2 Konings 12:7 - Die Bybel 2020-vertaling

⁷ Koning Jehoas ontbied toe die priester Jojada en die ander priesters, en sê vir hulle: “Waarom herstel julle nie die bouvallige plekke in die tempel nie? Julle moet dan nou nie meer geld neem van julle penningmeesters nie, maar dit moet vir die herstel van die bouvallige plekke in die tempel oorhandig word.”

Bybel vir almal

⁷ Joas roep toe die priester Jojada en die ander priesters en hy sê vir hulle: “Hoekom maak julle nie die tempel reg nie? Van nou af mag julle nie meer die geld hou wat die mense bring nie, julle moet dit gebruik om die tempel reg te maak.”

Afrikaans 1933-1953

⁷ het koning Joas Jójada, die priester, en die priesters geroep en aan hulle gesê: Waarom herstel julle nie die bouvallige plekke van die huis nie? Nou dan, julle moet geen geld van julle bekendes aanneem nie, maar dit gee vir die bouvallige plekke van die huis.

Afrikaans 1983

⁷ Toe het koning Joas vir Jojada en die ander priesters ingeroep en vir hulle gevra: “Waarom herstel julle nie die bouvallige plekke in die tempel nie? Julle moenie geld aanvaar van dié wat dit bring, as julle nie daarmee vir die herstel van die bouvallige plekke betaal nie.”

Contemporary Afrikaans Bible 2023

⁷ Toe roep koning Joas die priester Jojada en die ander priesters en sê vir hulle: Waarom herstel julle nie die skeure van die huis nie? ontvang dan nou nie meer geld van jou bekende nie, maar gee dit vir die breuke van die huis.

Die Boodskap

⁷ Toe Joas 23 jaar lank koning was, het die priesters nog nie die swak plekke aan die tempel herstel nie.

2 Konings 12:7 Kruisverwysings

2 Konings 11:4

Maar in die sewende jaar het Jojada iemand gestuur en die •aanvoerders van honderd van die Kariërs en die hardlopers laat haal. Hy het hulle by hom in die huis van die Here ingeneem, met hulle 'n ooreenkoms gesluit en hulle 'n eed laat aflê in die huis van die Here. Daarna het hy hulle die koning se seun gewys.

2 Konings 12:2

Jehoas het gedoen wat reg is in die oë van die Here solank as wat die priester Jojada hom onderrig het.

2 Konings 12:6

In die drie-en-twintigste regeringsjaar van koning Jehoas het die priesters egter nog nie die bouvallige plekke in die tempel herstel nie.

2 Konings 12:8

Die priesters het toe ingestem om nie enige geld van die volk in ontvangs te neem nie, en om nie die bouvallige plekke in die tempel te herstel nie.

1 Kronieke 21:3

Maar Joab het geantwoord: “Mag die Here by sy manskappe nog 'n honderd maal soveel byvoeg as wat hulle is! My heer die koning, is hulle nie almal my heer se onderdane nie? Waarom versoek my heer dit? Waarom moet dit vir Israel 'n skuldlas word?”

2 Kronieke 23:1

In die sewende jaar het Jojada moed bymekaargeskraap en die •aanvoerders van honderd, Asarja, seun van Jerogam, Ismael, seun van Joganan, Asarja, seun van Obed, Maäseja, seun van Adaja, en Elisafat, seun van Sigri, betrek om met hom 'n ooreenkoms aan te gaan.

2 Kronieke 24:16

Hulle het hom begrawe in die Stad van Dawid, by die konings, omdat hy goed gedoen het in Israel, ook met betrekking tot God en sy •tempel.

Haggai 1:2

“So sê die Here, Heerser oor alle magte, ‘Hierdie volk sê die tyd is nog nie ryp om die Here se huis te herbou nie.’ ”