2 Konings 11:12 - Die Bybel 2020-vertaling

¹² Toe bring Jojada die seun van die koning uit en plaas die kroon en koninklike simbole op hom. So het hulle hom koning gemaak, hom gesalf, hande geklap en uitgeroep: “Lank lewe die koning!”

Bybel vir almal

¹² Die priester het die prins uitgebring. Hy het die kroon op die prins se kop gesit en hy het vir hom 'n brief gegee. In die brief was geskryf dat hulle hom gekies en aangestel het om koning te wees. Hulle het hom gesalf en hom koning gemaak. Hulle het hande geklap en gesê: “Ons bid dat die koning lank sal lewe!”

Afrikaans 1933-1953

¹² Daarna het hy die seun van die koning uitgebring en aan hom die kroon en die Getuienis oorgegee; en hulle het hom koning gemaak en hom gesalf en met die hande geklap en gesê: Mag die koning lewe!

Afrikaans 1983

¹² Toe het Jojada die jong koning vorentoe laat kom, hom gekroon en die koninklike volmag aan hom oorhandig. So het hulle hom koning gemaak. Hulle het hom gesalf, hande geklap en geroep: “Lank lewe die koning!”

Contemporary Afrikaans Bible 2023

¹² En hy het die seun van die koning uitgebring en die kroon op hom gesit en hom die getuienis gegee; en hulle het hom koning gemaak en hom gesalf; en hulle het hande geklap en gesê: Mag God die koning red!

Die Boodskap

¹² Toe alles gereed was, het Jojada die jong koning uitgebring. Hy het ’n kroon op sy kop gesit en die kroningsdokument vir hom gegee. Daarna het hulle olie op sy kop uitgegooi en hande geklap en hard uitgeroep: “Mag die koning lank lewe!” Só het hulle vir Joas koning gemaak.

2 Konings 11:12 Kruisverwysings

2 Samuel 1:10

Ek het by hom gaan staan en hom doodgemaak, want ek het geweet dat hy nie sou leef as hy eers geval het nie. Ek het die kroon wat op sy kop was en die armband wat aan sy arm was, geneem, en dit hierheen vir my heer gebring.”

2 Samuel 12:30

Hy het hulle koning se kroon van sy kop afgehaal. Die gewig daarvan was 'n kikkar goud, en daar was edelstene in. Dit is op Dawid se kop geplaas. Die buit van die stad wat hy weggevoer het, was besonder groot.

2 Samuel 16:16

Toe Gusai, die man uit Ereg, die vriend van Dawid, by Absalom kom, sê hy dadelik vir Absalom: “Lank lewe die koning! Lank lewe die koning!”

2 Samuel 2:4

Die manne van Juda het gekom en Dawid daar as koning gesalf oor die huis van Juda. Hulle het Dawid ingelig en gesê: “Dit is die manne van Jabes in Gilead wat vir Saul begrawe het.”

2 Samuel 2:7

Skep nou moed en wees onverskrokke, al is julle heer Saul dood. Net nog dit: Hulle, die huis van Juda, het my gesalf as koning oor hulle.”

2 Samuel 5:3

Toe al die oudstes van Israel na die koning in Hebron gekom het, het koning Dawid voor die Here 'n verbond met hulle gesluit in Hebron; en hulle het Dawid as koning gesalf oor Israel.

1 Konings 1:25

Want hy het vandag afgegaan en 'n groot aantal beeste, vetgemaakte kalwers en kleinvee geslag, en al die seuns van die koning, die leëraanvoerders en Abjatar, die priester, genooi. Hulle is juis besig om voor hom te eet en te drink, en hulle sê, ‘Lank lewe koning Adonia!’

1 Konings 1:34

en dan moet Sadok, die priester, en Natan, die profeet, hom daar salf as koning oor Israel. Blaas op die •ramshoring en roep dan uit, ‘Lank lewe koning Salomo!’

1 Konings 1:39

Sadok, die priester, het die horing met olie uit die tent geneem en Salomo gesalf. Hulle het op die ramshoring geblaas en die hele volk het geroep: “Lank lewe koning Salomo!”

1 Konings 2:44

Die koning het ook vir Simeï gesê: “Jy weet self van al die kwaad, waarvan jy diep in jou hart bewus is, wat jy my vader Dawid aangedoen het. Die Here laat al jou boosheid op jou eie kop neerkom.

2 Konings 11:11

Die hardlopers het elkeen met sy wapens in sy hand vanaf die regterkant van die •tempel tot aan die linkerkant van die tempel gaan staan, voor die altaar en voor die tempelgebou, rondom die koning.

2 Konings 11:2

Jehoseba, 'n dogter van koning Jehoram, Ahasia se suster, het egter vir Jehoas, seun van Ahasia, gesteel tussen die koning se seuns uit wat doodgemaak sou word, en hom en sy oppasser na 'n slaapkamer geneem. Sy het hom weggesteek vir Atalia, sodat hy nie doodgemaak is nie.

2 Konings 11:4

Maar in die sewende jaar het Jojada iemand gestuur en die •aanvoerders van honderd van die Kariërs en die hardlopers laat haal. Hy het hulle by hom in die huis van die Here ingeneem, met hulle 'n ooreenkoms gesluit en hulle 'n eed laat aflê in die huis van die Here. Daarna het hy hulle die koning se seun gewys.

2 Konings 9:13

Toe neem elkeen gou sy kledingstuk en plaas dit onder Jehu op die kaal trappe. Daarop blaas hulle op die •ramshoring en roep uit: “Jehu is koning!”

2 Konings 9:3

Neem dan die fles olie, giet dit oor sy kop uit en sê, ‘So sê die Here: “Ek salf jou as koning oor Israel.” ’ Maak dan die deur oop en vlug – moenie talm nie!”

2 Kronieke 23:11

Toe bring hulle die seun van die koning uit en plaas die kroon en koninklike simbole op hom. So het hulle hom koning gemaak. Jojada en sy seuns het hom gesalf en uitgeroep: “Lank lewe die koning!”

Ester 2:17

Die koning het Ester liefgehad, meer as al die vroue. Sy het voor hom guns en welwillendheid geniet, meer as al die maagde. Hy het toe die hooftooisel op haar kop gesit, en haar koningin gemaak in Vasti se plek.

Ester 6:8

vir so iemand moet 'n koninklike kleed gebring word wat die koning self gedra het, en 'n perd waarop die koning self gery het, en wat 'n koninklike hooftooisel op sy kop het.

Psalms 132:18

Sy vyande sal Ek met skande beklee, maar sy kroon sal op hom skitter.”

Psalms 21:3

Wat sy hart begeer, het U vir hom gegee en wat sy lippe verlang, het U hom nie geweier nie. •Sela

Psalms 21:4

Ja, U tree hom tegemoet met goeie seëninge; U sit 'n kroon van fyngoud op sy kop.

Psalms 47:1

Vir die •musiekleier. Van die Koragiete. 'n Psalm.

Psalms 78:5

Hy het 'n bepaling neergelê in Jakob, 'n wet vasgestel in Israel: Wat Hy ons voorouers beveel het, moet aan hulle kinders bekend gemaak word,

Psalms 89:39

Maar U self het hom verstoot en verwerp, U was woedend vir u gesalfde.

Psalms 98:8

Laat die riviere hande klap en saam met die berge jubel

Eksodus 25:16

“ Jy moet die Getuienis wat Ek vir jou sal gee, in die ark sit.

Eksodus 31:18

Nadat die Here klaar met Moses gepraat het, het Hy vir hom op die berg Sinai die twee tafels met die Getuienis gegee – kliptafels waarop daar deur die vinger van God geskryf is.

Jesaja 55:12

“ Ja, met vreugde sal julle wegtrek, en in vrede gelei word. Die berge en heuwels sal voor julle in jubelkrete uitbreek, en al die bome van die veld sal hande klap.

Jesaja 8:16

Bind die getuienis toe! Hou die onderrig verseël by my leerlinge!

Jesaja 8:20

moet julle antwoord: “Gaan na die onderrig en die getuienis!” Hulle moet beslis antwoord volgens hierdie uitspraak, waarteen geen beswering bestand is nie.

Klaagliedere 4:20

Ons lewensasem, die gesalfde van die Here, is in hulle vangkuile gevang – die een in wie se skadu ons gedink het ons onder die nasies sou leef!

Daniël 3:9

Hulle praat toe en sê vir koning Nebukadnesar: “O koning, leef vir ewig!

Daniël 6:21

Terwyl hy nader aan die kuil kom, het hy na Daniël geroep met 'n angstige stem. Die koning het vir Daniël gesê: “Daniël, dienskneg van die lewende God, was jou God wat jy voortdurend dien, in staat om jou te red van die leeus?”

Matteus 21:9

Die skare wat voor Hom uit geloop en dié wat gevolg het, het uitgeroep: “Hosanna vir die •Seun van Dawid! Geseënd is Hy wat kom in die Naam van die Here! Hosanna in die hoogste!”

Matteus 27:29

Nadat hulle 'n kroon van doringtakkies gevleg het, het hulle dit op sy kop gesit, en 'n riet in sy regterhand. Hulle het voor Hom gekniel en met Hom die spot gedryf: “Gegroet, koning van die Jode!”

Handelinge 4:27

“Want inderdaad, in hierdie stad het hulle – Herodes en Pontius •Pilatus, saam met die heidennasies en die volke van Israel – saamgespan teen u heilige Dienskneg Jesus, wat U gesalf het

2 Korinthiërs 1:21

Dit is God wat ons saam met julle in Christus 'n vaste fondament gegee het, en ons gesalf het,

Hebreërs 1:9

U het •geregtigheid lief, en U haat wetteloosheid; daarom, o God, het u God U gesalf met olie van vreugde, meer as u vriende.”

Hebreërs 2:9

Maar ons sien Jesus, met heerlikheid en eer gekroon, Hy wat deur sy lyding tot in die dood vir 'n kort rukkie minder as die engele gemaak is, sodat Hy, deur God se genade, ter wille van almal die dood sou ervaar.

Openbaring 19:12

Sy oë was soos 'n vlammende vuur, en op sy kop was daar baie krone. En Hy dra 'n geskrewe Naam, wat niemand ken nie, behalwe net Hy self.

1 Samuel 10:1

Samuel het die fles met olie geneem en dit op Saul se kop uitgegiet. Hy het hom gesoen en vir hom gesê: “Is dit nie so dat die Here jou as leier oor sy erfdeel gesalf het nie?

1 Samuel 10:24

Samuel sê toe vir die hele volk: “Sien julle die een vir wie die Here gekies het? Ja, daar is niemand soos hy onder die hele volk nie.” Die hele volk het hom toegejuig met die woorde: “Lank lewe die koning!”

1 Samuel 16:13

Samuel het die horing met olie geneem en hom daar tussen sy broers gesalf. Die Gees van die Here het van daardie dag af en ook verder van Dawid besit geneem. Samuel het toe opgestaan en na Rama gegaan.