie meer op veldtogte uit sy land getrek nie, want die koning van Babilonië het van die Spruit van Egipte af tot by die Eufraatrivier alles afgeneem wat aan die koning van Egipte behoort het.

Bybel vir almal

⁷ Die koning van Egipte kon nie weer uit sy land kom nie, want die koning van Babel het al die lande gevat wat aan die koning van Egipte behoort het, alles van Egipte-spruit tot by die Eufraat-rivier.

Afrikaans 1933-1953

⁷ En die koning van Egipte het nie verder meer uit sy land uitgetrek nie, want die koning van Babel het van die spruit van Egipte af tot by die Eufraatrivier alles geneem wat aan die koning van Egipte behoort het.

Afrikaans 1983

⁷ Die koning van Egipte het nie weer 'n veldtog buite sy land aangepak nie, want die koning van Babel het die gebied van Egiptespruit af tot aan die Eufraat verower, die hele gebied wat voorheen aan die koning van Egipte behoort het.

Contemporary Afrikaans Bible 2023

⁷ En die koning van Egipte het nie meer uit sy land teruggekom nie, want die koning van Babel het van die rivier van Egipte af tot by die Eufraatrivier alles geneem wat aan die koning van Egipte behoort het.

Die Boodskap

⁷ Die koning van Egipte het na dié tyd nooit weer buite Egipte opgetree nie, want die koning van Babel het die hele gebied tussen die Egiptespruit en die Eufraatrivier beset wat voorheen deur Egipte beheer is.

2 Konings 24:7 Kruisverwysings

Genesis 15:18

Op daardie dag het die Here met Abram 'n verbond gesluit: “Aan jou nageslag gee Ek hierdie land, van die rivier van Egipte af tot by die groot rivier, die Eufraatrivier –

1 Konings 4:21

Salomo was die heerser in al die koninkryke, van die Rivier af na die land van die Filistyne, en tot by die grens van Egipte. Hulle was aan Salomo skatpligtig en het hom gedien solank hy geleef het.

Jesaja 27:12

Op daardie dag sal die Here are uitslaan, vanaf die stroom van die Rivier tot by die Spruit van Egipte. Julle, Israeliete, sal soos are opgetel word, een vir een.

Jeremia 46:2

Oor Egipte. Oor die leër van farao Neko, koning van Egipte, wat by die Eufraatrivier, by Karkemis was, en wat verslaan is deur Nebukadresar, die koning van Babilonië, in die vierde regeringsjaar van Jojakim, seun van Josia, koning van Juda.

Jeremia 46:6

“Die vinniges kan nie wegkom nie, die helde kan nie vrykom nie. In die Noorde, langs die Eufraatrivier, het hulle gestruikel en geval.

Esegiël 30:21

“ Mensekind, die arm van die farao, die koning van Egipte, het Ek gebreek. Kyk, dit is nie verbind sodat dit kan genees, nie gespalk sodat dit sterk kan word en 'n swaard kan vashou nie.

Esegiël 30:22

Daarom, so sê die Heer, die Here, ‘dit is Ek teen die farao, die koning van Egipte! Ek sal sy arms breek, die gesonde een en die gebreekte een. Ek sal sy swaard uit sy hand laat val,

Numeri 34:5

Die grens swaai dan van Asmon af na die Spruit van Egipte, en die verste punt is die see.

Josua 15:4

gaan verby Asmon en strek verder na die Spruit van Egipte. Die verste punt van die grens is die see. Dit is hulle suidelike grens.