1 Samuel 9:21 - Die Bybel 2020-vertaling

²¹ Saul het egter daarop gereageer en gesê: “Is ek nie maar net 'n Benjaminiet, uit die kleinste van die stamme van Israel, en is my familiegroep nie die kleinste van al die familiegroepe van die stam van Benjamin nie? Waarom sê u so iets vir my?”

Bybel vir almal

²¹ Saul het vir Samuel gesê: “Ek is van die Benjamin-stam, die kleinste van die stamme van Israel, en my familie is minder belangrik as al die ander families in die Benjamin-stam. Hoekom sê jy hierdie dinge vir my?”

Afrikaans 1933-1953

²¹ En Saul antwoord en sê: Is ek nie 'n Benjaminiet, uit een van die kleinste van die stamme van Israel, en my geslag die geringste uit al die geslagte van die stam van Benjamin nie? Waarom spreek u dan so met my?

Afrikaans 1983

²¹ En Saul antwoord: “Ek is maar net 'n Benjaminiet, uit die swakste stam van Israel. Boonop is my familie die kleinste in die stam Benjamin! Waarom praat u so met my?”

Contemporary Afrikaans Bible 2023

²¹ En Saul het geantwoord en gesê: Is ek nie 'n Benjaminiet, uit die kleinste van die stamme van Israel nie? en my geslag die geringste van al die geslagte van die stam van Benjamin? waarom spreek jy dan so met my?

Die Boodskap

²¹ “Waarom sê u so iets vir my?” vra Saul. “Ek is maar net iemand van die Benjaminstam, die kleinste van die stamme van Israel, en my familie is die onbelangrikste van al die families van Benjamin.”

1 Samuel 9:21 Kruisverwysings

Psalms 68:27

Prys God in die byeenkomste, die Here by die bron van Israel.

Psalms 68:28

Daar is Benjamin, die jongste, hulle heerser, die leiers van Juda in hulle menigte, die leiers van Sebulon, die leiers van Naftali.

Hosea 13:1

Wanneer Efraim gepraat het, het almal gebewe; hy was hoog geag in Israel. Maar hy het skuld op hom gelaai deur Baäl en gesterf;

Lukas 14:11

Want elkeen wat homself verhoog, sal verneder word, en wie homself verneder, sal verhoog word.”

Efesiërs 3:8

Aan my, minder as die geringste van al die •heiliges, is hierdie genade geskenk, om aan die heidene die evangelie van die onpeilbare rykdom van Christus te verkondig,

1 Samuel 10:27

Maar booswigte het gesê: “Hoe kan hierdie man ons verlos?” En hulle het hom geminag en geen geskenk vir hom geneem nie, maar hy het hom doof gehou.

1 Samuel 14:51

Kis, die vader van Saul, en Ner, Abner se vader, was seuns van Abiël.

1 Samuel 15:17

Samuel sê toe: “Is jy nie, alhoewel jy klein is in jou eie oë, die hoof van die stamme van Israel nie? En het die Here jou nie as koning gesalf oor Israel nie?

1 Samuel 18:18

Dawid het vir Saul gesê: “Wie is ek, en wie is my bloedverwante, die familiegroep van my vader in Israel, dat ek 'n skoonseun van die koning sou word?”

1 Samuel 18:23

Die amptenare van Saul het hierdie woorde vir Dawid in die oor gefluister, maar Dawid het gesê: “Is dit in julle oë so 'n ligte saak om 'n skoonseun van die koning te word? Ek is arm en 'n nikswerd.”

1 Samuel 9:22

Samuel het toe Saul en sy handlanger geneem en hulle in die eetvertrek ingebring. Hy het aan hulle 'n ereplek onder die genooides gegee. Daar was ongeveer dertig man.