Maajɨ Bɛtɔ Twamagɨɨ 21:1 - Dadiya NT

¹ Wʊlakatǝm nǝnɔ nǝbɔ jii a bwa. Nǝngɔ nǝn dɔ tɨyamwɛngɔ nǝn shu a kǝga Kosi, tǝm nɨ a tɨbǝl wɨmaɨ. Nǝn tǝmsɛlɨ nǝngɔ nǝn shu a Rodusaɨ. A daa gɔ nǝngɔ nǝn shu a Bataraɨ.

Maajɨ Bɛtɔ Twamagɨɨ 21:1 Kruisverwysings

1 Tasalonikaɨ 2:17

Kambɔ, nǝn kwama ja wʊlaka nǝn jǝbɔ jen a kǝlɨ kwama nǝn dǝm nyɨɨ (wʊlakatǝm a bʊtɔ ke bɔ a bʊʊlalɨ), nǝn ya nǝl sǝ nǝn kuwo jen kǝga jǝbɔ kǝga.

Luka 5:4

A dɨ sʊwatǝm kɛlɔ jǝbɔ nǝbɨɨ, nǝngɔ a sʊwa Bitrus gɔ, “Jǝ́ mǝgtǝn tɨyamwɛngɔ a yɔ a daa nɨ mwɛmɔ a tushi tushii, jǝ́ mal lɨyalɔ, jǝ́ ta jʌngitɨnɔ.”

Maajɨ Bɛtɔ Twamagɨɨ 27:2

Nǝn dɔ kaa tɨyamwɛng a Adaramitiya, wʊnɨ a fɛka guntǝm sǝ a shu a kaam tuulɔtɨn nɨ a kʌng wɨma Asiyaɨ. Nǝn tǝl yɔmɔ nǝbɔ Aristarkus, kaa bwɛ Tasalonika a tǝm Makidoniya.

Luka 8:22

Kaa di Yesu a dɔ tɨyamwɛng jǝbɔ bɛtɔ mɛlalɨ gǝnɔ. Nǝngɔ a sʊwa ji gɔ, “Bǝ yab fʌlen a dʌng wɨma wuleni.” Nǝngɔ ja gun ja dɔ tɨyamwɛngɔ ja shui.

Maajɨ Bɛtɔ Twamagɨɨ 27:4

Nǝn gun wo nǝn tɨyamwɛngɨ, yʊwagɔ kom nǝn nɛ. Nǝngɔ nǝn kɛla a gul Sayifurusi, tǝm nɨ a tɨbǝl wɨmaɨ.