Yakubu 1:17 - Dadiya NT

¹⁷ Nǝtǝm jǝ nyan, jǝbɔ yiitǝm lǝma a bɛ a dʌbʌl a daagɔ Tɛtɛ Kwaama woi, wʊnɨ a fwal nyalǝmɔ pʌd a dʌbʌl kwamaɨ. Mɨ gǝ fʌto lɛ wo. Mɨ duuli gǝnɔ gǝ yǝla lɛ wo.

Yakubu 1:17 Kruisverwysings

Matta 7:11

Na jen jǝ́ nǝb bwɨlangkɛlɔ, jǝ́ nyǝm kanga jǝ́ nǝ bɛtɔ lɔ jeni kanjǝl nyan nɛɨ, Tɨya jen nɨ a kwamaɨ a nyǝm a laa jen, kanga nǝ kanjǝl nyan nɛ, a nǝb nɨ a kela gǝnɨ!

Luka 11:13

Na jen jǝ́ nǝb bwɨlangkɛlɔ, jǝ́ nyǝm kanga jǝ́ nǝ bɛtɔ lɔ jeni kanjǝl nyan nɛɨ, Tɨya jen nɨ a kwamaɨ a nyǝm a laa jen, kanga nǝ Yʊwa Kwaamaɨ lɛ a nǝb nɨ a kela gǝnɨ!”

Yohana 1:9

Nyalǝm bɨlǝngǝnɔ nɨ won nɛ a nǝbɔ gǝm gwamɨ, bɛ lɛ a yooligɔ gǝm.

Yohana 3:27

Nǝngɔ Yohana a jǝla gɔ, “Mɨ nǝn nʊ nɨ nya jǝl lɛ, na ja nǝ gǝn bɔ a dʌbʌli.

Yohana 3:3

Nǝngɔ Yesu a sʊwa gǝn gɔ, “N bɨlǝngkɛl mǝ sʊwa ń nɛɨ, mɨ nǝn nʊ nɨ kuwo fɔlɔn lɔ Kwaamaɨ lɛ, na ja yǝla bɔ ja bʌ gǝn tʌgoi.”

Yohana 8:12

Nǝngɔ Yesu a sʊtǝn sʊwatǝm nǝbɔ kɛlɔ gɔ, “Nǝmǝ mǝ nyalǝm yooligɨɨ. Nʊ nɨ bwang mɨ lɛɨ mɨsɔ yɔ yɔm lɛ a duddugi, nya nya nyalǝm kʊlɨ.”

Maajɨ Bɛtɔ Twamagɨɨ 11:18

Yahudawa nǝb bwangtǝmɔ a nyʊwa nyɨɨ, ja nyǝm bɔ jʊ jǝ sʊwa lɛɨ. Nǝngɔ ja bǝlá Kwaamagɔ jǝ sʊwa lɛ gɔ, “Kwaama a jǝla Bʌtʌbɔ gǝm tʌji ja yǝla ja bǝla bwɨlangkɛl jinɔ sǝ ja nya kʊlɨ.”

Maajɨ Bɛtɔ Twamagɨɨ 5:31

Nǝngɔ Kwaama a gung gǝn a kang jajǝng gǝnɨ, a yǝlam Dʊʊ jǝbɔ Nǝbʊʊlɨ, sǝ a wum nǝbɔ Israilaɨ gǝm gola ja yǝla ja bǝla bwɨlangkɛl jinɔ, sǝ ja nya kǝlǝmtǝm bwɨlangkɛl jinɔ.

Roma 6:23

Ywatǝm bwɨlangkɛlɔ n bwaa. Nǝtǝm lǝma Kwaamaɨ n kʊlɨ nɨ mɨ dɨtǝm wo a mʊgɔ Kiristi Yesui, Tɛlalɔ bǝn.

1 Korinti 4:7

Nuwo a sʊwa ń gɔ ń laa kaamɨ? N wɛ mʊ nǝn, wʊnɨ ke bɔ Kwaama a nǝ ńɨ? Na n yotǝm mʊ yoi, n wɛ a bwɨ mʊ maam lɨyal lɛ maamɔ mʊ yo bɔ yoi?

2 Korinti 4:6

Kwaama nɨ a sʊwa gɔ, “Bɛ nyalǝmɔ a won a kʊm kumtojilii,” nǝn gɔ tag a dǝg nyalǝmɔ won nɛ a mʊgɔ nǝl nǝnɨ, sǝ a won nǝbɔ gǝm gwam sǝ ja nyǝm dʊʊlǝn gǝnɔ a kǝga Kiristii.

Afisa 1:18

N maa keli tag mǝʊ, a yii mʊgɔ nǝl jenɔ nǝn yʊlan, sǝ jǝ́ nyǝm yatǝm nǝl nɨ a jo jen a dul gǝnɨ, jǝbɔ dʊʊlǝn kʊla gǝnɔ a dul nǝb sagsagɨɨ.

Afisa 2:8

N gola lǝma Kwaamaɨ a bʊʊ nǝn jen a nǝtǝm bɨlǝngkɛlɨ. N ke bɔ kwaan dul jen. N nǝtǝm lǝma a daagɔ Kwaama woi.

Filibii 1:29

A nǝ jen lǝmagɔ ke bɔ a dul nǝtǝm bɨlǝngkɛl a daagɔ Kiristi woi kwaagɔ, n gaalanɔ jǝ́ nɔɔ lɛ a kɛl dul gǝnɨ.

1 Timoti 6:16

Nǝn gɔ kwaagɔ mɨsɔ bʊla lɛ woi. Yǝm a nyalǝm nɨ mɨ jǝ yɔ lɛ wo nǝn dɔɔmɨ. Gɔ mɨ nǝn nʊ nɨ a kuwo gǝn woi, dwal kuwo gǝn nɛɨ. Dʊʊnɔ jǝbɔ fɔlɔn nɨ mɨ dɨtǝm woi bɛ a yɨ a daa gǝ woi. A daa nyɔ.

Ibranii 13:8

Yesu Kiristi mɨ gǝ fʌto lɛ wo. Nǝn gɔ dʊgalǝnɨ, nǝn gɔ dwiyeni, mɨ dɨtǝm wo.

Yakubu 1:5

Na kaa nǝl a kʊm jen saa nyǝmtǝm lɛɨ, bɛ ga kela Kwaama nɨ gǝ nǝ nǝbɔ lɛ gwam nǝlɔ win mɨ jongʌn woi, nǝ gǝn nǝ.

Yakubu 3:15

Yʊlan nɨ ke bɔ a wʊnɨ gǝla lɛ a dʌbʌli, na a yooli nɨɨ. Ke bɔ a sagsag, na a mammɨ.

Yakubu 3:17

A yʊlan nɨ a bɛ a dʌbʌli nǝn gɔ a yɔ nǝn bǝn nǝn tɨkǝga a sagsagɨɨ, nǝngɔ bɛ lɛ nǝn yɨm kwamɨgǝnɨ, jǝbɔ yʌbtǝm dul, jǝbɔ shigtǝm dul, jǝbɔ jitǝm bʊnǝn wʊnɨ maa jǝ nya lɛɨ. Mɨ nʊng swɨtǝm dul lɛ jǝbɔ maatǝm fento.

1 Yohana 1:5

Kɛlɔ wɔ nǝn nyʊwa a daa gǝ woi, nǝn sʊwa jen nǝngɔ Kwaama n nyalǝm, mɨ kumtojili wo a daa gǝ woi.

1 Yohana 4:10

Swɨtǝmɔ a na nyɔ: Ke bɔ bǝn bǝ swɨ Kwaama lɛɨ, nǝn gɔ a swɨ bǝnɨ, a twam Bʊla gɔ sǝ ba tǝla tʊʊm gǝnɔ na kǝlǝmtǝm bwɨlangkɛl bǝnɨ.

Dʊgam Nyangnyang 21:23

Tuulɔngɔ a saa bɔ nyalǝm kɔkɔ, jǝbɔ fulotǝm bwaala sǝ a nǝ gǝn nyalǝm, jʊ a bwɨɨ dʊʊlǝn Kwaamaɨ nǝn gɔ nyalǝm gǝnɨ. Bɛ Gal nɨ nǝn gɔ fitila gǝnɨ.

Dʊgam Nyangnyang 22:5

Mɨsɔ jǝ fi kum lɛ wo. Mɨsɔ jǝ swɨ kuwotǝm nyalǝm fitila lɛ jǝbɔ nyalǝm kɔkɔgɔ, jʊ a bwɨɨ, Tɛlalɔ Kwaama nǝn gɔ yǝlam jim nyalǝm lɛɨ. Jǝ maa maa fɔlɔn mɨ dɨltǝm wo.