2 Konings 15:5 - Die Bybel 2020-vertaling

⁵ Die Here het die koning getref, en hy het 'n velsiekte gehad tot die dag van sy dood. Hy het in 'n plek van afsondering gewoon, en Jotam, die seun van die koning, was hoof van die hofhouding en het reg gespreek oor die volk van die land.

Bybel vir almal

⁵ Die Here het die koning melaats laat word. Hy was melaats totdat hy gesterf het. Hy het apart in 'n huis gewoon, en sy seun Jotam het oor die paleis en die mense van die land regeer.

Afrikaans 1933-1953

⁵ En die Here het die koning aangetas, sodat hy melaats was tot die dag van sy dood toe; en hy het in 'n afgesonderde huis gewoon, terwyl Jotam, die seun van die koning, oor die paleis was en reg gespreek het oor die volk van die land.

Afrikaans 1983

⁵ Die Here het die koning met melaatsheid getref. Hy was melaats tot die dag van sy dood en het in 'n plek van afsondering gewoon. Sy seun Jotam het die paleis bestuur en oor die hele land geregeer.

Contemporary Afrikaans Bible 2023

⁵ En die HERE het die koning verslaan, sodat hy melaats was tot die dag van sy dood, en hy het in 'n ander huis gewoon. En Jotam, die seun van die koning, was oor die huis en oordeel oor die mense van die land.

Die Boodskap

⁵ Die Here het die koning met ’n velsiekte getref, wat hom tot by sy dood geteister het. Hy het in afsondering in ’n plek van sy eie gewoon. Intussen is sy seun Jotam in bevel van die paleis geplaas en het hy ook die land regeer.

2 Konings 15:5 Kruisverwysings

2 Samuel 3:29

Mag dit neerkom op die kop van Joab en sy vader se hele familie. Mag daar in Joab se familie nooit iemand ontbreek wat 'n afskeiding of 'n velsiekte het, of 'n man wat 'n spinspoel vashou, of deur die swaard val, of broodgebrek ly nie.”

2 Samuel 8:15

Dawid het oor die hele Israel regeer, en hy het vir sy hele volk gedoen wat reg en billik is.

1 Konings 3:28

Toe die hele Israel hoor van die beslissing wat die koning gelewer het, het hulle vir die koning ontsag gehad, want hulle het gesien dat die wysheid van God in hom was om die reg te handhaaf.

1 Konings 3:9

Gee dan aan u dienskneg 'n hart wat luister om as regter op te tree vir u volk, om te kan onderskei tussen goed en kwaad; want wie kan regspreek oor hierdie veeleisende volk van U?”

2 Konings 15:32

In die tweede regeringsjaar van Peka, seun van Remalja, die koning van Israel, het Jotam, seun van Ussia, die koning van Juda, koning geword.

2 Konings 15:6

Die verdere geskiedenis van Asarja en alles wat hy gedoen het, is dit nie opgeteken in die boekrol met die kronieke van die konings van Juda nie?

2 Konings 5:27

Die velsiekte van Naäman sal aan jou en jou nageslag kleef vir altyd.” Toe Gehasi van hom af weggaan, het hy die velsiekte gehad – soos sneeu.

2 Konings 7:3

Daar was vier mans met 'n velsiekte by die ingang van die stadspoort, en hulle het vir mekaar gesê: “Waarom sal ons hier bly totdat ons sterf?

1 Kronieke 3:12

dié se seun was Amasia; dié se seun was Asarja; dié se seun was Jotam;

1 Kronieke 5:17

Hulle almal is in die register opgeneem in die tyd van Jotam, die koning van Juda, en in die tyd van Jerobeam, die koning van Israel.

Job 34:19

Hy wat nie partydig is vir bevelvoerders nie, wat nie aan vooraanstaande mense voorkeur gee bo armes nie, omdat hulle almal die werk van sy hande is?

Psalms 72:1

Van Salomo. O God, gee u beslissings aan die koning, u geregtigheid aan die seun van die koning.

Hosea 1:1

Dit is die woord van die Here aan Hosea, seun van Beëri. Dit was in die tyd van Ussia, Jotam, Agas en Hiskia, konings van Juda, en in die tyd van Jerobeam, seun van Joas, koning van Israel.

Levitikus 13:46

So lank as wat hy die velaandoening het, sal hy onrein wees; hy is onrein. Hy moet eenkant woon. Sy blyplek moet buite die kamp wees.”

Miga 1:1

Die woord van die Here wat tot Miga van Morêset gekom het in die tyd van Jotam, Agas en Hiskia, die konings van Juda, wat aan hom geopenbaar is oor Samaria en Jerusalem.

Numeri 12:10

Toe die wolk van die tent af terugtrek, staan Mirjam daar met 'n velsiekte, wit soos sneeu. Aäron het na Mirjam gedraai en jou waarlik, sy het 'n velsiekte!

Numeri 12:14

Daarop sê die Here vir Moses: “As haar vader haar maar net in haar gesig gespoeg het, sou sy nie sewe dae lank in skande gewees het nie? Laat sy sewe dae lank buite die kamp uitgesluit word; daarna kan sy terugkeer.”

Deuteronomium 24:8

“ Wees uiters versigtig in die geval van 'n uitbraak van huidsiekte om op te tree net soos die Levitiese priesters julle sal leer. Wat ek hulle beveel het, moet julle nougeset nakom.