Ibranii 1:1 - Dadiya NT

¹ Nǝn galɨgǝn, Kwaama a sʊwa tʊgam tʊgalam bǝnɨ kɛl naagɔ a gǝlala, a golantɨnɔ gǝm a lada nǝn dʌmʌn a nyiyo nǝbkuwotǝmkǝgagɨɨ.

Ibranii 1:1 Kruisverwysings

Luka 1:55

kanga a swa yaa a daa tʊgalam bǝnɔ woi, a daa Ibrahim woi jǝbɔ dʊʊm gǝnɔ mɨ dɨtǝm wo.”

Luka 1:72

sǝ a ji bʊnǝn tʊgalam bǝnɨ, sǝ a bʊʊla nǝn swatǝm yaa sagsag nɨ ga maa jimi.

Luka 24:27

Nǝngɔ a nʊng ji jʊ ja sʊwa a mʊgɔ mʊlalɨ kɛl Kwaamaɨ gǝm a dul gǝnɨ, jʊ a tǝl a mɛlalɨ Musaɨ a yɔ nǝn a nǝbkuwotǝmkǝgagɔ gwamɨ.

Luka 24:44

Nǝngɔ a sʊwa ji gɔ, “Jʊ nɨ n jʊ mǝ sʊwa jen kwama nɨ bǝ dakinii, jǝ yii yii kɛl nɨ ja sʊwa a dul mɨɨ a mʊgɔ diil Musaɨ, jǝbɔ a nǝbkuwotǝmkǝgagɨɨ, jǝbɔ nafɨ Zaburaɨ.”

Yohana 16:13

Nǝn kwama Yʊwa bɨlǝngkɛl nɨ bɛm lɛɨ, wʊnɨ nʊng jen bɨlǝngkɛl lɛ a dul Kwaamaɨ, bwangtǝn bwang nǝn jen a dul bɨlǝngkɛlɔ gǝm gwam. Ke bɔ nǝn fɔlɔn gǝn sʊwa kɛl lɛɨ, sʊwa jen kanjǝl nɨ a nyʊwaɨ, jǝbɔ kanjǝl nɨ bwɨ lɛɨ.

Yohana 7:22

Musa a nǝ jen diil biyotǝm mwɛnɔ (ke bɔ gɔ a tǝlɨ, n tʊgalam jenɔ a tǝlɨ). Jǝ́ biyo biyo bwɛsǝn gǝm mwɛn nǝn Kum Fǝbtǝm.

Yohana 9:29

Nǝn, nǝn nyǝm Kwaama a sʊwa kɛl jǝbɔ Musa. A balɨ nɨɨ, nǝ nyǝm bɔ daagɔ a jelʌmi.”

Maajɨ Bɛtɔ Twamagɨɨ 13:32

“Bǝn tǝbǝn bǝ bɛ jem nǝn fulon kɛl lǝmɨ. N swatǝm yaa nɨ Kwaama a maa tʊgalam bǝnɔ gǝmɨ.

Maajɨ Bɛtɔ Twamagɨɨ 2:30

Gɔ n nǝkuwotǝmkǝga. A nyǝm Kwaama a maa gǝm swatǝm yaa jǝbɔ wɛɛlɨ, gɔ kaa nǝl win a mʊgɔ dʊʊm gǝnɔ gǝm, gwi gwi kotere fɔlɔn gǝnɔ.

Maajɨ Bɛtɔ Twamagɨɨ 28:23

Ja ya kumɔ ba jǝ mʊrkam lɛɨ, nǝngɔ ja bɛ a daa nɨ ga shigʌmi, ja bɛ a lada dangǝn. Jʊ a ta a kumsʌl a yɔ nǝn a kwaamɨɨ, fɛta ji kɛlɔ lɛ a dul fɔlɔn lɔ Kwaamaɨ, swɨ lɛ a gʊ ji a daa Yesu woi a gola diil Musaɨ jǝbɔ a langǝn bwangǝn nǝbkuwotǝmkǝgagɨɨ.

Maajɨ Bɛtɔ Twamagɨɨ 3:21

Yesu yɨ yɨ a mʊgɔ dʌbʌl kwama, a yɔ nǝn a kwama nɨ jǝ fɛ kanjǝlɔ lɛ gwam a yǝlam a fɨɨ, kanga Kwaama a sʊwa galɨgǝn a nyiyo nǝbkuwotǝmkǝga gǝnɔ gǝmɨ, nǝb sagsagɔ.

Ibranii 11:18

Wʊnɨ a dul gǝn Kwaama a sʊwa gɔ, “N gola Ishakui jǝ kiyo dʊʊm mʊnɔ lɛɨ.”

Ibranii 11:2

N gola nǝtǝm bɨlǝngkɛl tʊgalam bǝnɔ a nya jǝlatǝm Kwaamaɨ.

Ibranii 12:25

Jǝ́ fɛ jǝ́ dʌng kage jǝ́ kɔ Kwaama nɨ sʊwa kɛl nɨ lɛɨ. Na nǝb nɨ a kɔ nyʊwatǝm nʊ nɨ gʊ jim lɔl lɛ a yooli nɨɨ ja bʊʊ bɨɨ, la maa nyǝn bǝ bʊʊ lɛɨ, na bǝ kɔ nʊ nɨ gʊ lɔl bǝnɔ lɛ a dʌbʌl kwamaɨ?

Ibranii 2:2

Kɛl nɨ ja sʊwa a nyiyo bɛtɔ twama Kwaamaɨ, n diil. Nǝb nɨ gwam a kɔ nyʊwatǝmɔ, ja bwangtǝn bɨɨ, ja mwɛ ji dǝngdǝng a dul jʊ ja maaɨ.

Ibranii 2:3

La bǝ bʊʊ mwɛlɔ nyǝn, na bǝ swa bɔ lɔl a bʊʊlɨ dʊʊn nɨɨ? Tɛlalɔ nǝn kang gǝn nǝn gɔ a tǝl sʊwatǝmɨ, nǝb nɨ ja nyʊwa gǝnɨ ja sʊwa bǝn gɔ, n dǝngdǝng.

Ibranii 3:5

Musa n nǝ tatǝm swatǝm yaa na bwɛ jwaalɛ a mʊgɔ lɔ Kwaamaɨ gwam. N nǝ nǝtǝm nyiyo a dul jʊtǝb nɨ jǝ sʊwa kɛl jinɔ lɛ a kǝgaɨ.

Ibranii 4:8

Na na Joshuwa a yɔ nǝn ji a mʊgɔ daa fǝbtǝm Kwaamaɨ, na Kwaama mɨsɔ sʊwa kɛl lɛ a kǝga nɨ a dul kaa di.

Ibranii 5:5

Kiristi tǝgǝn ke bɔ gɔ a gung dʊʊlǝn gǝnɔ a yǝlam dalɨ nǝkǝlaɨ. Nǝn Kwaama a sʊwa gǝn gɔ, “Mɔ nǝn Bʊla mɨ. Mǝ nǝn Tɛtɛ mɔ dwiyen.”

Ibranii 9:19

Nǝn kwama Musa sʊwam nǝbɔ kɛlɔ lɛ a diilɔ gǝm gwamɨ, nǝngɔ a dʊwa tʊʊm bɛl nɛɛgɔ jǝbɔ a bɨntɨnɔ, a mʊrka jǝbɔ mwɛmɔ, jǝbɔ lugo feligɔ, jǝbɔ kang tɨya izobɔ, nǝngɔ a wa langǝn bwangǝn borangɔ gǝm jǝbɔ nǝbɔ gwam.