Hirim Heetoofe hu hi Luk akiñje hu 1:1 - Kwatay (Kuwaataay)

¹ Téwofil, Naane á̱meyie i, bakan keehooje kaŋesaŋes kakiñju buroon bómbokun bu beebaje bu t'uni.

Hirim Heetoofe hu hi Luk akiñje hu 1:1 Kruisverwysings

Mark 16:20

Eriboora i ni kaja, iŋi kawaare Hirim Heetoofe hu tánotan. Anahaan u aŋ'áyokunaniin tu burok bu, abe n'alitan kawaare kooniin tu buroon bimbi káhin beehaŋe bu ésuk i kikaw.

Saaŋ 20:31

Bare beeemo bu te ko bikiñjeekiñj man n'áriyilen kaanuku Yesu aamo fu *Afakana u, Añi ite Atambatun. Abe af'áriyilen te o, n'aŋ'aribaj te o buroŋ bu.

Eleetar i yi Pool akiñje i bakate ku Rom 14:5

Ake aŋ'ayinoor n'aane kike kunak kihaŋahaŋ kaaku, ake n'ayinoor n'aane kireyi fe ko kifeeneŋ ku. Huruw fe, beeemo bu ti hikawo buwarowar kakuuru.

Eleetar i yi Pool akiñje i bakate ku Rom 4:21

Bukuurokuur áhabanein kaanuku Atambatun áyinooni káhinu b'asoke bu.

Kolos 2:2

Iŋ'ítuum iyu uŋu hoonuun hu arireyi kaanuku man kikawuun ni kiyaŋg, abe n'árimaŋioori áriihin t'afeeneŋ. Ímaŋamaŋi yooŋ Atambatun ásoniyanuun man n'áriyini kahooju bib nu búwesinato. Iyu, n'aŋ'áriyini kámeyi béenuusee bite b'Atambatun, bo beemo fu Kiris.

Kolos 4:12

Epafuras eeemo u yooŋ ite t'aruun asaafuun. Akina aroka ite Yesu Kiris, abe aŋ'áñiŋkaan kep ti kalawu Atambatun bija t'aruun kaanuku man n'arijok alitee, n'arihaat yooŋ ti káyilen ku, abe n'arifare káhinu b'Atambatun ámaŋie bu fe.

1 Tesalonik 1:5

Irisokuunsok Hirim Heetoofe hu, káanukiiit ni kirim barebare, bare yooŋ ni sembe site Búwejet Beenabe bu, abe bukuurakuur uni kaanuku Hirim honde Heetoofe hu hite nu múniyo. Abe arijukajuk naane biriiko bite b'uni t'aruun bíñjeriŋuun i.

1 Timote 3:16

Béekoofaanie bu bite bítim bite b'úne bihahahah, abe an ayinaat kajeeŋan bo. Bo beemo fu bonde: Abinabin éehinooro naane húŋgowulan, Búwejet Beenabe bu nu búwufoor kaanuku ájubajub. Emalaka i kajukojuk, abe ésuk i ni kawaare uŋu hoone hu ti keenooto ku Esuwif. Bakate ku t'etaam i ni káyilen te o, abe Atambatun n'ayito t'etiir t'ánike du.

2 Timote 4:17

Bare Anahaan u aseeŋamseeŋo, abe n'awunam sembe isooñen n'íyini kawaare Hirim Heetoofe hu hireyi fe, keenooto ku Esuwif kareyi fe kayak kajam ho. Abe Anahaan u n'áhin iifak ti bíŋaŋ bu.

Esuwif i 10:22

Náami úloh Atambatun nu suhol séejube, kikaw úne yooŋ kiyaŋg piŋ núuyilen, ábuki halan hite *Kiris hukuuranakuuran suhol site s'úne ti biyinoor bánoban beejakut, abe sini site s'úne siñaweeñaw yooŋ nu móhujo meekuure.

Esuwif i 6:11

B'írimaŋie bu beemo fu huruw fe t'aruun áñiŋkaan kep bija yooŋ tu hunak hiraanu hu, man doon d'ariyakare du fe ni dibaj.