2 Konings 18:1 - Die Bybel 2020-vertaling

¹ In die derde regeringsjaar van Hosea, seun van Ela, die koning van Israel, het Hiskia, seun van Agas, die koning van Juda, koning geword.

Bybel vir almal

¹ Hiskia seun van koning Agas van Juda het koning geword in die derde jaar nadat Hosea seun van Ela koning van Israel geword het.

Afrikaans 1933-1953

¹ EN in die derde jaar van Hoséa, die seun van Ela, die koning van Israel, het Hiskía, die seun van Agas, die koning van Juda, koning geword.

Afrikaans 1983

¹ In die derde regeringsjaar van koning Hosea van Israel, seun van Ela, het Hiskia seun van koning Agas van Juda op die troon gekom.

Contemporary Afrikaans Bible 2023

¹ En in die derde jaar van Hoséa, seun van Ela, die koning van Israel, het Hiskía, die seun van Agas, die koning van Juda, koning geword.

Die Boodskap

¹ In die derde jaar wat koning Hosea seun van Ela in Israel regeer het, het Hiskia, die seun van Agas, koning in Juda geword.

2 Konings 18:1 Kruisverwysings

2 Konings 15:30

Hosea, seun van Ela, het 'n komplot gesmee teen Peka, seun van Remalja, hom neergevel en doodgemaak, en in sy plek koning geword in die twintigste regeringsjaar van Jotam, seun van Ussia.

2 Konings 16:2

Agas was twintig jaar oud toe hy koning geword het en hy het sestien jaar lank as koning geheers in Jerusalem. Hy het nie gedoen wat reg is in die oë van die Here sy God, soos sy voorvader Dawid nie.

2 Konings 16:20

Agas het by sy voorouers gaan rus, en hy is by sy voorouers in die Stad van Dawid begrawe. Hiskia, sy seun, het in sy plek koning geword.

2 Konings 17:1

In die twaalfde regeringsjaar van Agas, koning van Juda, het Hosea, seun van Ela, in Samaria koning geword oor Israel en nege jaar lank regeer.

2 Konings 18:9

In die vierde regeringsjaar van koning Hiskia – dit was die sewende regeringsjaar van Hosea, seun van Ela, die koning van Israel – het Salmaneser, die koning van Assirië, teen Samaria opgetrek en dit beleër.

1 Kronieke 3:13

dié se seun was Agas; dié se seun was Hiskia; dié se seun was Manasse;

2 Kronieke 28:27

Agas het by sy voorouers gaan rus, en hulle het hom in die stad, in Jerusalem begrawe; ja, hulle het hom nie na die grafte van die konings van Israel geneem nie. Hiskia, sy seun, het in sy plek koning geword.

2 Kronieke 29:1

Hiskia was vyf-en-twintig jaar oud toe hy koning geword het, en hy het nege-en-twintig jaar lank as koning geheers in Jerusalem. Sy moeder se naam was Abi, dogter van Sagaria.

2 Kronieke 29:29

Toe die brandoffer verby was, het die koning en almal wat by hom teenwoordig was, gekniel en in aanbidding gebuig.

Miga 1:1

Die woord van die Here wat tot Miga van Morêset gekom het in die tyd van Jotam, Agas en Hiskia, die konings van Juda, wat aan hom geopenbaar is oor Samaria en Jerusalem.