2 Konings 1:13 - Die Bybel 2020-vertaling

¹³ Die koning stuur toe weer iemand, 'n derde aanvoerder van vyftig met sy vyftig man. Die derde aanvoerder van vyftig het opgegaan, daar aangekom en voor Elia op sy knieë neergesak. Hy het hom gesmeek en vir hom gesê: “Man van God, laat my lewe en die lewens van u dienaars, hierdie vyftig man, asseblief kosbaar wees in u oë!

Bybel vir almal

¹³ Die koning het 'n derde offisier en 50 manne gestuur. Hierdie derde offisier het opgeklim en hy het voor Elia gekniel en hom gesoebat en gesê: “Man van God, asseblief, jy moenie vir my en hierdie 50 manne laat sterf nie.

Afrikaans 1933-1953

¹³ En hy het weer 'n owerste van 'n derde vyftig met sy vyftig na hom gestuur. En die derde owerste oor vyftig het opgeklim en aangekom en op sy knieë voor Elía gebuig en hom gesmeek en vir hom gesê: Man van God, laat tog my lewe en die lewe van u dienaars, hierdie vyftig, kosbaar wees in u oë!

Afrikaans 1983

¹³ Die koning stuur toe 'n derde keer 'n offisier met sy vyftig man. Die derde offisier is die berg op. By Elia aangekom, het hy op sy knieë voor hom geval en hom om genade gesmeek: “Man van God, spaar tog asseblief my lewe en die lewe van hierdie vyftig man.

Contemporary Afrikaans Bible 2023

¹³ En hy het weer 'n owerste van die derde vyftig saam met sy vyftig gestuur. En die derde owerste oor vyftig het opgetrek en gekom en voor Elía op sy knieë geval en hom gesmeek en vir hom gesê: O man van God, laat tog my lewe en die lewe van hierdie vyftig u dienaars! wees kosbaar in u oë.

Die Boodskap

¹³ Die koning het toe ’n derde offisier met sy 50 manskappe gestuur. Toe hy Elia bereik, het hy op sy knieë by hom gepleit om sy en sy soldate se lewe te spaar:

2 Konings 1:13 Kruisverwysings

1 Konings 13:6

Die koning het daarop gereageer deur vir die man van God te sê: “Soek asseblief die guns van die Here jou God en bid vir my, sodat ek my hand kan terugtrek.” Die man van God het toe die guns van die Here gesoek, en die koning het sy hand teruggetrek, soos dit voorheen was.

2 Konings 1:12

Elia het geantwoord en vir hulle gesê: “As ek 'n man van God is, mag daar vuur uit die hemel afkom en jou en jou vyftig man verteer!” Daar kom toe vuur van God uit die hemel af en verteer hom en sy vyftig man.

2 Konings 1:14

Kyk, vuur het uit die hemel afgekom en die eerste twee aanvoerders van vyftig en hulle vyftig man verteer. Daarom, mag my lewe kosbaar wees in u oë!”

Psalms 102:17

wanneer die Here Sion herbou en Hy in sy majesteit verskyn.

Psalms 72:14

Van onderdrukking en geweld sal hy hulle lewe vrykoop. Hulle bloed sal kosbaar wees in sy oë.

Eksodus 11:8

Dan sal al hierdie amptenare van u na my afkom en diep voor my buig en sê: “Trek weg, jy en die hele volk wat jou volg.” Eers daarna sal ek wegtrek.’ ” Toe het hy van die farao af weggegaan, briesend kwaad.

Spreuke 27:22

Selfs as jy 'n sot tussen garskorrels in 'n stampblok stamp met 'n stamper, sal sy sotheid nie van hom wyk nie.

Prediker 9:3

Dit is die slegte by alles wat onder die son gebeur: dat daar een lot is vir almal; ook dat die hart van mense vol boosheid is, en dat domheid in hulle harte is gedurende hulle lewe; en daarna – na die dooies!

Jesaja 1:5

Waarom wil julle nog geslaan word, en hou julle vol met julle onversetlikheid? Elke kop is siek, elke hart is swak.

Jesaja 60:14

Na jou sal hulle neergeboë kom – die kinders van jou verdrukkers; almal wat jou verag het, sal diep neerbuig by jou voetsole. Hulle sal jou noem: Stad van die Here, Sion van die Heilige van Israel.

Jesaja 66:2

Al hierdie dinge – my hand het dit gemaak; so het alles ontstaan,” is die uitspraak van die Here. “Op so iemand sal Ek ag slaan: op 'n magtelose met 'n verslae gees, wat sidder vir my woord.

Jeremia 5:3

Here, u oë, is dit nie gerig op betroubaarheid nie? U het hulle geslaan, maar hulle het geen pyn gevoel nie. U het hulle verniel, maar hulle het geweier om teregwysing te aanvaar. Hulle het hulle gesigte harder gemaak as 'n rots; hulle het geweier om om te draai.

Jakobus 4:7

Onderwerp julle dus aan God. Weerstaan die Duiwel, dan sal hy van julle wegvlug.

Openbaring 3:9

Kyk, Ek laat toe dat daar mense uit die sinagoge van Satan kom wat beweer dat hulle Jode is, en dit nie is nie, maar lieg; kyk, Ek sal sorg dat hulle kom, en voor jou voete neerbuig, en erken dat Ek jou liefhet.

1 Samuel 26:21

Toe sê Saul: “Ek het gesondig! Kom terug, my seun Dawid, want ek sal jou nie meer kwaad aandoen nie, omdat my lewe vandag kosbaar was in jou oë. Kyk, ek het dwaas opgetree en die spoor heeltemal byster geraak.”