Mateo 7:3 - Porciones del Nuevo Testamento

³ ¿Kꞌãrẽã bʉ mebea dabʉdꞌe ne jarra kꞌobꞌʉtrʉ akʉpe bʉ dabʉdꞌe bakuru pẽũ nʉmʉrã akʉ ẽpe?

Mateo 7:3 Kruisverwysings

Mateo 7:4

¿Mawũãrã bʉara bʉ mebea mawũãĩne bꞌʉka: Ne jarra bʉ dabʉdꞌe kꞌobꞌʉta mʉãã aubꞌaribirua aidꞌe bꞌʉka, bʉ dabʉdꞌe bakuru pẽũ nʉmʉnerã?

Mateo 7:5

¡Sewa bibaʉta bꞌarãrũã! Bakuru bʉ dabʉdꞌe pẽũ nʉmʉta naara ãĩ bꞌʉdua, mawũãtrʉ bia ũduya bʉ mebea dabʉdꞌe ne jarra kꞌobꞌʉta aubꞌariita. (Aramaʉ̃ kĩrãkꞌa bʉa kꞌazhirua obꞌʉta naara idu bꞌʉdua, mobedꞌeba zhãrã kꞌareba bꞌeya.)

Lucas 18:11

Fariseora ʉ̃ta nʉmepe zhiwidꞌi ari izhita jara mawũãsia: Daizeze, mʉã bʉaa zhibia jiya mʉrã zhãrã kĩrãkꞌa bꞌʉ ẽãba, zhãrã bꞌea nezrʉgamiãta, bia ẽãta, kĩma ẽãta erukꞌãĩmiãta. Mʉrã miã naʉ̃ za rey Romanebemaĩta plata widꞌibari kĩrãkꞌa bꞌʉ ẽã.

Romanos 2:1

Maʉ̃ba bʉ zhãrã jara bꞌʉra bedꞌea ne ẽãne bꞌarãrũã, bʉa awʉrʉta jarabʉrʉdꞌera bʉzhikusa jarabʉrʉa, bʉa zhãrã jara bꞌʉta abꞌaʉta obꞌʉdꞌeba.