2 Konings 22:8 - Die Bybel 2020-vertaling

⁸ Gilkija, die hoëpriester, sê toe vir Safan, die sekretaris: “Dié •boekrol met die wet het ek in die huis van die Here gevind.” Gilkija het die boekrol vir Safan gegee, en hy het dit gelees.

Bybel vir almal

⁸ Die hoëpriester het vir Safan gesê hy het in die tempel 'n boek gekry. In die boek was daar wette geskryf. Die hoëpriester het die boek vir Safan gegee, en Safan het dit gelees.

Afrikaans 1933-1953

⁸ Toe sê die hoëpriester Hilkía vir Safan, die skrywer: Ek het die wetboek in die huis van die Here gevind; en Hilkía het die boek aan Safan gegee, en hy het dit gelees.

Afrikaans 1983

⁸ Die hoëpriester Gilkija sê toe vir die staatsekretaris Safan: “Ek het die wetboek in die huis van die Here gekry.” Hy het die wetboek aan Safan oorhandig, en dié het dit gelees

Contemporary Afrikaans Bible 2023

⁸ Toe sê die hoëpriester Hilkía aan die skrywer Safan: Ek het die wetboek in die huis van die HERE gevind. En Hilkía het die boek aan Safan gegee, en hy het dit gelees.

Die Boodskap

⁸ Toe Safan daar by hom kom, sê die hoëpriester Gilkija vir hom: “Ek het die wetboek in die Here se tempel gekry!” Gilkija het toe die boekrol vir Safan gegee en hy het dit gelees.

2 Konings 22:8 Kruisverwysings

2 Konings 22:9

Toe Safan, die sekretaris, by die koning kom, het hy aan die koning verslag gedoen en gesê: “U dienaars het die geld wat in die tempel gevind is, uitgeskud en dit oorhandig aan die werksmense wat aangestel is by die huis van die Here.”

2 Konings 23:2

Die koning het toe opgegaan na die huis van die Here; al die manne van Juda en al die inwoners van Jerusalem was saam met hom, ook die priesters en die profete, ja, die hele volk, van klein tot groot. Ten aanhore van hulle almal het hy al die woorde van die •boekrol met die verbond wat in die huis van die Here gevind is, voorgelees.

2 Konings 23:24

Ook die dodebesweerders en waarsêers, die huisgode en die afgodsbeelde, al die verfoeilike gode wat in die land Juda en in Jerusalem te sien was, het Josia uitgeroei, om uitvoering te gee aan die woorde van die wet wat opgeteken was in die boekrol wat Gilkija, die priester, in die huis van die Here gevind het.