2 Konings 10:10 - Die Bybel 2020-vertaling

¹⁰ Weet dan dat daar niks onvervuld sal bly van die Here se woord wat die Here oor die huis van Agab gespreek het nie. Die Here self het gedoen wat Hy by monde van sy dienskneg, Elia, gespreek het.”

Bybel vir almal

¹⁰ Julle moet dit weet: Alles het gebeur wat die Here gesê het oor die familie van Agab. Die Here het sy dienaar Elia gestuur om die boodskap te bring, en die Here het gedoen wat Hy gesê het.”

Afrikaans 1933-1953

¹⁰ Erken dan dat niks onvervuld bly van die woord van die Here wat die Here gespreek het teen die huis van Agab nie — die Here het gedoen wat Hy deur die diens van sy kneg Elía gespreek het.

Afrikaans 1983

¹⁰ Erken dan dat nie 'n enkele ding wat die Here oor die huis van Agab gesê het, onvervul sal bly nie. Die Here het alles gedoen wat Hy deur sy dienaar Elia gesê het.”

Contemporary Afrikaans Bible 2023

¹⁰ Weet nou dat daar niks op die aarde sal val van die woord van die HERE wat die HERE oor die huis van Agab gespreek het nie, want die HERE het gedoen wat Hy deur sy kneg Elía gespreek het.

Die Boodskap

¹⁰ Julle moet net weet dat alles waar sal word wat die Here oor Agab en sy familie gesê het. Wat julle hier sien, is die manier waarop die Here dit wat Elia aangekondig het, laat gebeur het.”

2 Konings 10:10 Kruisverwysings

1 Konings 21:19

Sê dan vir hom, ‘So sê die Here: “Het jy moord gepleeg en ook nog erfgoed in besit geneem?” ’ Sê verder vir hom, ‘So sê die Here: “Op die plek waar die honde Nabot se bloed opgelek het, sal die honde ook jóú bloed oplek.” ’ ”

1 Konings 21:29

“Het jy gesien dat Agab homself voor My verneder het? Omdat hy hom voor My verneder het, sal Ek nie die onheil in sy tyd bring nie. In die tyd van sy seun sal Ek die onheil oor sy huis bring. ”

2 Konings 10:17

Toe hy in Samaria kom, het hy almal neergevel wat van Agab in Samaria oorgebly het, totdat hy hom uitgeroei het ooreenkomstig die woord van die Here wat Hy met Elia gespreek het.

2 Konings 15:12

Dit was die vervulling van die woord van die Here wat Hy tot Jehu gespreek het: “Daar sal vir jou seuns tot in die vierde geslag op die troon van Israel sit.” Dit was toe so.

2 Konings 9:36

Hulle het teruggekeer en dit vir Jehu vertel. Toe sê hy: “Dit is die vervulling van die woord van die Here wat Hy by monde van sy dienskneg, Elia, die man uit Tisbe, gespreek het, ‘Op die stuk grond in Jisreël sal honde die liggaam van Isebel verslind,’

Ester 6:10

Die koning het vir Haman gesê: “Maak gou, neem die kleed en die perd soos jy voorgestel het en maak net so met Mordegai, die Jood, wat in die koningspoort sit. Moet niks uitlaat van alles wat jy voorgestel het nie!”

Sagaria 1:6

Maar my woorde en voorskrifte, wat Ek my dienaars die profete beveel het, het dit nie julle voorouers ingehaal nie? Hulle het tot inkeer gekom en erken, ‘Soos wat die Here, Heerser oor alle magte, beplan het om aan ons te doen, in ooreenstemming met ons lewe en ons dade, so het Hy met ons gedoen.’ ” ’ ”

Markus 13:31

Die hemel en die aarde sal tot 'n einde kom, maar my woorde sal beslis nie tot 'n einde kom nie.”

1 Samuel 15:29

Verder, die Ewige van Israel breek nie sy woord nie, en Hy is nie spyt daaroor nie; Hy is immers nie 'n mens nie, dat Hy spyt sou kry nie. ”

1 Samuel 3:19

Samuel het grootgeword. Die Here was met hom en het nie een van sy woorde onvervuld gelaat nie.