2 Konings 21:9 - Die Bybel 2020-vertaling

⁹ Maar hulle het nie geluister nie, en Manasse het hulle verlei om meer kwaad te doen as die nasies wat die Here voor die Israeliete uitgedelg het.

Bybel vir almal

⁹ Maar die mense van Juda het nie geluister nie. Manasse het hulle verlei om slegte dinge te doen. Hulle het slegter dinge gedoen as die ander volke. Die Here het daardie volke weggejaag sodat die Israeliete in die land kan woon.

Afrikaans 1933-1953

⁹ Maar hulle het nie geluister nie; en Manasse het hulle verlei om meer kwaad te doen as die nasies wat die Here voor die kinders van Israel uit verdelg het.

Afrikaans 1983

⁹ Maar hulle het nie geluister nie. Manasse het Juda die verkeerde pad laat loop, sodat hulle erger aangegaan het as die nasies wat deur die Here uitgeroei is om vir Israel plek te maak.

Contemporary Afrikaans Bible 2023

⁹ Maar hulle het nie geluister nie, en Manasse het hulle verlei om meer kwaad te doen as die nasies wat die HERE voor die kinders van Israel verdelg het.

Die Boodskap

⁹ Maar hulle het dit nie gedoen nie. Manasse het hulle mislei om dinge te doen wat erger was as die goed wat die volke gedoen het wat vir die Israeliete plek moes maak toe hulle in die land kom woon het.

2 Konings 21:9 Kruisverwysings

1 Konings 14:16

Hy gaan Israel prysgee oor die sondes van Jerobeam, die sondes wat hy gedoen het en waarmee hy Israel laat sondig het.”

2 Konings 16:3

Hy het die pad van die konings van Israel gevolg. Hy het selfs sy seun in die vuur geoffer, soos die afstootlike gebruike was van die nasies wat die Here voor die Israeliete uit verdryf het.

2 Konings 21:10

Die Here het by monde van sy diensknegte, die profete, gesê:

2 Kronieke 33:9

Maar Manasse het Juda en die inwoners van Jerusalem laat afdwaal om selfs meer kwaad te doen as die nasies wat die Here voor die Israeliete uitgedelg het.

2 Kronieke 36:16

Hulle het egter telkens die gek geskeer met die boodskappers van God en sy woorde versmaai, terwyl hulle met sy profete die spot gedryf het, totdat die Here se woede teen sy volk opgelaai het, totdat geen herstel meer moontlik was nie.

Nehemia 9:26

“Maar hulle was opstandig, het teen U in opstand gekom. Hulle het die rug op u wet gedraai. U profete, wat hulle tereggewys het om hulle na U terug te bring, het hulle vermoor. Hulle het hulle skuldig gemaak aan ernstige godslastering.

Psalms 12:8

U, Here, moet hulle beskerm; U moet elkeen altyd veilig hou teen hierdie geslag.

Psalms 81:10

Daar mag by jou nie 'n vreemde god wees nie, jy mag nie voor 'n uitlandse god in aanbidding buig nie.

Spreuke 29:12

'n Heerser wat luister na leuentaal – almal wat in sy diens is, is goddeloos.

Esegiël 11:12

Julle sal besef dat Ek die Here is, wie se vaste voorskrifte julle nie gevolg het nie, en wie se beslissings julle nie uitgevoer het nie. Julle het eerder die beslissings van die nasies rondom julle uitgevoer.” ’ ”

Esegiël 16:47

Maar jy het nie net in hulle spore gevolg en hulle afstootlike dade nagedoen nie – binne 'n kort rukkie het jy in alles wat jy doen, jou meer wangedra as hulle.

Esegiël 22:3

Jy moet sê, ‘So sê my Heer, die Here: “Stad wat in haar midde bloed vergiet, sodat haar tyd aanbreek; wat afgodsbeelde in haar maak, sodat sy •onrein word;

Esegiël 5:6

Maar sy het in opstand gekom teen my bepalings, en teen my vaste voorskrifte, om sodoende meer goddeloos te wees as die nasies, as die lande wat rondom haar is. Ja, haar inwoners het my bepalings verwerp, en my vaste voorskrifte het hulle nie gevolg nie.

Esegiël 5:7

“Daarom,” so sê my Heer, die Here, “omdat julle nog meer in verset was as die nasies rondom julle, my vaste voorskrifte nie gevolg het nie, my bepalings nie uitgevoer het nie, maar die gebruike van die nasies rondom julle nagevolg het,

Daniël 9:6

En ons het nie geluister na u diensknegte die profete nie, hulle wat in u Naam gepraat het met ons konings, ons •hoë amptenare, ons voorouers en met die hele volk van die land.

Hosea 5:11

Efraim is verdruk en die reg is verkrag, want hy was gretig om agter 'n nikswerd aan te loop.

Lukas 13:34

Jerusalem, Jerusalem, jy wat die profete doodmaak en dié stenig wat na jou gestuur is! Hoe dikwels wou Ek jou kinders bymekaarmaak soos 'n hen haar kuikens onder haar vlerke, maar julle wou nie!

Johannes 15:22

As Ek nie gekom en met hulle gepraat het nie, sou hulle nie sonde gehad het nie; maar nou het hulle nie 'n verskoning vir hulle sonde nie.

Jakobus 4:17

As iemand weet om die goeie te doen en dit nie doen nie, is dit vir hom sonde.

Openbaring 2:20

Maar Ek hou dit teen jou dat jy die vrou Isebel net laat begaan – sy wat haarself 'n profetes noem, en my diensknegte leer en verlei om te hoereer en om afgodsoffers te eet.

1 Samuel 8:19

Die volk het egter geweier om na Samuel te luister. “Nee,” het hulle gesê, “maar daar moet 'n koning oor ons wees!