Mateo 6:1 - Porciones del Nuevo Testamento

¹ Kĩrãkuitaudua, marãba biata obʉdara zhãrã kĩrãbita orãũdua bari zhãrãba ũdudꞌamarẽã. Bari maʉ̃ kꞌarea odꞌaibʉrʉ kꞌãrẽ dia ẽã marã Zeze ʉ̃tre bꞌʉbara.

Mateo 6:1 Kruisverwysings

Mateo 16:27

Mʉ Beubari Bape bꞌadꞌara mʉ Zeze zareaedꞌa zeya izhi ángelerã bawara, maʉ̃nerã abꞌa abꞌakꞌa kꞌawua obʉrʉta biata odꞌapeadꞌara bia bꞌʉya, bia ẽãta odꞌapeadꞌara zuburia bꞌʉya.

Mateo 16:6

Maʉ̃ne Jesúsbara mawũãsia: Kĩrãkuita bꞌeaudua ne oregueata fariseorãne kꞌarea saduceorãne kꞌarea.

Mateo 23:13

¡Daizezebara pua kꞌawua oya marã ũrãgꞌa Moisédꞌe jarabadata bꞌera, fariseorãta bꞌera, marã sewa bibaʉta bꞌea! Maʉ̃ba Daizezeta Nokꞌodꞌebemanerã zhãrã idu edꞌa wãbidꞌa ẽã. Miã mazhisidꞌa edꞌa wãna ẽã, aramaʉ̃ne edꞌa wãbidꞌa ẽã zhi edꞌa wã krĩñabʉdara.

Mateo 23:5

Awuarabʉrʉ jõma kꞌãrẽ obʉdara obꞌea zhãrãba ũdudꞌamarẽã. Mawũẽ Daizeze bedꞌeata wĩka edꞌa bꞌʉbadata caja zakedꞌera jʉ̃kꞌara audre joubꞌʉa obada, mobe datrudꞌe, juwuadꞌe tãjʉ̃bada, wua ita irabadata audre drasoa obada.

Mateo 25:40

Mawũãnaĩ mʉã Reyba panaʉ̃ mawũãña: Mʉã wãrĩnu marãã jaraya, mʉ mebẽrã za kꞌobꞌedꞌebemata zhi zroma ẽãta bꞌeiita marãba kꞌãrẽ odꞌapeadꞌara mʉĩta osidꞌa.

Mateo 5:16

Aramaʉ̃ kĩrãkꞌa ʉ̃nata marãneta ʉ̃nabiudua zhãrã kĩrãbita, aramaʉ̃ne marãba biata obꞌeta ũdudꞌamarẽã, maʉ̃neba ibia jaradꞌamarẽã marã Zeze ʉ̃tre bꞌʉta.

Mateo 5:46

Marã kʉãgꞌa bꞌetrʉ kʉãgꞌadꞌara, ¿maʉ̃barira kꞌãrẽ biata jidadꞌaipe? ¿Abꞌarika obada ẽka rey Romanebemaĩta plata widꞌibadabidꞌa?

Mateo 5:48

Maʉ̃ba marã kĩrãẽpa zhãrã kʉãgꞌa bꞌeaudua, marã Zeze ʉ̃tre bꞌʉta kĩrãẽpa zhãrã kʉãgꞌa bꞌʉ kĩrãkꞌa.

Mateo 6:16

Marã nekꞌo ẽã zhiwidꞌi bꞌedꞌera kĩrã sopua duanarãũdua, sewa bibaʉta bꞌe kĩrãkꞌa duanarãũdua. Nekꞌo ẽã zhiwidꞌi bꞌeta zhãrãba kꞌawuadꞌamarẽã kĩrã sopua duaĩnabaria. Mʉã wãrĩnu marãã jaraya, mawũã bꞌebarira Daizezebara kꞌãrẽ dia ẽã.

Mateo 6:9

Marã zhiwidꞌibʉdadꞌera mawũãũdua: Bʉra Daizezeta ʉ̃tre bꞌʉa, bʉra wawiadꞌaidꞌe bꞌʉa.

Marcos 8:15

Maʉ̃ne Jesúsbara mawũãsia: Kĩrãkuita bꞌeaudua ne oregueata fariseorãne kꞌarea, ne oregueata rey Herode bꞌʉdꞌe kꞌarea.

Lucas 11:35

Mawũẽ kĩrãkuitarua bʉa obꞌʉta bʉma bigata bia ẽãneba pãrĩguata bꞌa ẽbamarẽã.

Lucas 12:1

Maʉ̃ne kꞌabana bʉredrʉ bʉsiba ãzhirãĩnu zhiya biradiga kꞌobꞌedꞌe Jesúsbara izha jʉrʉkuadꞌaa naara mawũãsia: Kĩrãkuita bꞌeaudua ne oreguea fariseorãne kꞌarea, ãzhi sewa bibaʉta bꞌeta maʉ̃ã.

Lucas 12:15

Mawũãpe mawũãsia: Kĩrãkuita bꞌeaudua, ne wuaabʉrʉ krĩña bꞌearãũdua, beubarira bꞌʉ ẽã ne bio erubꞌʉba.

Lucas 16:15

Mawũẽ Jesúsbara mawũãsia: Zhãrã kĩrãbitara marã biarã kĩrãkꞌa bꞌea, mawũãmina Daizezebara ũdukꞌawua bꞌʉa marã sora. Zhãrãba kꞌãbãẽã ne biadꞌe erubꞌera Daizezebara krĩña ẽã.

Juan 12:43

Aramaʉ̃ne zhãrãba bia jaraita krĩña bꞌeasia Daizezea bia jarabidꞌai kꞌãñabara.

Juan 5:44

¿Marãbara mʉnebema sãwũã ĩjãnaĩpe kꞌãwũã mazhirãĩnubʉrʉ zhiya bia jara bꞌera? Kꞌãwũãrã Daizeze abꞌa bꞌʉba bia jaramarẽã duanu ẽã.

Hechos 3:12

Pedroba maʉ̃ta ũdui zhãrã kꞌobꞌea mawũãsia: Israelitarã, ¿naʉ̃ẽnabema kꞌãrẽã bia akʉdrua kꞌobꞌe? ¿Daira kꞌãrẽã akʉ kꞌobꞌe, dai zareaba o daita biata panʉba wãbibʉda kĩrãkꞌa naʉ̃ta?