Filemoŋ 1:5 - Kwatay (Kuwaataay)

⁵ ábuki iŋ'ijam naane á̱maŋie i bakan k'Atambatun akino ku fe, ni naane á̱yilene i t'Anahaan u Yesu.

Filemoŋ 1:5 Kruisverwysings

Epotor i 20:21

Ilawalaw Esuwif i ni keenooto ku Esuwif eeniin kawas kinij kooniin keejakut ku kéejeŋgin Atambatun, abe ni káyilen t'Anahaan ite úne Yesu.

Eleetar i yi Pool akiñje i bakate ku Rom 12:13

Áriyokunan bakanuun kéeyilene ku keebaje ku bisawula, abe n'aŋ'arijok áwariee kiŋki kawanan t'aruun.

1 Korent 16:1

Útif hahiyu ti bite sírirem su sunsu sukuukanee bija ti bakan kite Atambatun bakate ku Serusalem. Isokasok bakate ku Galasi *kéeyilene ku buŋ bi kaware fu káhinu. Aruun yooŋ, iyu a ariware fu káhinu.

Galasi 5:6

Ábuki uf'úhin t'afeeneŋ ni Yesu Kiris, kateyi karam man yooŋ kateyaate karam, bondu fe bibajut éñjeriŋ. Beebaje bu éñjeriŋ beemo fu káyilen ku kiŋki kíhin úne núumaŋioori.

Efees 1:15

Iŋ'ite ho aamo fu huta h'iŋ'ibin ijam kaanuku áriyilenayilen t'Anahaan u Yesu, nu buŋ b'árimaŋie fu yooŋ bakan k'Atambatun akino ku fe,

Kolos 1:4

Iŋ'irieno eyeehen ábuki irijamajam kaanuku áriyilenayilen ti Yesu Kiris, abe n'árimaŋi yooŋ bakan ku fe k'Atambatun akino ku.

1 Tesalonik 3:6

Bare Timote ábatikeino afiyeitee, abe asokasok uni beejake ti káyilen koonuun, ni kámaŋioori koonuun. Asokasok uni yooŋ kaanuku siheluun fe sondu t'uni kep, abe árimaŋamaŋi kajuku uni naane írimaŋie i yooŋ kasooñu irijukuun.

Filemoŋ 1:7

Óom, hutoofamtoof dómbokun, abe hikawam yooŋ ni hiyaŋg aŋarkeyi naane á̱maŋamaŋi bakan kite Atambatun, abe aŋ'á̱hin yooŋ siheliin seerooŋo.

1 Saaŋ 3:23

Eluwa yende y'asaane i úne: aane úyilen tu huruwu hite Añio Yesu Kiris, abe yooŋ n'úmaŋioori naane asoke i úne.