1 Samuel 1:15 - Die Bybel 2020-vertaling

¹⁵ Maar Hanna het geantwoord en gesê: “Nee, my heer! Ek is 'n vrou met 'n swaar gemoed. Wyn of sterk drank het ek nie gedrink nie, maar ek het my hart voor die Here uitgestort.

Bybel vir almal

¹⁵ Maar Hanna het vir Eli gesê: “Nee, Meneer, ek het nie wyn of bier gedrink nie, ek is baie hartseer en ek het vir die Here gesê hoe ek voel.

Afrikaans 1933-1953

¹⁵ Maar Hanna antwoord en sê: Nee, my heer, ek is 'n vrou beswaard in my gemoed: wyn of sterk drank het ek nie gedrink nie, maar ek het my siel voor die aangesig van die Here uitgestort.

Afrikaans 1983

¹⁵ Maar Hanna het geantwoord: “Nee, Meneer, ek is maar net 'n vrou wat diep terneergedruk is. Ek het nie wyn of bier gedrink nie. Ek het my hart uitgestort voor die Here.

Contemporary Afrikaans Bible 2023

¹⁵ En Hanna het geantwoord en gesê: Nee, my heer, ek is 'n vrou met 'n bedroefde gees; ek het nie wyn of sterk drank gedrink nie, maar my siel voor die aangesig van die HERE uitgestort.

Die Boodskap

¹⁵ “U maak ’n fout, Meneer,” antwoord Hanna. “Ek het nie wyn of enige sterk drank gedrink nie. Ek is ’n baie ongelukkige vrou en ek het maar net my hart voor die Here uitgepraat.

1 Samuel 1:15 Kruisverwysings

Job 30:16

Daarom stort my siel hom uit in my; dae van terneergedruktheid pak my beet.

Psalms 143:6

Ek strek my hande uit na U; my diepste wese smag na U soos dor grond. •Sela

Psalms 42:4

Trane is dag en nag my brood, omdat daar die hele dag lank vir my gevra word: “Waar is jou God?”

Psalms 62:8

By God lê my verlossing, my eer. My sterk rots, my skuilplek, vind ek in God.

Psalms 62:9

Vertrou te alle tye op Hom, o volk, stort julle hart voor Hom uit. God is vir ons 'n skuilplek. Sela

Spreuke 14:10

Die hart ken sy eie bitterheid, en in sy vreugde kan 'n buitestander nie deel nie.

Spreuke 15:1

'n Sagte antwoord keer woede weg, maar 'n krenkende woord laat toorn opvlam.

Spreuke 25:15

Met geduld word 'n •aanvoerder oorreed, en 'n sagte tong breek gebeentes.

Klaagliedere 2:19

Staan op, roep in die nag as die nagwake begin. Stort jou hart soos water voor my Heer uit. Lig jou hande op na Hom ter wille van die lewe van jou kinders wat van honger op elke straathoek wegkwyn.

1 Samuel 1:16

Moet my, u slavin, nie as 'n slegte vrou beskou nie, want dit is oor my kommer en ontsteltenis wat ek so lank gepraat het.”

1 Samuel 7:6

Hulle het by Mispa byeengekom, water geskep en dit voor die Here uitgegiet. Hulle het daardie dag gevas en daar bely: “Ons het teen die Here gesondig.” Samuel het die Israeliete by Mispa gerig.