2 Konings 12:1 - Die Bybel 2020-vertaling

¹ In die sewende regeringsjaar van Jehu het Jehoas koning geword, en hy het veertig jaar lank as koning geheers in Jerusalem. Sy moeder se naam was Sibja, uit Berseba.

Bybel vir almal

¹ Joas het koning van Juda geword in die sewende jaar nadat Jehu koning van Israel geword het. Joas was 40 jaar lank koning in Jerusalem. Sy ma se naam was Sibja, sy was van die stad Berseba.

Afrikaans 1933-1953

¹ IN die sewende jaar van Jehu het Joas koning geword, en hy het veertig jaar geregeer in Jerusalem; en die naam van sy moeder was Sibja, van Berséba.

Afrikaans 1983

¹ In die sewende regeringsjaar van Jehu het Joas koning geword, en hy het veertig jaar in Jerusalem geregeer. Sy ma was Sibja, uit Berseba.

Contemporary Afrikaans Bible 2023

¹ In die sewende jaar van Jehu het Joas koning geword; en hy het veertig jaar in Jerusalem geregeer. En die naam van sy moeder was Sibja van Berseba.

Die Boodskap

¹ Joas was net sewe jaar oud toe hy koning geword het.

2 Konings 12:1 Kruisverwysings

Genesis 21:14

Abraham het die môre vroeg opgestaan. Hy neem toe brood en 'n sak water, en gee dit vir Hagar. Hy het dit op haar skouer gesit en ook die kind, en haar toe weggestuur. Sy het vertrek, en in die woestyn van Berseba rondgedwaal.

2 Konings 11:21

Jehoas was sewe jaar oud toe hy koning geword het.

2 Konings 12:2

Jehoas het gedoen wat reg is in die oë van die Here solank as wat die priester Jojada hom onderrig het.

2 Konings 13:1

In die drie-en-twintigste jaar van Jehoas, seun van Ahasia, die koning van Juda, het Joagas, seun van Jehu, in Samaria koning geword oor Israel, sewentien jaar lank.

2 Konings 13:10

In die sewe-en-dertigste regeringsjaar van Jehoas, die koning van Juda, het Joas, seun van Joagas, in Samaria koning geword oor Israel, sestien jaar lank.

2 Konings 9:27

Toe Ahasia, koning van Juda, dit sien, het hy gevlug met die pad na Bet-Gan. Maar Jehu het hom agtervolg en gesê: “Skiet hom ook!” Hulle het hom geskiet in sy strydwa teen die opdraande van Gur wat by Jibleam is. Hy het na Megiddo gevlug, maar het daar gesterf.

1 Kronieke 3:11

dié se seun was Jehoram; dié se seun was Ahasia; dié se seun was Jehoas;