1 Samuel 23:5 - Die Bybel 2020-vertaling

⁵ Dawid en sy manne het toe na Keïla gegaan en teen die Filistyne geveg. Hy het hulle vee weggedryf en 'n groot slagting onder hulle aangerig. So het Dawid die inwoners van Keïla bevry.

Bybel vir almal

⁵ Dawid en sy manne het na Keïla gegaan. Hulle het oorlog gemaak teen die Filistyne en hulle het die Filistyne se beeste en skape en bokke gevat. Hulle het hard geveg en hulle het die Filistyne oorwin. So het Dawid die mense van Keïla gered.

Afrikaans 1933-1953

⁵ Daarom het Dawid met sy manne na Kehíla getrek en teen die Filistyne geveg en hulle vee weggedrywe en 'n groot slag onder hulle geslaan. So het Dawid dan die inwoners van Kehíla verlos.

Afrikaans 1983

⁵ Dawid en sy manne het toe opgetrek na Keïla toe en teen die Filistyne oorlog gemaak. Hy het hulle vee as buit saamgevat nadat hy hulle in 'n groot veldslag verslaan het. So het Dawid die inwoners van Keïla bevry.

Contemporary Afrikaans Bible 2023

⁵ Dawid en sy manne het toe na Kehíla gegaan en teen die Filistyne geveg en hulle vee weggebring en hulle met 'n groot slagting verslaan. So het Dawid die inwoners van Kehíla gered.

Die Boodskap

⁵ Dawid en sy manne is toe na Keïla toe. Hulle het teen die Filistyne geveg, hulle vee afgeneem en baie van hulle doodgemaak. So het Dawid die mense van Keïla gered.

1 Samuel 23:5 Kruisverwysings

2 Samuel 22:40

U omgord my met krag vir die geveg; U laat my teenstanders die knie voor my buig.

Psalms 18:38

Ek agtervolg my vyande en haal hulle in; ek draai nie om voordat ek hulle uitgewis het nie.

Psalms 38:20

Maar my vyande leef, hulle is magtig en hulle is baie, dié wat my sonder rede haat,

1 Samuel 19:8

Daar het weer oorlog uitgebreek, en Dawid het uitgetrek en teen die Filistyne geveg. Hy het 'n groot slagting onder hulle aangerig, en hulle het voor hom gevlug.

1 Samuel 23:4

Dawid het weer die Here geraadpeeg, en die Here het hom geantwoord en gesê: “Maak gereed, gaan af na Keïla, want Ek gaan die Filistyne in jou hand gee.”

1 Samuel 23:6

Toe Abjatar, seun van Agimeleg, na Dawid in Keïla gevlug het, het hy afgegaan met 'n efod by hom.