2 Konings 17:6 - Die Bybel 2020-vertaling

⁶ In die negende regeringsjaar van Hosea het die koning van Assirië Samaria ingeneem en Israel weggevoer na Assirië. Hy het hulle in Galag en aan die Gabor, 'n rivier in Gosan, en ook in dorpe van Medië, laat woon.

Bybel vir almal

⁶ In die negende jaar nadat Hosea koning geword het, het die koning van Assirië die stad Samaria oorwin, en hy het die mense van Israel gevang en weggevat na Assirië. Daar het hy hulle laat woon in die stad Galag, by die Gabor-rivier in die land Gosan, en in die stede van Medië.

Afrikaans 1933-1953

⁶ In die negende jaar van Hoséa het die koning van Assirië Samaría ingeneem en Israel in ballingskap weggevoer na Assirië en hulle laat woon in Halag en aan die Habor, die rivier van Gosan, en in die stede van Medië.

Afrikaans 1983

⁶ In die negende regeringsjaar van Hosea het die koning van Assirië Samaria ingeneem en het hy die Israeliete na Assirië toe weggevoer. Sommige het hy in die stad Galag gevestig, ander aan die Gaborrivier in Gosan, en in die stede van Medië.

Contemporary Afrikaans Bible 2023

⁶ In die negende jaar van Hoséa het die koning van Assirië Samaria ingeneem en Israel na Assirië weggevoer en hulle in Hala en in Habor by die rivier van Gosan en in die stede van die Meders geplaas.

Die Boodskap

⁶ In die negende jaar wat Hosea regeer het, het die Assiriese koning Samaria ingeneem. Hy het die mense van Israel na Assirië geneem en hulle in die stad Galag, langs die Gaborrivier in Gosan, en in die stede van die Mediërs hervestig.

2 Konings 17:6 Kruisverwysings

Genesis 10:2

Jafet se nageslag was Gomer en Magog, Madai, Jawan, Tubal, Meseg en Tiras.

1 Konings 8:46

“Wanneer hulle teen U sondig – want daar is geen mens wat nie sondig nie – en U toornig is op hulle en hulle oorgee aan 'n vyand, en hulle ontvoerders hulle wegvoer na die land van die vyand, ver of naby,

2 Konings 15:29

In die tyd van Peka, die koning van Israel, het Tiglat-Pileser, die koning van Assirië, gekom en Ijon, Abel-Bet-Maäga, Janoag, Kedes, Gasor, Gilead en Galilea, die hele gebied van Naftali, verower, en die inwoners weggevoer na Assirië.

2 Konings 17:23

totdat die Here Israel uit sy teenwoordigheid verwyder het, soos wat Hy by monde van al sy diensknegte, die profete, gespreek het. Israel is van sy grond af weggevoer na Assirië; dit is vandag nog so.

2 Konings 18:34

Waar was die gode van Hamat en Arpad? Waar was die gode van Sefarwajim, Hena en Awwa? Kon húlle Samaria uit my hand red?

2 Konings 19:12

Het die gode van die nasies wat deur my voorvaders uitgedelg is, hulle gered – Gosan, Haran, Resef en die mense van Eden wat in Telassar was?

2 Konings 21:13

Ek gaan oor Jerusalem die maatlyn van Samaria span, en die skietlood van die huis van Agab. Ek gaan Jerusalem skoonvee soos mens 'n skottel skoonvee – as dit skoongevee is, word dit omgekeer.

1 Kronieke 5:22

Ja, daar het baie gesneuweldes gelê, omdat die oorlog van God uitgegaan het. Hulle het toe in hulle plek gaan woon tot met die ballingskap.

1 Kronieke 5:26

Toe het die God van Israel die gees van Pul, die koning van Assirië – dit is die gees van Tiglat-Pilneser, die koning van Assirië – aangevuur, en hy het hulle in ballingskap weggevoer, dit is die mense van Ruben, Gad en die halwe stam van Manasse. Hy het hulle na Galag, Gabor, Hara en die rivier van Gosan geneem; dit is vandag nog so.

Esra 6:2

In die vesting Agmeta, in die provinsie Medië, is 'n •boekrol gevind waarin daar die volgende geskryf staan: “'n Verslag:

Nehemia 9:32

“ Daarom, ons God, groot, magtige en ontsagwekkende God, U wat bly by die verbond en u troue liefde, laat dit tog nie gering wees voor U nie, al die swaarkry wat ons ervaar het – ons konings en leiers, ons priesters en profete, ons voorouers en u hele volk – vanaf die dae van die konings van Assirië tot vandag toe.

Jesaja 10:9

Is Kalno nie soos Karkemis, en Hamat soos Arpad of Samaria soos Damaskus nie?

Jesaja 13:17

Kyk, Ek gaan die Meders teen hulle aanhits, hulle wat silwer nie hoog aanslaan nie, en in goud geen genot vind nie.

Jesaja 17:4

“ Op daardie dag sal die luister van Jakob vervaag; sy vet aan sy liggaam sal verdwyn.

Jesaja 21:2

'n Onverbiddelike openbaring is my meegedeel: “Die verraaier pleeg verraad, die verwoester verwoes. Ruk op, Elam! Medië, beleër! Aan al die gesug maak Ek 'n einde.”

Jesaja 36:17

totdat ek kom en julle neem na 'n land soos julle land – 'n land met koring en •nuwe wyn, 'n land met brood en wingerde.

Jesaja 36:19

“ ‘Waar was die gode van Hamat en Arpad? Waar was die gode van Sefarwajim? Kon húlle Samaria uit my hand red?

Jesaja 37:18

Dit is inderdaad so, Here, dat die konings van Assirië al die nasies en hulle lande verwoes

Jesaja 8:4

Want voordat die seun sal weet hoe om te roep ‘Pa!’ en ‘Ma!’ sal hulle die rykdom van Damaskus en die buit van Samaria voor die koning van Assirië uit dra.”

Jeremia 50:17

“Israel is 'n verwilderde skaap; leeus het hom verdryf. Eers het die koning van Assirië hom verslind; en nou teen die einde het Nebukadresar, die koning van Babilonië, aan sy bene geknaag. ”

Daniël 5:28

Peres – u koninkryk is verdeel en is aan die Mede en Perse gegee.”

Hosea 1:4

Die Here sê toe vir hom: “Noem hom Jisreël, want nog 'n klein rukkie, dan roep Ek die huis van Jehu tot verantwoording oor die bloedbad by Jisreël. Ek gaan 'n einde maak aan die koninkryk van die huis van Israel.

Hosea 1:6

Sy het weer swanger geword en geboorte gegee aan 'n dogter. Die Here sê toe vir hom: “Noem haar Lo-Rugama, want Ek gaan My nie langer ontferm oor die huis van Israel nie, ja, Ek sal hulle geensins vergewe nie.

Hosea 1:9

Die Here sê toe: “Noem hom Lo-Ammi, want julle is nie my volk nie, en Ek is nie ‘Ek Is’ vir julle nie.”

Hosea 8:8

Israel is ingesluk; nou het hulle onder die nasies geword soos 'n stuk gereedskap wat geen waarde meer het nie;

Hosea 9:3

Hulle sal nie in die land van die Here bly nie, maar Efraim sal na Egipte terugkeer en in Assirië sal hulle •onrein kos eet.

Levitikus 26:38

Julle sal verdwyn tussen die nasies; die land van julle vyande sal julle verteer.

Amos 5:27

Ek gaan julle tot anderkant Damaskus in ballingskap wegvoer,” het die Here gesê. God wat Heerser is oor alle magte, is sy Naam.

Amos 7:17

“Daarom, so sê die Here, “ ‘Jou vrou sal in die stad hoereer, en deur die swaard sal jou seuns en dogters val. Jou grond sal met 'n maatlyn opgedeel word, en jy self sal op •onrein grond sterf. En Israel sal beslis in ballingskap gaan, weg van sy grondgebied af.’ ”

Deuteronomium 28:36

“Die Here sal jou en jou koning wat jy oor jou aanstel, laat wegvoer na 'n nasie wat jy en jou voorouers nie geken het nie, en daar sal jy ander gode dien, hout en klip.

Deuteronomium 28:64

en die Here sal jou verstrooi onder al die volke, van die een einde van die aarde tot by die ander einde van die aarde. Daar sal jy ander gode dien, hout en klip, wat jy of jou voorouers nie geken het nie.

Deuteronomium 30:18

dan maak ek vandag aan julle bekend dat julle beslis tot niet sal gaan. Julle sal nie lank leef op die grond waarheen jy oor die Jordaan trek om dit in besit te gaan neem nie.