2 Konings 24:1 - Die Bybel 2020-vertaling

¹ In sy tyd het Nebukadnesar, die koning van Babilonië, opgetrek, en Jojakim was drie jaar lank sy dienaar. Maar toe hy daarna weer teen hom in opstand kom,

Bybel vir almal

¹ In die tyd toe Jojakim koning was, het Nebukadnesar koning van Babel die land aangeval, en Jojakim het drie jaar lank gedoen wat die koning van Babel gesê het. Maar daarna het hy opstandig geword.

Afrikaans 1933-1953

¹ IN sy dae het Nebukadnésar, die koning van Babel, opgetrek, en Jójakim het drie jaar lank sy dienaar geword; daarna het hy weer teen hom gerebelleer.

Afrikaans 1983

¹ In dié tyd het koning Nebukadnesar van Babel teen Jojakim opgetrek. Jojakim was drie jaar aan hom onderhorig en daarna het hy teen Nebukadnesar in opstand gekom.

Contemporary Afrikaans Bible 2023

¹ In sy dae het Nebukadnésar, die koning van Babel, opgetrek, en Jojakim het drie jaar lank sy dienaar geword; daarna het hy omgedraai en teen hom in opstand gekom.

Die Boodskap

¹ Gedurende Jojakim se regering het Nebukadnesar Juda aangeval. Jojakim het hom drie jaar lank aan Nebukadnesar onderwerp. Daarna het hy teen Babel gerebelleer.

2 Konings 24:1 Kruisverwysings

2 Konings 17:5

Toe het die koning van Assirië deur die hele land getrek, na Samaria opgeruk en dit drie jaar lank beleër.

2 Konings 24:20

Ja, vanweë die Here se toorn het dit met Jerusalem en Juda gebeur, totdat Hy hulle uit sy teenwoordigheid verwerp het. Sedekia het teen die koning van Babilonië in opstand gekom.

2 Kronieke 36:1

Die volk van die land het Jehoagas, seun van Josia, geneem en hom in Jerusalem koning gemaak in die plek van sy vader.

Esra 4:12

“ Ons stel die koning in kennis dat die Judeërs wat van u af vertrek het, by ons aangekom het en in Jerusalem is. Hulle herbou daardie opstandige en slegte stad. Nadat hulle die fondamente reggemaak het, is hulle nou besig om die mure op te rig.

Jesaja 36:5

Jy dink sekerlik lippetaal is 'n taktiek en 'n kragtige wapen vir die oorlog. Op wie vertrou jy dan nou, dat jy teen my in opstand is?

Jeremia 25:1

Dit is die woord wat tot Jeremia gekom het oor die hele volk van Juda, in die vierde regeringsjaar van Jojakim, seun van Josia, koning van Juda. Dit was in die eerste regeringsjaar van Nebukadresar, koning van Babilonië,

Jeremia 25:9

kyk, Ek gaan al die familiegroepe van die noorde ontbied,’ is die uitspraak van die Here, ‘ook Nebukadresar, koning van Babilonië, my dienskneg, en Ek sal hulle bring na hierdie land en sy inwoners, en na al die omliggende nasies. Ek sal hulle met die banvloek tref, en hulle 'n skrikbeeld maak, die rede vir 'n gefluit, en puinhope vir altyd.

Jeremia 35:1

Dit is die woord wat van die Here tot Jeremia gekom het in die dae van Jojakim, seun van Josia, koning van Juda:

Jeremia 35:11

Maar toe Nebukadresar, die koning van Babilonië teen die land optrek, het ons gesê, ‘Kom, laat ons na Jerusalem gaan, weg van die leër van die Galdeërs en die leër van die Arameërs.’ Ons woon dan nou in Jerusalem.”

Jeremia 36:1

In die vierde regeringsjaar van Jojakim, seun van Josia, koning van Juda, het hierdie woord van die Here tot Jeremia gekom:

Jeremia 45:1

Die woord wat die profeet Jeremia vir Barug, seun van Nerija, gesê het toe hy hierdie woorde uit die mond van Jeremia in 'n •boekrol geskryf het in die vierde regeringsjaar van Jojakim, seun van Josia, koning van Juda:

Jeremia 46:2

Oor Egipte. Oor die leër van farao Neko, koning van Egipte, wat by die Eufraatrivier, by Karkemis was, en wat verslaan is deur Nebukadresar, die koning van Babilonië, in die vierde regeringsjaar van Jojakim, seun van Josia, koning van Juda.

Jeremia 50:17

“Israel is 'n verwilderde skaap; leeus het hom verdryf. Eers het die koning van Assirië hom verslind; en nou teen die einde het Nebukadresar, die koning van Babilonië, aan sy bene geknaag. ”

Esegiël 19:8

Nasies het hulle teen hom opgestel uit die omliggende gebiede; hulle vangnet is oor hom gegooi; in hulle vangkuil is hy gevang.

Esegiël 21:14

“En jy, mensekind, profeteer! Klap jou hande teen mekaar, sodat die swaard twee keer tref, 'n derde keer – die swaard vir onheiliges, die swaard vir die groot onheilige, wat diep in hulle indring,

Daniël 1:1

In die derde jaar van die regering van Jojakim, die koning van Juda, het Nebukadnesar, die koning van Babilonië, na Jerusalem gekom en dit beleër.

Daniël 1:2

Die Heer het Jojakim, die koning van Juda, en ook 'n deel van die voorwerpe in die huis van God in sy hand oorgegee. Hy het dit na die land Sinar, na die tempel van sy gode geneem – die voorwerpe het hy na die skatkamer van sy gode geneem.

Habakuk 1:6

Ja, kyk, Ek gaan die Galdeërs laat optrek – die verbitterde en voortvarende nasie – wat oor die breedte van die aarde gaan om woonplekke in besit te neem wat nie aan hulle behoort nie.