Mateo 6:7 - Porciones del Nuevo Testamento

⁷ Bʉ zhiwidꞌi nʉmʉnerã abꞌaʉ bedꞌeata jarama bio jararãrũã, Daizezedꞌebemata kꞌawuadꞌa ẽkĩrãkꞌa bꞌarãrũã. Krĩcha bꞌea abꞌaʉ bedꞌeata jarama bio jaratrʉ Daizezebara ũrĩ bꞌʉta.

Mateo 6:7 Kruisverwysings

Mateo 18:17

Maʉ̃rã bedꞌeata ũrĩ ẽbʉrʉ mebẽrã bꞌea jaradua, mebẽrã bedꞌeata ũrĩ ẽbʉrʉ Daizezedꞌebema ĩjã ẽã bꞌʉ kĩrãkꞌa edarua, o rey Romanebemaĩta plata widꞌibarita kꞌazhirua omiã kĩrãkꞌa edarua.

Mateo 26:39

Mawũãpe arajĩga wãpe egoroma bꞌarru kꞌobꞌepe zhiwidꞌi mawũãsia: Mʉ Zeze, bʉma bigabʉrʉ mʉrã zuburia beubirãrũã, mawũãmina mʉã krĩñata aribꞌaerãrũã, awuarabʉrʉ bʉzha krĩñata aribꞌaedua.

Mateo 26:42

Wakusa wãpe zhiwidꞌima ũmeta mawũãsia: Mʉ Zeze, mʉ zuburiabi ẽbaita bʉma biga ẽbʉrʉ aribꞌaedua bʉzha krĩñata.

Mateo 26:44

Mawũẽ ãmaẽkuabʉrʉta wakusa wãpe zhi ũbeata zhiwidꞌisia abꞌaʉ bedꞌeata jara.

Mateo 6:32

Daizezedꞌebema kꞌawua ẽã bꞌera maʉ̃ jõmaʉ̃ kꞌarea sopua bꞌea. Mawũãmina marã Zeze ʉ̃trebemabara kꞌawua bꞌʉa marãbara maʉ̃ jõma nesidꞌa bꞌeta.

Hechos 19:34

Mawũãmina judíota kꞌawuadꞌape jõma hora ũme badea bꞌikua mawũãsidꞌa: ¡Diana zhi zroma Efesio bidꞌarãnerã!