Daniël 9:26 - Die Boodskap

²⁶ Aan die einde van die tydperk sal ’n leier onregverdig doodgemaak word. Die stad en die tempel sal deur ’n ander magtige leier se soldate verwoes word. Dan sal die einde, die oorlog en verwoesting wat God beplan het, soos ’n vloed kom en alles wegspoel.

Bybel vir almal

²⁶ Wanneer die 62 jaar verby is, dan sal iemand die gesalfde doodmaak, en daar sal niemand wees om ná hom te regeer nie. “'n Ander koning se mense sal kom en hulle sal die stad en die tempel verwoes. Die mense sal soos 'n watervloed wees wat oor die stad vloei. Die oorlog sal aanhou totdat die vyande alles verwoes het. God het besluit dit moet gebeur.

Die Bybel 2020-vertaling

²⁶ Ná twee-en-sestig weke sal die gesalfde uitgewis word, en daar sal vir hom niks oorbly nie. En wat die stad en die heiligdom betref: Die volk van 'n leier wat kom, sal dit verwoes, maar sy einde sal deur 'n vloed wees. Tot die einde sal daar oorlog wees; verwoesting is vooruitbepaal.

Afrikaans 1933-1953

²⁶ En ná die twee-en-sestig sewetalle sal 'n Gesalfde uitgeroei word, maar sonder iets vir Hom; en die volk van 'n vors wat sal kom, sal die stad en die heiligdom verwoes, maar sy einde sal met 'n oorstroming wees, en tot die einde toe sal dit oorlog wees, vasbeslote verwoestings.

Afrikaans 1983

²⁶ Aan die einde van die twee en sestig tydperke sal 'n regeerder onskuldig doodgemaak word. Die stad en die heiligdom sal verwoes word deur die volk van 'n ander regeerder wat op die toneel sal verskyn. Die einde sal kom soos 'n oorstroming; daar sal oorlog wees tot die einde toe, rampe soos besluit is.

Contemporary Afrikaans Bible 2023

²⁶ En ná twee en sestig weke sal die Messias uitgeroei word, maar nie vir homself nie; en die volk van die vors wat kom, sal die stad en die heiligdom verwoes; en die einde daarvan sal wees met 'n vloed, en tot die einde van die oorlog is verwoestings vasgestel.

Daniël 9:26 Kruisverwysings