Mateo 8:5 - Porciones del Nuevo Testamento

⁵ Capernaúm pʉwʉrʉdꞌe Jesús edꞌa wãbʉrʉdꞌera, soldaorã nokꞌo Romanebemaba orrabʉrʉta zuburia bedꞌea,

Mateo 8:5 Kruisverwysings

Mateo 11:23

Capernaúm pʉwʉrʉdꞌe bꞌera ʉ̃taa wãĩta krĩcha bꞌedꞌe Daizezebara pepekuaya beudꞌapeadꞌata zuburia bꞌeabiima. Sodoma pʉwʉrʉdꞌe ũdudꞌakꞌata osibʉrʉ mʉã marã maẽ odꞌata osibʉrʉ idꞌi basiidꞌu bꞌeakꞌausia.

Mateo 27:54

Soldaorã nokꞌoba soldaorã bawarauba Jesústa kĩrãkuita bꞌedꞌe ẽjũã ureta ũdubʉdadꞌe, mawũã berabꞌaribʉrʉta ũdudꞌai kꞌãbãẽã perabʉdaba mawũãsidꞌa: Naʉ̃ wãrĩnu Daizeze Warra basia.

Mateo 4:13

Nazaret pʉwʉrʉra idaribipe wãpe bꞌesia Capernaúm pʉwʉrʉdꞌe, maʉ̃ pʉwʉrʉra do jedꞌea õbꞌʉ kꞌaita tabꞌʉa, Zabulónneba uruta bꞌeadꞌa druadꞌe, Neftalídꞌeba uruta bꞌeadꞌa druadꞌe tabꞌʉa.

Mateo 9:1

Mawũãnaĩ Jesús jãbadꞌe bꞌaripe kĩrãrã chãpe zesia Capernaúm izhi pʉwʉrʉedꞌa.

Marcos 15:39

Soldaorã nokꞌota Jesús kĩrãbita kꞌobꞌʉba mawũã kꞌãbãẽã bꞌiape beubʉrʉta ũdui mawũãsia: Wãrãne ũmakĩrã naʉ̃ Daizeze Warra basia.

Marcos 2:1

Ewari dããrã ẽãne Jesús wakusa Capernaúm pʉwʉrʉdꞌe edꞌa wãbʉrʉba dedꞌa bꞌʉta ũrĩsidꞌa.

Hechos 22:25

Mawũãmina udꞌaita jʉ̃bʉdadꞌera Pablobara soldaorã nokꞌota mama kꞌobꞌʉa mawũãsia: ¿Roma bidꞌara marãã ubi panʉka sãwũã oita jaradꞌa ẽwedꞌara?

Hechos 23:17

Mawũẽ Pablobara soldaorã nokꞌota abꞌa trʉ̃pe mawũãsia: Naʉ̃ kũrãta ededua soldaorã nokꞌota wagꞌauma, bedꞌeata erubꞌʉa jaraita.

Hechos 23:23

Soldaorã nokꞌota wagꞌaubara soldaorã nokꞌota ũme trʉ̃pe diamase a las nueve wãĩta aribꞌaebigasia soldaorã dociento, kꞌawayo banata setenta, miãsu banata dociento. Aramaʉ̃ne wãnamarẽã Cesarea pʉwʉrʉidꞌu.

Hechos 27:13

Pʉ̃ãdrʉta juwua ãkꞌaareba pʉ̃ãdrʉ kꞌobꞌaera ãzhima biga basia wãnaĩta, mawũẽ ancla jiraedadꞌape wãsidꞌa dodꞌu Creta kꞌaawa.

Hechos 27:31

Maʉ̃ne Pablobara soldaorã nokꞌoa soldaorãã mawũãsia: Naʉ̃rãta barcodꞌe kꞌopanʉ ẽbʉrʉ marã ẽdrʉdꞌa ẽã.

Hechos 27:43

Mawũãmina soldaorã nokꞌobara Pablo beabi krĩña ẽãba idaribi ẽbasia mawũã odꞌaidꞌera. Mawũẽ jarasia zhi tũẽ kꞌawua bꞌera naara doidꞌu jurzoape drua badꞌamarẽã.

Hechos 9:38

Lida pʉwʉrʉra Jope pʉwʉrʉ kꞌaitaba Jesúsdꞌebema ĩjã bꞌebara Pedro mama kꞌobꞌʉta ũrĩnaĩ, ũmakĩrãrã ũme zokꞌasidꞌa zuburia bedꞌea mawũãnamarẽã: Dããrã barãrũã daima zeita.