1 Samuel 24:11 - Die Bybel 2020-vertaling

¹¹ Kyk, u het vandag met u eie oë gesien dat die Here u vandag in die grot in my hand oorgegee het. Iemand het gesê ek moet u om die lewe bring, maar ek het u jammer gekry. Ek het gesê, ‘Ek sal nie my hand na my heer uitsteek nie, want hy is die gesalfde van die Here.’

Bybel vir almal

¹¹ Jy het self gesien die Here het jou vandag vir my gegee daar in die grot, en as ek wou, dan kon ek jou doodgemaak het. Maar ek het jou nie doodgemaak nie, ek het gesê ek sal nie iets verkeerd doen teen my koning nie, want jy is die gesalfde van die Here.

Afrikaans 1933-1953

¹¹ Kyk, vandag sien u eie oë dat die Here u vandag in die spelonk in my hand gegee het; en hulle het gesê ek moet u doodmaak, maar ek het u verskoon en gesê: Ek sal my hand nie uitsteek teen my heer nie, want hy is die gesalfde van die Here.

Afrikaans 1983

¹¹ U sien vandag met u eie oë dat die Here u nou in die grot in my hand gegee het en as 't ware vir my gesê het om u dood te maak. Maar ek het u gespaar en gesê: ‘Ek sal my hand nie teen my koning oplig nie, want hy is die gesalfde van die Here.’

Contemporary Afrikaans Bible 2023

¹¹ Verder, my vader, kyk, ja, sien die slip van jou mantel in my hand; want deurdat ek die slip van jou mantel afgesny en jou nie doodgemaak het nie, ken jy en sien dat daar geen kwaad of oortreding in my hand is nie, en ek het nie teen jou gesondig nie; tog soek jy my siel om dit te neem.

Die Boodskap

¹¹ U besef tog self dat die Here u vandag hier in die grot aan my oorgegee het. My manne het gesê ek moet u doodmaak, maar ek het u jammer gekry en gesê ek sal nie my hand lig teen my koning nie, want hy is die Here se gesalfde.

1 Samuel 24:11 Kruisverwysings

2 Samuel 1:14

Daarop sê Dawid vir hom: “Hoe is dit dan dat jy nie eers bang was om jou hand uit te steek en die gesalfde van die Here te vernietig nie?”

2 Konings 5:13

Maar sy dienaars het nader gegaan en met hom gepraat. “My vader,” het hulle gesê, “as dit 'n moeilike opdrag was wat die profeet u gegee het, sou u dit nie gedoen het nie? Hoeveel te meer wanneer hy vir u gesê het, ‘Was en word rein!’ ”

Job 10:16

As ek wel my kop lig – soos 'n leeu jag U my, en toon weer u ontsagwekkende mag teen my.

Psalms 119:161

Leiers vervolg my sonder rede, maar net vir u woord het my hart 'n heilige vrees.

Psalms 140:11

Mag gloeiende kole oor hulle uitgeskud word; mag Hy hulle in die vuur laat val, in bodemlose putte dat hulle nooit weer opstaan nie.

Psalms 35:7

Hulle het immers sonder rede in die geheim vir my hulle vangnet gespan, sonder rede vir my 'n vanggat gegrawe.

Psalms 59:3

Red my van hulle wat onreg pleeg en verlos my van mense wat bloed vergiet;

Psalms 7:5

as ek my vriend kwaad aangedoen het, my teenstander sonder rede beroof het,

Spreuke 15:1

'n Sagte antwoord keer woede weg, maar 'n krenkende woord laat toorn opvlam.

Klaagliedere 4:18

Ons kon nie 'n tree gee sonder dat hulle op ons jag maak nie; ons kon nie op straat verskyn nie. Ons einde was naby, ons dae was getel; ja, ons einde het aangebreek.

Esegiël 13:18

en sê, ‘So sê my Heer, die Here: “Ellende wag vir hulle wat towerbande maak vir almal se polse, en hoofbedekkings maak vir koppe van alle groottes, om so op lewens jag te maak. Sal julle op die lewens van my volk jag maak, maar julle eie lewens behou?

Miga 7:2

Die getroues het uit die land verdwyn, en daar is glad nie meer opregtes onder die mense nie. Hulle almal lê en wag om bloed te vergiet; hulle maak jag op mekaar met nette.

Johannes 15:25

Maar die uitspraak wat in hulle wet opgeteken staan, moet in vervulling gaan, ‘Hulle het My sonder rede gehaat.’

1 Samuel 12:3

Hier is ek – bring getuienis teen my in voor die Here en voor sy gesalfde. Wie se bees het ek gevat? Wie se donkie het ek gevat? Wie het ek uitgebuit? Wie het ek mishandel? Uit wie se hand het ek 'n omkoopgeskenk aanvaar en so my oë gesluit? Ek sal dit aan julle teruggee.”

1 Samuel 18:27

het Dawid gereedgemaak en gegaan, hy en sy manne. Hy het tweehonderd man onder die Filistyne doodgeslaan. Dawid het hulle voorhuide gebring en die volle getal is aan die koning oorhandig, sodat hy die koning se skoonseun kon word. Daarop het Saul sy dogter Migal vir hom as vrou gegee.

1 Samuel 23:14

Dawid het in die woestyn, in die bergskuilings, gebly. Daarna het hy in die berggebied van die woestyn van Sif gaan bly. Saul het hom die hele tyd gesoek, maar God het hom nie in sy hand oorgegee nie.

1 Samuel 23:23

Gaan kyk, en maak seker van al die plekke waar hy wegkruip, en kom dan terug na my toe met betroubare inligting. Ek sal dan met julle saamgaan, en as hy wel in die landstreek is, sal ek hom opspoor tussen al die familiegroepe van Juda.”

1 Samuel 25:28

Vergewe asseblief die oortreding van u dienares. “Aangesien die Here beslis vir my heer 'n bestendige huis sal vestig, omdat my heer die oorloë van die Here voer, mag onheil nie naby u kom solank u leef nie!

1 Samuel 26:18

Verder sê hy: “Waarom agtervolg my heer sy dienaar? Ja, wat het ek gedoen? Watter kwaad kleef aan my hande?

1 Samuel 26:20

Laat my bloed dan nou nie op die aarde val nie, ver van die teenwoordigheid van die Here. Want die koning van Israel het uitgetrek om na een vlooi te soek soos iemand wat agter 'n patrys aan is in die bergwêreld.”

1 Samuel 26:23

Die Here is die Een wat die mens beloon vir sy regverdigheid en sy getrouheid, die Here wat u vandag in my hand oorgegee het. Maar ek wou nie my hand teen die gesalfde van die Here uitsteek nie.