Ibranii 1:2 - Dadiya NT

² A kumtɨn dɨltǝmɔ gǝmɨ, nǝngɔ a sʊwa bǝn kɛl a daagɔ Bʊla gǝ woi, wʊnɨ a ya gǝn nǝn gɔ nǝ kʊla kanjǝlɔ gwamɨ, wʊnɨ n daa gǝ woi a fwal yooligɨɨ.

Ibranii 1:2 Kruisverwysings

Matta 13:39

Nǝ kii nɨ a wa yǝlagɨɨ, nǝn gɔ nǝn Mammɨ. Kwama kʌsotǝmɔ, n dɨltǝm yooli, nǝb kʌsotǝmɔ n bɛtɔ twama Kwaamaɨ.

Matta 17:5

Nǝn kwama Bitrus sʊwam kɛl nɨ lɛɨ, nǝngɔ kaa lul fulo ba sum jii. Tʌgo a kang, kaa diil a mʊgɔ lul gɔ, “Wʊnɨ nǝn Bʊla mɨ nɨ mǝ swɨ lɛɨ. Wʊnɨ nǝl mǝndɨ nyʊwa fulotǝm nǝl lɛ nǝn gǝ dangǝnɨ. Jǝ́ nyʊwa gǝn!”

Matta 21:38

“Kwama nǝb nɨ ga nǝ ji twam ywatǝmɨ ja kuwo bʊla gɨɨ, nǝngɔ ja sʊwaka a bʊtɔ ji gɔ, ‘Nǝ wɔɔtǝm kʊla twamɔ n wɔ, bǝ jʌm gǝn sǝ kʊlagɔ a yǝlam a bǝn!’

Matta 26:63

Yesu a gar bɔ kɛl. Nǝngɔ dalɨ nǝkǝla nɨ a bʌ gǝn gɔ, “N mʊrka ń jǝbɔ Kwaama nɨ nǝn kʊlɨɨ, sʊwa nǝn, na mʊ nǝn Kiristi, bʊla Kwaamaɨ.”

Matta 28:18

Nǝngɔ Yesu a yɔ nǝn dɔɔm a sʊwa ji woi gɔ, “Kwaama a nɨ ɨ fɔlɔnɔ gwam a dʌbʌl jǝbɔ tǝm.

Matta 3:17

Nǝngɔ kaa diil a jel a dʌbʌl kwama sʊwa lɛ gɔ, “Bwɛ nɨ nǝn Bʊla mɨ, wʊnɨ mǝ swɨ gǝn nɛɨ. Nǝl mǝndɨ nyʊwa lǝma gǝnɔ lɛ dangǝn.”

Markus 1:1

Wʊnɨ nǝn gɔ tǝltǝm fulon kɛl lǝmɨgɔ a dul Yesu Kiristii, Bʊla Kwaamaɨ.

Markus 12:6

“A bǝla kaa nǝl wo win swar, bʊla gɔ, wʊnɨ gǝ swɨ lɛɨ. N nʊ a twam nǝn gul a daa ji woi gɔ, ‘Jǝ nǝ nǝ bʊla mɨ dʊʊn.’

Markus 12:7

“Nǝb nɨ a yo twam ywatǝmɨ a sʊwaka a bʊtɔ jin gɔ, ‘Nǝ wɔɔtǝm kʊla twamɔ n wɔ, bǝ jʌm gǝn sǝ kʊlagɔ a yǝlam a bǝn.’

Yohana 1:10

Kɛl nɨ gǝ na a yooli, Kwaama a fwal yooligɔ a gola gǝn, yooligɔ a nyǝm gǝn bɔ.

Yohana 1:14

Kɛl nɨ a yǝlam nǝfili, a yɨɨ jǝbɔ nǝn. Nǝn kuwo dʊʊlǝn gǝnɔ, dʊʊlǝn nɨ ja maa Bwɛ gǝm win swarɨ, a jel a daagɔ Tɛ bwɛ woi, wʊnɨ a yii nǝn lǝma jǝbɔ bɨlǝngkɛlɨ.

Yohana 1:3

Kwaama a fwal kanjǝlɔ gwam a gola gǝn. Mɨ nǝn jʊ nɨ a fwal ke bɔ a gola gǝnɨ.

Yohana 13:3

Yesu a nyǝm Tɛtɛ a kwɛl a dǝg kanjǝlɔ gwam a kang gǝn. A nyǝm tag gǝ jel a daagɔ Kwaama woi, n daagɔ Kwaama woi gǝ yǝla gǝ shu lɛ woi.

Yohana 13:32

Na Kwaama a nya dʊʊlǝn a kɛl dul gǝnɨ, Kwaama nǝ nǝ Bwɛ dʊʊlǝn a kɛl dul gǝn. Mɨsɔ ta bʊtɔ lɛ, nya nya dʊʊlǝn.

Yohana 15:15

Mɨsɔ mǝ sʊwa jen nɛ tag mǝʊ jǝ́ bɛtɔ jwaalɛn, jʊ a bwɨɨ, bwɛ jwaalɛ a nyǝm bɔ jʊ tɛlalɔ gǝnɔ maa lɛɨ. Mǝ sʊwa jen mǝʊ jǝ́ fatǝm, jʊ a bwɨɨ n sʊwa jen kanjǝlɔ gwam mǝ nyʊwa a daagɔ Tɛtɛ mɨ woi.

Yohana 16:15

Gwam jʊ Tɛtɛ mɨ nǝnɨ na a mɨ, n jʊ a bwɨ mǝ sʊwa mǝʊ Yʊwagɔ do do jʊ mǝ sʊwa gǝnɨ sǝ a sʊwa jeni.

Yohana 17:2

Ń kwɛl ń nǝ gǝn fɔlɔn a dul nǝfitʌmi gwam, sǝ a nǝ kʊlɨ nɨ mɨ dɨtǝm woi a nǝb nɨ gwam mʊ nǝ gǝnɨ.

Yohana 3:16

Kwaama a swɨ yooli nɨ dangǝn, nǝngɔ a nǝ Bʊla gɔ nɨ win swarɨ, dɨsɔ na nʊ nɨ a nǝ bɨlǝngkɛl a daa gǝ woi, mɨsɔ bʊla lɛ, nya nya kʊlɨ nɨ mɨ dɨtǝm woi.

Yohana 3:25

Nǝngɔ bɛtɔ mɛlalɨ Yohanaɨ ja dɔ bǝngkatǝm kɛl jǝbɔ kaa bwɛ Yahudaɨ a dul jǝfʊlǝn saaltǝm bʊtɔ wʊnɨ gǝ dǝg nǝl lɛ a yǝlam sagsagɨ.

Yohana 5:26

Kanga Tɛ bwɛ nǝn dul gǝn, n jʌng kʊlɨɨ, gǝ na nyɔ a dǝg Bʊla gɔ a yǝlam jʌng kʊlɨ.

Yohana 5:27

A nǝ gǝn fɔlɔn maatǝm borangɔ, jʊ a bwɨɨ, gǝ nǝn Bʊla Nǝlɨ.

Yohana 9:29

Nǝn, nǝn nyǝm Kwaama a sʊwa kɛl jǝbɔ Musa. A balɨ nɨɨ, nǝ nyǝm bɔ daagɔ a jelʌmi.”

Maajɨ Bɛtɔ Twamagɨɨ 10:36

Jǝ́ nyǝm twamagɔ a twam nǝbɔ Israilaɨ gǝmɨ, jǝ sʊwa ji fulon kɛl lǝmɨ na yɨm kwamɨgǝn nɛ a gola Yesu Kiristii. Nǝn gɔ nǝn Tɛlalɔ bǝn gwamɨ.

Maajɨ Bɛtɔ Twamagɨɨ 2:17

“ ‘Kwaama a sʊwa gɔ, nǝn kumtɨn dɨltǝm yooligɔ, Mǝ tal tal Yʊwa mǝndɨ a dul nǝbɨɨ gwam. Bɛtɔ batǝn jenɔ jǝbɔ bɛtɔnɔɔtǝn jenɔ jǝ maa maa kuwotǝmkǝga. Bɛtɔ bayǝlǝm jenɔ kuwo kuwo dʊgam nyangnyang. Dʊʊm jenɔ dʊga dʊga dʊgamtɨn.

Roma 1:4

A yʊwa gǝnɔ nɨ sagsagɨ, Kwaama a jǝg gǝn nǝn kwaan gǝn a yǝlam Bʊla gɔ a gola gungtǝm gǝn a bwaa, nǝn gɔ nǝn Yesu Kiristi Tɛlalɔ bǝn.

Roma 8:17

Na bǝ bɛtɔ lɔ Kwaamaɨ, bǝ yǝlam nǝb jatǝm kʊla. Bǝn nǝb jatǝm kʊla Kwaamaɨ jǝbɔ fatǝm jatǝm kʊla bǝnɔ Kiristi. Yǝlam nyɔ na bǝ nɔɔ gaalan bǝnɔ Kiristii, dɨsɔ ja dʊʊl nǝn nǝbɔ gɔ.

1 Korinti 2:7

Nǝn sʊwa kɛlɔ a yʊlan Kwaamaɨ nɨ a bwa bwaɨ, wʊnɨ galɨgǝn a yʊm yʊmɨ, yʊlan nɨ Kwaama a ya a kɛl dʊʊlǝn bǝnɨ, na lǝga bɔ a fwal yooligɨɨ.

1 Korinti 8:6

Gǝ na nyɔ tag, a daa bǝn woi, Kwaamagɔ win, nǝn gɔ nǝn Tɛtɛɨ, wʊnɨ kanjǝlɔ gwam a bɛ a daa gǝ woi, wʊnɨ bǝn tǝbǝn n yɨm gǝn bǝ maa lɛɨ. Tɛlalɔ win, Yesu Kiristi, wʊnɨ n daa gǝ woi kanjǝlɔ gwam a yǝlamɨ, wʊnɨ n daa gǝ woi bǝ nya kʊlɨɨ.

Galatiya 4:4

Nǝn kwama nɨ kwamagɔ a la dangǝnɨ, nǝngɔ Kwaama a twam Bʊla gɔ wʊnɨ nɔɔlɨ a bʌi, bʌtʌm a mʊgɔ diil.

Afisa 1:10

Jʊ nɨ pʌd n fɛkalɨ Kwaamaɨ, sǝ na kwamagɔ a laɨ, kanjǝl nɨ gwam mʊrka a daagɔ Kiristi woi, kanjǝl nɨ a dʌbʌl kwamaɨ, jǝbɔ kanjǝl nɨ a tǝmɨ.

Afisa 3:9

Sǝ n nʊng nǝbɔ gwam fɛkalɨ jǝ yʊtǝm nɨ a wʊnɨ jol jǝbɔ jol Kwaama a yʊ yʊɨ, nʊ nɨ a fwal kanjǝlɔ pʌdi.

Ibranii 1:5

Nuwo a mʊgɔ bɛtɔ twama Kwaamaɨ, Kwaama a sʊwa gǝn wo gɔ, “Mɔ nǝn bʊla mɨɨ, dwiyen n yǝlam Tɛtɛ mʊɨ”? A yǝla a sʊwa wo tag gɔ, “N yǝlam Tɛtɛ mɔ, mɔ tǝmʊn ń yǝlam Bʊla mɨɨ”?

Ibranii 1:8

A dul Bwɛɨ, nǝngɔ a sʊwa gɔ, “Kwaama, kotere fɔlɔn mʊnɔ tɨ tɨ mɨ dɨtǝm wo. Dwam fɔlɔn mʊnɔ n dǝngdǝng dangǝn.

Ibranii 11:3

N gola nǝtǝm bɨlǝngkɛl bǝ nyǝm gɔ n sʊwatǝm kɛl nǝn nyiyo Kwaama a fwal yooligɨɨ. Bǝ nyǝm tag Kwaama a fwal kanjǝl nɨ bǝ kuwo lɛɨ, a mʊgɔ kanjǝl nɨ mɨ bǝ kuwo lɛɨ.

Ibranii 2:3

La bǝ bʊʊ mwɛlɔ nyǝn, na bǝ swa bɔ lɔl a bʊʊlɨ dʊʊn nɨɨ? Tɛlalɔ nǝn kang gǝn nǝn gɔ a tǝl sʊwatǝmɨ, nǝb nɨ ja nyʊwa gǝnɨ ja sʊwa bǝn gɔ, n dǝngdǝng.

Ibranii 3:6

A Kiristii n nǝ yiitǝm swatǝm yaa, n bwɛ fɔlɔn a mʊgɔ lɔ Kwaamaɨ. Bǝn bǝ lɔ gɔ, na bǝ tɨɨ nǝn kwaan, bǝ dem bɔ yatǝm nǝlɨ.

Ibranii 4:14

Kanga bǝ nǝngǝn nǝn gʌleng dalɨ nǝkǝla wʊnɨ a shu a dʌbʌli, nǝn gɔ nǝn Yesu Bʊla Kwaamaɨ, bɛ bǝ tɨ a dul jʊ bǝ nǝ bɨlǝngkɛl nǝnɨ.

Ibranii 5:8

Gǝ Bwɛ sul, a mɛla shigtǝm dul a gaalan nɨ ga nɔɔɨ.

Ibranii 7:28

Diilɔ gǝ dǝg dǝg nǝbɔ a yǝlam daltɔ nǝbkǝlam a gɨyatǝm jinɔ gǝm. A kɛl wɛɛlɨ nɨ a gǝla a gul diilɔ gǝmɨ, a dǝg Bwɛ a yii dǝngdǝng mɨ dɨtǝm wo.

Ibranii 7:3

Mɨ nǝn tɛ, mɨ nǝn nɛ, mɨ nǝn guu nanǝga, mɨ nǝn kum bʌtʌm, mɨ nǝn kum bʊlatǝm, a jelka Bʊla Kwaamaɨ, a yǝlam nǝkǝla mɨ dɨtǝm wo.

Ibranii 9:26

Na na Kiristi gǝ nǝ dul gǝnɔ a joli, na nɔɔ nɔɔ gaalan kwangkwang dangǝn a tǝltǝm yooligɔ gǝm ba la nǝn a kǝngkɨɨ. Kǝngkɔ a nʊng dul gǝnɔ naa win swar a dɨltǝm yooligɔ gǝm sǝ a dem bwɨlangkɛlɔ a gola nǝtǝm dul gǝn a twɨtǝm yulʌn.

1 Bitrus 1:20

Kwaama a jǝgǝm gǝn na lǝga bɔ a fwal yooligɔ. N kɛl dul jen ja nʊng gǝn a jol dɨltǝmɨ.

2 Bitrus 3:3

Nǝn tɨkǝga mǝ swɨ lɛ n bʊʊla jem a kumtɨn dɨltǝm, nǝb mogtǝmɔ jel jel, maa mogtǝmɔ lɛ, jǝ bwangtǝn wɛl bwɨlan jinɔ lɛ.

Yahuza 1:18

Ja sʊwa jen gɔ, “A kwama dɨltǝm yooligɔ gǝm kaam nǝbɔ yǝlam nǝb mogtǝm, jǝ bwangtǝn wɛl nǝl jin, mɨ ji nǝn Yʊwa Kwaamaɨ.”