Mateo 6:2 - Porciones del Nuevo Testamento

² Maʉ̃ba zuburia bꞌeta bʉa nebari diabʉrʉra jõmaʉ̃ã jarakꞌarãrũã, sewa bibaʉta bꞌeba obꞌe kĩrãkꞌa orãrũã, de zhi jʉrebadata nʉme maẽ, pʉwʉrʉdꞌe odꞌe zhãrã berabꞌari nʉme maẽ maʉ̃ kꞌaudꞌa bꞌea zhãrãba bia jaradꞌamarẽã. Mʉã wãrĩnu marãã jaraya, maʉ̃ kꞌareara Daizezebara kꞌãrẽ dia ẽã.

Mateo 6:2 Kruisverwysings

Mateo 15:7

Marã sewa bibaʉta bꞌea, bia marãẽnabemata Daizezedꞌeba Isaíabara mawũãsia:

Mateo 16:3

Waya diapedꞌara mawũãbada: Idꞌira nangu baya bãjãrã purba jãrãtouga nʉmʉã. ¡Sewakꞌau bꞌea, marãbara bãjãnebema sãwũãta kꞌawua bꞌea, mawũãmina ũdudꞌakꞌata idꞌidꞌe mʉã onʉmʉrã sãwũãta kꞌawua bꞌedꞌa ẽã!

Mateo 22:18

Jesúsbara kꞌawuasia ãzhara bĩ ẽã oita kꞌobꞌeta, mawũẽ mawũãsia: ¿Mʉrã kꞌãrẽã wãẽãbidꞌaita kꞌopanʉ marã sewa bibaʉta bꞌebara?

Mateo 23:5

Awuarabʉrʉ jõma kꞌãrẽ obʉdara obꞌea zhãrãba ũdudꞌamarẽã. Mawũẽ Daizeze bedꞌeata wĩka edꞌa bꞌʉbadata caja zakedꞌera jʉ̃kꞌara audre joubꞌʉa obada, mobe datrudꞌe, juwuadꞌe tãjʉ̃bada, wua ita irabadata audre drasoa obada.

Mateo 23:6

Nokꞌorãta jewedꞌabari maẽ jewedꞌa krĩñadea nekꞌodꞌe trʉ̃bʉdadꞌera. Nokꞌorãta jewedꞌabari maẽ jewedꞌa krĩñadea de zhi jʉrebadata nʉme maẽrã.

Mateo 24:51

Mobe abꞌaedꞌa puoya, mobe bꞌʉya sewa bibaʉta bꞌe bawara. Mama tebʉdꞌe jẽgaya kidꞌa kꞌõsesea.

Mateo 5:18

Mʉã wãrĩnu marãã jaraya, bãjãta egorota neba ẽã nʉmʉnerã Daizezedꞌe ũrãgꞌara miã wĩkabidꞌa neba ẽã sãwũã berabꞌarii bꞌʉta jõma arimaẽ berabꞌariyeedꞌa.

Mateo 6:16

Marã nekꞌo ẽã zhiwidꞌi bꞌedꞌera kĩrã sopua duanarãũdua, sewa bibaʉta bꞌe kĩrãkꞌa duanarãũdua. Nekꞌo ẽã zhiwidꞌi bꞌeta zhãrãba kꞌawuadꞌamarẽã kĩrã sopua duaĩnabaria. Mʉã wãrĩnu marãã jaraya, mawũã bꞌebarira Daizezebara kꞌãrẽ dia ẽã.

Mateo 6:3

Mawũãmina zuburia bꞌeta bʉa nebari diabʉrʉra miõã kꞌawuabirãrũã.

Mateo 6:5

Bʉ zhiwidꞌibʉrʉdꞌera sewa bibaʉta bꞌe kĩrãkꞌa bꞌarãrũã. Ãzhira ʉ̃ta zhiwidꞌi krĩñadea, de zhi jʉrebadata nʉme maẽ, pʉwʉrʉdꞌe odꞌe zhãrã berabꞌari nʉme maẽ maʉ̃ kꞌaudꞌa bꞌea bari zhãrãba ũdudꞌamarẽã. Mʉã wãrĩnu marãã jaraya, maʉ̃ kꞌareara Daizezebara kꞌãrẽ dia ẽã.

Mateo 7:5

¡Sewa bibaʉta bꞌarãrũã! Bakuru bʉ dabʉdꞌe pẽũ nʉmʉta naara ãĩ bꞌʉdua, mawũãtrʉ bia ũduya bʉ mebea dabʉdꞌe ne jarra kꞌobꞌʉta aubꞌariita. (Aramaʉ̃ kĩrãkꞌa bʉa kꞌazhirua obꞌʉta naara idu bꞌʉdua, mobedꞌeba zhãrã kꞌareba bꞌeya.)

Marcos 12:39

Nokꞌorãta jewedꞌabari maẽ jewedꞌa krĩñadea de zhi jʉrebadata nʉme maẽrã, nokꞌorãta jewedꞌabari maẽ jewedꞌa krĩñadea nekꞌodꞌe trʉ̃bʉdadꞌera.

Marcos 7:6

Mawũãnaĩ Jesúsbara panaʉ̃ mawũãsia: Marã sewa bibaʉta bꞌea. Bia marãẽnabemata Daizezedꞌeba Isaíaba jaradꞌata zhi bꞌʉmata mawũã bꞌʉa: Za bꞌebara bari iba mʉrã wawidea, aramaʉ̃ne ãzhi sora wawara nʉmʉã mʉnebara.

Lucas 11:41

Zuburia bꞌea diaudua mazha ne erubꞌedꞌebemata, mobedꞌeba marã jipadꞌe mitia ne ẽã bꞌeaya.

Lucas 11:43

¡Daizezebara pua kꞌawua oya marã fariseorãta bꞌera! Nokꞌorãta jewedꞌabari maẽ jewedꞌa krĩñadea de zhi jʉrebada nʉme maẽrã, marã wawia saludꞌaita krĩñadea pʉwʉrʉdꞌe kꞌabana maẽrã.

Lucas 12:33

Mazha ne erubꞌera nendodꞌape zuburia bꞌea diaudua. Mawũãrã zũbi soreakꞌadꞌe ne biata ʉ̃tre tʉdꞌaya jõkꞌata. Maĩnurã nezrʉgamiã jũẽ ẽã, miã zhi muĩba ãrĩ ẽã.

Lucas 12:56

¡Sewakꞌau bꞌea! Marãbara sãwũãta kꞌawua bꞌea bãjãnebemata, druadꞌebemata, ¿maʉ̃ta kꞌãrẽneba sãwũãta kꞌawuadꞌa ẽpe ũdudꞌakꞌata mʉã onʉmʉrã idꞌidꞌe?

Lucas 13:15

Mawũãĩ Nokꞌo Jesúsba panaʉ̃ mawũãsia: Sewa bibaʉta bꞌarãrũã, ¿marãbara mazhi pakꞌa, mazhi burro kꞌorradꞌe bꞌeta ẽnape edebada ẽka baniã dobidꞌe ẽnaʉ̃bada ewade?

Lucas 20:46

Kĩrãkuita bꞌeaudua ũrãgꞌa Moisédꞌe jarabada kꞌarea, zhi zromane tebaita wua eidꞌu drasoa jʉ̃ teba krĩñadea, ãzhi wawia saludꞌaita krĩñadea pʉwʉrʉdꞌe kꞌabana maẽrã, nokꞌorãta jewedꞌabari maẽ jewedꞌa krĩñadea de zhi jʉrebada nʉme maẽrã, nokꞌorãta jewedꞌabari maẽ jewedꞌa krĩñadea nekꞌodꞌe trʉ̃bʉdadꞌera.

Lucas 6:24

Mawũãmina, ¡zuburiadꞌaya zhãrã bara bꞌera! Ya erubꞌeba ãzhi sobiara.

Lucas 6:42

¿Mawũãrã bʉara bʉ mebea mawũãĩne bꞌʉka: Mebea, ne jarra bʉ dabʉdꞌe kꞌobꞌʉta mʉãã aubꞌaribirua aidꞌe bꞌʉka, bʉara akʉ ẽãta bʉ dabʉdꞌe bakuru pẽũ nʉmʉrã? ¡Sewa bibaʉta bꞌarãrũã! Bakuru bʉ dabʉdꞌe pẽũ nʉmʉta naara ãĩ bꞌʉdua, mawũãtrʉ bia ũduya bʉ mebea dabʉdꞌe ne jarra kꞌobꞌʉta aubꞌariita. (Aramaʉ̃ kĩrãkꞌa bʉa kꞌazhirua obꞌʉta naara idu bꞌʉdua, mobedꞌeba zhãrã kꞌareba bꞌeya.)

Juan 13:29

Ʉ̃kʉrʉbara krĩchasidꞌa Judabara zũbi plata atauta erubꞌʉba Jesúsbara mawũãsita: Edarua dazhirãba fiestadꞌe nesidꞌara, o mawũãsi ẽbʉrʉ jarasita kꞌãrẽ diamarẽã zuburia bꞌea.

Juan 5:41

Mʉãrã zhãrãba mʉta bia jaradꞌamarẽã nʉmʉ ẽã.

Juan 5:44

¿Marãbara mʉnebema sãwũã ĩjãnaĩpe kꞌãwũã mazhirãĩnubʉrʉ zhiya bia jara bꞌera? Kꞌãwũãrã Daizeze abꞌa bꞌʉba bia jaramarẽã duanu ẽã.

Juan 7:18

Izhikusauba bedꞌea bꞌʉbara izhitrʉ bia jaradꞌamarẽã bꞌʉa, mawũãmina mʉãrã Daizeze mʉ zokꞌadꞌata bia jaradꞌamarẽã bꞌʉa, mawũẽ wãrĩnuta jara bꞌʉa, aramaʉ̃ne mʉãrã sewata jara ẽã.

Hechos 10:2

Izha jara bꞌʉta aribꞌae Daizeze wawia bꞌasia izhi dedꞌabema bawara. Aramaʉ̃ne zuburia bꞌeta biodꞌe ne bari dia bꞌʉta ewariza zhiwidꞌi bꞌasia Daizezea.

Hechos 10:31

Maʉ̃bara mawũãsia: Cornelio, bʉ zhiwidꞌi bꞌʉra zhi ũrĩma, zuburia bꞌeta bʉa ne bari dia bꞌʉra bude nʉmʉkꞌãrĩã Daizezebara.

Hechos 10:4

Mawũãĩ izhara akʉ pera kꞌobꞌʉba mawũãsia: ¿Kꞌãrẽpe Nokꞌó? Mawũãĩ mawũãsia: Bʉ zhiwidꞌi bꞌʉra, bʉa zuburia bꞌeta ne bari dia bꞌʉra bude nʉmʉkꞌãrĩã Daizezebara.

Hechos 11:29

Maʉ̃nerã Jesúsdꞌebema ĩjã bꞌebara ãzha dia bꞌeita abꞌa abꞌaʉba ne erubꞌera kꞌarebata diabuedꞌaita krĩchasidꞌa mebẽrã bꞌema Judeadꞌe.

Hechos 24:17

Mʉrã drua ãĩ año ʉ̃kʉrʉ nimibape plata diadꞌe zesia mʉrãta zuburia bꞌea, dewara Daizezea diadꞌe zesia nendʉwʉrʉta.

Hechos 9:36

Jope pʉwʉrʉdꞌe Jesúsdꞌebema ĩjã bꞌʉta bꞌasia Tabita abadata, maʉ̃bara jara krĩña bꞌʉa Dorcata. Maʉ̃ wũẽrãbara biata obꞌʉba kꞌãrẽ dia bꞌasia zuburia bꞌea.

Romanos 12:8

Zhãrã soidꞌu nʉmabi bꞌʉra zhãrã soidꞌu nʉmabi bꞌadua. Zhãrã ne diabi bꞌʉbara sobia diadua. Mebẽrã nokꞌota nʉmʉkꞌãrĩrã kĩrãkuita nʉmadua. Zhãrã sozuburia kꞌarebabi bꞌʉbara kꞌarebarua sobia.