1 Samuel 18:22 - Die Bybel 2020-vertaling

²² Saul het sy amptenare beveel: “Sê stilletjies vir Dawid, ‘Kyk, die koning hou van jou, en al sy amptenare is lief vir jou. Word nou die koning se skoonseun.’ ”

Bybel vir almal

²² Saul het vir sy amptenare gesê hulle moet privaat met Dawid praat en hulle moet vir hom sê: “Luister, die koning hou van jou, en al sy amptenare is lief vir jou. Jy moet nou die koning se skoonseun word.”

Afrikaans 1933-1953

²² En Saul het sy dienaars bevel gegee: Spreek met Dawid in die geheim en sê: Kyk, die koning hou van jou, en al sy dienaars het jou lief: word nou maar die koning se skoonseun.

Afrikaans 1983

²² Saul het sy amptenare beveel: “Sê so ongemerk vir Dawid: Jy weet, die koning hou van jou en al sy amptenare is lief vir jou. Word nou maar die koning se skoonseun.”

Contemporary Afrikaans Bible 2023

²² En Saul het sy dienaars bevel gegee en gesê: Spreek in die geheim met Dawid en sê: Kyk, die koning het 'n welbehae in jou, en al sy dienaars het jou lief; wees dan nou die koning se skoonseun.

Die Boodskap

²² Saul het vir sy amptenare gesê: “Sê vir Dawid in die geheim: ‘Weet jy, die koning is erg oor jou, en al sy amptenare hou van jou. Jy moet daaraan dink om die koning se skoonseun te word.’”

1 Samuel 18:22 Kruisverwysings

Psalms 55:21

Teen sy vriende het hy sy hand uitgesteek; hy het sy verbond geskend.

Spreuke 29:12

'n Heerser wat luister na leuentaal – almal wat in sy diens is, is goddeloos.

1 Samuel 18:21

Saul het gedink: “Ek sal haar aan hom gee, sodat sy vir hom 'n valstrik kan wees, en die hand van die Filistyne dan teen hom sal wees.” Saul het toe vir Dawid gesê: “Deur die tweede dogter kan jy vandag my skoonseun word.”

1 Samuel 18:23

Die amptenare van Saul het hierdie woorde vir Dawid in die oor gefluister, maar Dawid het gesê: “Is dit in julle oë so 'n ligte saak om 'n skoonseun van die koning te word? Ek is arm en 'n nikswerd.”