Mateo 5:11 - Porciones del Nuevo Testamento

¹¹ Sobiaudua mʉ kꞌarea ikꞌazhirua jarabʉdadꞌera, zuburia obʉdadꞌera, nekĩrãtõnoã bĩ ẽã jarabʉdadꞌera sewa nebʉrʉ.

Mateo 5:11 Kruisverwysings

Mateo 10:18

Nokꞌorã kĩrãbita, reyrã kĩrãbita marã ededꞌaya mʉ kꞌarea, aramaʉ̃ne marãbara mʉnebemata maʉ̃rãã jaradꞌaya, judíorã ẽãta bꞌeabidꞌa jaradꞌaya.

Mateo 10:22

Jõmaʉ̃ba marã juradꞌaya mʉ kꞌarea, mawũãmina mʉta pẽwã zuburiata jõñiĩnu nʉmʉrã ẽdrʉya.

Mateo 10:25

Biga ne kꞌawa bꞌʉta nʉmʉbʉrʉ izhi ne jaradia bꞌʉ kĩrãkꞌa, biga nezokꞌata nʉmʉbʉrʉ izhi nokꞌo kĩrãkꞌa. Aramaʉ̃ kĩrãkꞌa mʉ zhidekʉta Beelzebú apanʉbʉrʉ, ¡audre jaradꞌaya marã mʉ dedꞌabema!

Mateo 10:39

Mʉ kꞌarea beu ẽãrã aduaya, mawũãmina mʉ kꞌarea beubʉrʉra ẽdrʉya.

Mateo 19:29

Bariduba deta ãmaẽrã, zhi mebẽrã zhũmakĩrãrãta, nawekꞌaurãta ãmaẽrã, zezeta, papata, wũẽrãta, warrarãta, druata, mʉ kꞌarea ãmaẽrã, jidama cien jidaya ãmaña. Mobe Daizeze ũme bꞌai jõ ẽãta jidaya.

Mateo 24:9

Marã chãbꞌaridꞌaya zuburia odꞌamarẽã, aramaʉ̃ne beakuadꞌaya, marã jõmaʉ̃ba juradꞌaya mʉ kꞌarea.

Mateo 27:39

Arakꞌaita berabꞌaribʉdabara ijura jarabʉdata ãzhi burura jĩãwe,

Marcos 13:13

Jõmaʉ̃ba marã juradꞌaya mʉ kꞌarea, mawũãmina mʉta pẽwã zuburiata jõñiĩnu nʉmʉrã ẽdrʉya.

Marcos 13:9

Mazhikusa kĩrãkuita bꞌeaudua, marã chãbꞌaridꞌaya nokꞌorã wagꞌaurãã, de zhi jʉrebada nʉme maẽ marã udꞌaya. Nokꞌorã kĩrãbita, reirã kĩrãbita marã ededꞌaya mʉ kꞌarea, aramaʉ̃ne marãbara mʉnebemata maʉ̃rãã jaradꞌaya.

Marcos 4:17

Mawũãmina bia kꞌarra jidadꞌa ẽãba dããrã zrogꞌadꞌa ẽã, mawũẽ zuburiabʉdadꞌera, o Daizeze bedꞌeata ĩjã bꞌʉ kꞌarea zuburia obʉdadꞌera ĩjã ẽã kenabꞌaribada.

Marcos 8:35

Mʉ kꞌarea beu krĩña ẽãrã aduaya, mawũãmina mʉ kꞌarea bedꞌea biata mʉrẽ kꞌarea beubʉrʉra ẽdrʉya.

Lucas 21:12

Mawũãmina maʉ̃ jõmaʉ̃ nawedꞌa marã jidakuadꞌaya, marã zuburia odꞌai kꞌarea pẽwãnaña. Marã chãbꞌaridꞌaya de zhi jʉrebadata nʉme maẽ, cárcel nʉme maẽ. Marã ededꞌaya reyrã kĩrãbita, nokꞌorã kĩrãbita mʉ kꞌarea.

Lucas 21:17

Jõmaʉ̃ba marã juradꞌaya mʉ kꞌarea.

Lucas 6:22

Sobiaudua zhãrãba marã ũduama edabʉdadꞌera, ãzhi maẽba jʉretabʉdadꞌera, ikꞌazhirua jarabʉdadꞌera, marã bia ẽkĩrãkꞌa seribidꞌa ẽãnerã mʉ Beubari Bape bꞌʉ kꞌarea.

Lucas 9:24

Mʉ kꞌarea beu krĩña ẽãrã aduaya, mawũãmina mʉ kꞌarea beubʉrʉra ẽdrʉya.

Juan 15:21

Marã mʉ kꞌarea mawũã zuburia odꞌaya, ũdukꞌawadꞌa ẽãba mʉ zokꞌadꞌata.

Juan 9:28

Mawũãĩ ikꞌazhirua jaradꞌape mawũãsidꞌa: Bʉabʉrʉ pẽwã bꞌidꞌa, mawũãmina daibara pẽwã bꞌea Moiséta.

Hechos 9:16

Mʉã izhaa kꞌawuabiya izhi sãwũã zuburiai barata mʉnebemata jara bꞌʉdꞌera.

Romanos 8:36

Maʉ̃ẽnabemata zhi bꞌʉmata mawũã bꞌʉa: Daira bʉ kꞌarea ewariza bebudꞌe nʉmeã. Daira erunʉmeã oveja beai bara kĩrãkꞌa. (Salmos 44:22)