1 Samuel 17:24 - Die Bybel 2020-vertaling

²⁴ Maar al die manne van Israel het, toe hulle die man sien, voor hom padgegee. Hulle was baie bang.

Bybel vir almal

²⁴ Al die manne van Israel het teruggestaan toe hulle die man sien. Hulle was baie bang.

Afrikaans 1933-1953

²⁴ Maar toe al die manne van Israel die man sien, vlug hulle vir hom weg, want hulle was baie bang.

Afrikaans 1983

²⁴ Toe die Israeliete die man sien, het hulle almal vir hom gevlug en hulle was baie bang.

Contemporary Afrikaans Bible 2023

²⁴ Toe al die manne van Israel die man sien, het hulle van hom weggevlug en baie bang geword.

Die Boodskap

²⁴ Toe die Israeliete die man sien, was hulle almal doodbang en het teruggestaan.

1 Samuel 17:24 Kruisverwysings

Jesaja 30:17

Eenduisend van julle sal vir die dreigement van een vlug; vir die dreigement van vyf sal julle vlug, totdat daar van julle soveel oorbly soos 'n vaandel op die kruin van 'n berg, soos 'n banier op 'n heuwel.”

Jesaja 7:2

Toe die berig aan die huis van Dawid gebring is, “Aram het by Efraim aangesluit, ” het Agas se hart en die hart van sy volk gebewe soos die bome van 'n bos voor wind bewe.

Levitikus 26:36

“ ‘ Wat betref dié van julle wat oorbly, Ek sal in die lande van hulle vyande soveel vertwyfeling in hulle harte bring dat die geluid van 'n dwarrelende blaar hulle op loop sal jaag. Hulle sal vlug asof vir 'n swaard en val sonder iemand wat hulle agtervolg.

Numeri 13:33

Daar het ons reuse gesien.” Die Enakiete stam uit die reuse. “Ons was in ons eie oë soos koringkrieke; ons was soos muggies in hulle oë.”

Deuteronomium 32:30

Hoe kan een dan duisend agtervolg, en twee tienduisend op die vlug jaag as hulle rots hulle nie verkoop het nie, as die Here hulle nie oorgelewer het nie?

1 Samuel 17:11

Toe Saul en die hele Israel hierdie woorde van die Filistyn hoor, was hulle paniekbevange en baie bang.

1 Samuel 17:23

Hy was nog besig om met hulle te praat, toe die baasvegter met die naam Goliat, die Filistyn, uit Gat, juis na vore tree uit die gevegslinies van die Filistyne, en dieselfde woorde sê. Dawid het dit gehoor.

1 Samuel 17:25

Die manne van Israel het gesê: “Sien julle hierdie man wat na vore tree? Ja, dit is net om 'n bespotting te maak van Israel dat hy na vore tree! Die man wat hom verslaan – vir hom sal die koning met groot rykdom oorlaai, sy dogter aan hom gee en sy familie vrystel van verpligtinge in Israel.”