Yakubu 1:25 - Dadiya NT

²⁵ A nʊ nɨ a dǝg bʊʊlalɨ gǝnɔ a diil nɨ bɛ lɛ nǝn jǝgtǝm nyanɨ, a ja kǝga nǝn maatǝmɨ, ke bɔ nʊ nɨ nyʊwa lɛ a yǝla a twabǝmɨ, maa lɛɨ, nya nya bwili a mʊgɔ kanjǝl nɨ gǝ maa lɛ gwamɨ.

Yakubu 1:25 Kruisverwysings

Luka 11:28

Nǝngɔ a jǝla gǝn gɔ, “Bwiligɔ na a nǝb nɨ nyʊwa kɛl Kwaamaɨ lɛɨ jǝ bwangtǝn nɛɨ.”

Yohana 13:17

Kǝngkɔ jǝ́ nyǝm kanjǝl nɨɨ, jǝ́ nya nya bwili na jǝ́ maa jii.

Yohana 8:36

Na Bwɛ a jǝg jeni, jǝ́ nya nya bɨlǝng jǝgtǝm.

Maajɨ Bɛtɔ Twamagɨɨ 13:43

Kwama nǝbɔ a kwɨyam a kan mɛlalɨɨ, Yahudawagɔ a lada jǝbɔ Bʌtʌbɔ, nǝb nɨ bwangtǝn jǝfʊlǝn Yahudawagɨɨ lɛɨ, nǝngɔ ja bwang Bulus gǝm jǝbɔ Barnabaɨ. Ji tʌji ja sʊwa ji kɛl, ja gʊ lɔl jinɔ gɔ ja ja kǝga nǝn yɨm a mʊgɔ lǝma Kwaamaɨ.

Maajɨ Bɛtɔ Twamagɨɨ 2:42

Nǝngɔ ja ya bʊʊlalɨ jinɔ a mɛlatǝm nɨ bɛtɔ twamagɔ maa jim lɛɨ, jǝ mʊrka lɛ dakini, jǝ jabka jǝjalǝnɔ lɛ dakini, jǝbɔ maatǝm keli Kwaamaɨ.

Maajɨ Bɛtɔ Twamagɨɨ 26:22

Kwaama a tɨka ɨ a ba la nǝn dwiyeni, n jʊ a bwɨ mǝ fɔ mǝ sʊwa dʊʊmɔ lɛ jǝbɔ bɛtɨɨ. Ke bɔ kaa jǝl nǝn kwan mǝ sʊwa lɛɨ. N jʊ nǝbkuwotǝmkǝgagɔ jǝbɔ Musa ja sʊwa gɔ bwɨ bwɨɨ.

Roma 11:22

Dʌng kanga Kwaama a nʊng bʊnatǝmɔ, a nǝ gaalanɨ. A nǝ gaalanɔ a nǝb nɨ a yala yalaɨ. A ji bʊnǝn mʊnɔ, na ń ja kǝga a mʊgɔ gǝnɨ. Na mɨ nyɨɨ, mʊ tǝmʊn mwatɨ ń mwatɨ ń.

Roma 2:13

Ke bɔ nǝbɔ a nyʊwa diili n nǝbɔ dǝngdǝng a kǝga Kwaamaɨ, n nǝb nɨ bwangtǝn diil gǝnɔ lɛɨ n nǝb dǝngdǝngɨ.

Roma 7:12

Gǝ na nyɔ diiltɨnɔ gwam n sagsag. Diilɔ tǝgǝn n sagsag, n dǝngdǝng, a bʊm.

Roma 8:15

Yʊwa nɨ jǝ́ yei, n ke bɔ Yʊwa nɨ dǝg jen jwaalɛn nɛ jǝ́ yɨ nǝn taal tagɨ. Yʊwa nɨ jǝ́ yei, a dǝg jen jǝ́ yǝlam bɛtɔ lɔ Kwaamaɨ, bǝ jo gǝn bǝngɔ, “Tɛtɛ.”

Roma 8:2

Diil Yʊwa Kwaamaɨ nɨ nǝ kʊlɨ lɛ a mʊgɔ Kiristi Yesui, a jǝg ɨ a maajɨ bwɨlangkɛl jǝbɔ bwaa.

1 Korinti 15:58

Gǝ na nyɔ, kɛtǝlam mɨ nɨ mǝ swɨ lɛɨ, jǝ́ tɨ nǝn kwaan, ka kaa jǝl ya mǝg jen nɛ, kwangkwang jǝ́ maa maajɨ Tɛlalɔɨ nǝn kwaan bʊtɔ, jʊ a bwɨɨ jǝ́ nyǝm gaalan jenɔ a kɛl dul Tɛlalɔɨ, mɨsɔ yɔ lɛ nǝn kwan.

2 Korinti 13:5

Jǝ́ tɛl dul jenɔ jǝ́ kuwo, kɛna jǝ́ nǝngǝn nǝn nǝtǝm bɨlǝngkɛlɨ. Ya jǝ́ tɛl dul jenɔ lɛ. Jǝ́ nyǝm bɔ Yesu Kiristi gǝ na a mʊgɔ jeni ka? Na Yesu Kiristi mɨ a mʊgɔ jeni, jǝ́ yal tɛltǝmɔ.

Galatiya 2:4

Kɛl nɨ a gun a dul kaam nǝb bwangtǝm gabakɛl nɨ ja dɔ daddad a kʊm nǝnɨ, sǝ jǝ sǝbǝl nyatǝm jǝgtǝm nɨ nǝ nǝn a mʊgɔ Kiristi Yesui, sǝ ja dǝg nǝn nǝ yǝlam jwaalɛb a bwangtǝm diil.

Galatiya 5:1

Kiristi nǝn gɔ a dem bǝm kang a mʊgɔ diil Musaɨ. Na gǝ na nyɨɨ, bɛ jǝ́ bwa nǝl jenɔ, bɛ ka jǝ́ yǝla lɛ jǝ́ dǝg dul jenɔ a mʊgɔ maatǝm jwaalɛn tag.

Galatiya 6:2

Jǝ́ tɨkaka a mʊgɔ gaalan. Maatǝmɔ nyɨɨ, jǝ́ yii yii diil Kiristii.

Kolosii 1:23

Yǝlam yǝlam nyɔ na jǝ́ ja kǝga a nǝtǝm bɨlǝngkɛl jenɔ gǝmɨ, na jǝ́ tɨ nǝn kwaan a bɨlǝngkɛl nɨ gǝmɨ, na jǝ́ kʌlʌm bɔ a yatǝm nǝl jenɔ a fulon kɛl lǝmɨ nɨ jǝ́ nyʊwaɨ. Fulon kɛl lǝmɨ nɨ ja kiyo nǝbɔ gǝm gwam a yooli nɨɨ, wʊnɨ mǝ Bulus, mǝ yǝlam nǝ maajɨ gǝnɨ.

1 Timoti 2:15

A bʌtʌm bɛtɨɨ, nɔɔtǝmɔ bʊʊ bʊʊ na ja yɨ yɨm nǝtǝm bɨlǝngkɛlɨ, jǝbɔ swɨtǝm, jǝbɔ yɨm sagsag jǝbɔ yɨm nɨ dǝngdǝngɨ.

1 Timoti 4:16

Bɛ ń fɛ dʌng dul mʊnɔ jǝbɔ mɛlalɨ mʊnɔ. Bɛ ń ya ń maa lɛ nyɔ. Maatǝmɔ nyɨɨ nǝn gɔ mʊ bʊʊ lɛ nǝn dul mʊnɨ jǝbɔ nǝbɔ nyʊwa ń nɛɨ.

Ibranii 12:15

Bɛ jǝ́ fɛ jǝ́ dʌng, mɨ nʊ nɨ wo lɛ nyatǝm lǝma Kwaamaɨ lɛɨ, kage kaa nǝ nʌl tuuli a na a kʊm jen, a bɛ nǝn kutʌm jǝbɔ kaltǝm nǝbɨɨ a lada.

Yakubu 2:12

Bɛ kɛl jenɔ jǝbɔ maajɨ jenɔ a nʊng jǝ́ nǝb nɨ jǝ maa jem borang lɛ a dul diil nɨ nǝ jen jǝgtǝm dul lɛɨ.

1 Bitrus 2:16

Bɛ jǝ́ maa yɨm nyatǝm dul. Ka jǝ́ do lɛ nyatǝm dulɔ a yǝlam jem jǝ maatǝm shil. Bɛ jǝ́ yɨ yɨm jwaalɛb Kwaamaɨ.

1 Yohana 2:24

Jen, jʊ nɨ jǝ́ nyʊwa nǝn tɨkǝgaɨ, bɛ a yɨ a mʊgɔ jen. Na jǝ́ maa nyɨɨ, jen tʌjen jǝ́ yɨ yɨ a mʊgɔ Bwɛɨ jǝbɔ Tɛ bwɛ.

Dʊgam Nyangnyang 14:13

Nǝngɔ mǝ nyʊwa kaa diil a dʌbʌl kwama sʊwa lɛ gɔ, “Mʊla jʊ nɨ. Bwiligɔ na a nǝb nɨ bʊla lɛ a mʊgɔ maajɨ Tɛlalɔɨ, jʊ a ta a kǝngkɔ a yɔ nǝn a kǝgaɨ.” Yʊwa Kwaamaɨ a sʊwa gɔ, “Ɔɔ jǝ nǝb bwili, jʊ a bwɨɨ jǝ fǝb fǝb a gaalan jinɔ gǝm, jǝ nǝ ji nǝ lǝma a gaalan maajɨ jinɔ gǝm.”

Dʊgam Nyangnyang 22:14

“Bwiligɔ na a nǝb nɨ a gam dwang malǝngtɨn jini, sǝ ja nya gola jatǝm tʊʊl tɨya kʊlɨgɨɨ, sǝ jǝ dɔ nyangatɨn tuulɔngɨ.