1 Samuel 6:14 - Die Bybel 2020-vertaling

¹⁴ Toe die wa aankom by die land van Josua, 'n man van Bet-Semes, het dit daar gaan staan. Daar was 'n groot klip, en hulle het die hout van die wa opgekap en die koeie as 'n •brandoffer aan die Here geoffer.

Bybel vir almal

¹⁴ Die wa het gekom tot by die grond van Josua van Bet-Semes, en daar het die wa gaan staan. Daar was 'n groot klip. Die mense van Bet-Semes het die hout van die wa stukkend gekap en hulle het die koeie ge-offer vir die Here.

Afrikaans 1933-1953

¹⁴ En die wa het by die land van Josua van Bet-Semes gekom en daar gaan staan; daar was 'n groot klip, en hulle het die hout van die wa gekloof en die koeie as 'n brandoffer aan die Here geoffer.

Afrikaans 1983

¹⁴ Die wa het tot by die grond van Josua van Bet-Semes gekom en daar gaan staan. Dáár was 'n groot klip. Hulle het die hout van die wa stukkend gekap en die koeie as brandoffer aan die Here geoffer.

Contemporary Afrikaans Bible 2023

¹⁴ En die wa het in die veld van Josua, 'n Bet-Semiet, gekom en daar gaan staan, waar 'n groot klip was; en hulle het die hout van die wa gekloof en die koeie as brandoffer aan die HERE gebring.

Die Boodskap

¹⁴ Die koeie het met die wa gaan staan by die land van Josua van Bet-Semes. Daar was ’n klipplaat. Hulle kap toe die wa stukkend en offer die twee koeie daar vir die Here.

1 Samuel 6:14 Kruisverwysings

2 Samuel 24:18

Gad het dieselfde dag nog by Dawid gekom en vir hom gesê: “Gaan op na die dorsvloer van Arauna, die Jebusiet, en rig vir die Here daar 'n altaar op.”

2 Samuel 24:22

Arauna het egter vir Dawid gesê: “My heer die koning kan neem en offer soos wat goed is in sy oë. Kyk, daar is die beeste vir 'n •brandoffer, en die dorssleë en jukke van die beeste as brandhout.

2 Samuel 24:25

Dawid het daar vir die Here 'n altaar gebou en brandoffers en •maaltydoffers gebring. Die Here het toe die smeekbedes vir die land verhoor, en die plaag is van Israel afgewend.

1 Konings 19:21

Hy draai toe om agter hom, neem een paar osse, slag hulle en maak die vleis gaar met die osse se trekgoed. Hy gee dit toe vir die mense, en hulle het dit geëet. Toe maak hy gereed en volg Elia. Hy het sy helper geword.

Eksodus 20:24

'n Altaar van grond moet jy vir My maak, en daarop jou •brandoffers en jou •maaltydoffers, jou kleinvee en beeste slag. Op elke plek waar Ek toelaat dat my Naam genoem word, sal Ek na jou kom en jou seën.

Rigters 21:4

Die volgende dag het die manskappe vroeg opgestaan en daar 'n altaar gebou en •brandoffers en •maaltydoffers gebring.

Rigters 6:26

Bou dan vir die Here jou God 'n altaar op die hoogste punt van hierdie vesting – netjies gestapel. Neem daarna die tweede bul en offer hom as •brandoffer met die hout van die asjera wat jy gaan afkap.”

1 Samuel 11:5

Juis toe kom Saul van die land af terug, agter die osse aan. Saul vra toe: “Wat is dit met die volk dat hulle huil?” Hulle vertel hom toe wat die manne van Jabes gesê het.

1 Samuel 20:29

Hy het gesê, ‘Laat my asseblief gaan, want dit is die offer van ons familiegroep in die dorp en my broer het my self die opdrag gegee. As jy my dan nou goedgesind is, laat ek asseblief vrygestel word, sodat ek my familielede kan sien.’ Daarom het hy nie aan die koning se tafel gekom nie.”

1 Samuel 6:13

Die mense van Bet-Semes was besig om die koringoes in die vallei in te samel. Toe hulle opkyk, sien hulle die ark. Hulle was bly om dit te sien.

1 Samuel 6:18

Die goue muise stem ooreen met die getal van al die Filistynse stede wat aan die vyf heersers behoort, die versterkte stede saam met die nedersettings. As 'n getuienis is die groot klip waarop die ark van die Here tot rus gekom het, tot vandag toe nog daar in die land van Josua, die man van Bet-Semes.