Mateo 4:23 - Porciones del Nuevo Testamento

²³ Aramaʉ̃ne Galilea drua jõma Jesús pʉrrʉa wãbʉrʉta de zhi jʉrebadata nʉme maẽ miã ũrãgꞌa wãsia, bedꞌea biata jarakꞌa wãsia Daizezeta Nokꞌodꞌebemata. Kꞌaya bꞌeta, pua bꞌeta jõma bꞌebi wãsia pʉwʉrʉ tabꞌe maẽ.

Mateo 4:23 Kruisverwysings

Mateo 11:5

Daʉbꞌerrea bꞌera ne ũdu tupudꞌea audua, wã bꞌe ẽã bꞌera wã tupudꞌea, aidꞌaba kꞌaya bꞌera nene ẽã tupudꞌea, ne ũrĩ ẽã bꞌera ne ũrĩ tupudꞌea, beudꞌapeadꞌara piradrʉ tupudꞌea, zuburia bꞌea jara bara bꞌʉa ẽdrʉdꞌaidꞌebemata bedꞌea biata.

Mateo 12:9

Jesús mamaʉ̃bara wãbʉrʉta wãsia de zhi jʉrebadaidꞌu.

Mateo 13:19

Daizezeta Nokꞌodꞌebemata iabꞌaʉba ũrĩbʉrʉdꞌe sãwũãta kꞌawua ẽbʉrʉ, ãtõmiã bia ẽãta zepe bedꞌeata izha ũrĩnata ãĩ eda bꞌʉa izhi sodꞌeba. Maʉ̃ã ne ta pobʉrʉdꞌe odꞌe bꞌaedꞌata.

Mateo 13:54

Izhi druaedꞌa zepe miã ũrãgꞌasia de zhi jʉrebada maẽ, mawũẽ bia akʉdrua mawũãsidꞌa: ¿Naʉ̃bara krĩchara sãmaʉ̃ba kꞌãwũã erubꞌʉ, sãwũã ũdudꞌakꞌata okua bꞌʉ?

Mateo 14:14

Jesús jãbadꞌeba udꞌubꞌaebʉrʉdꞌe kꞌabanata ũdui ãzhi sozuburiape bꞌebikuasia ãzhidꞌebema kꞌaya bꞌeta.

Mateo 24:14

Kꞌãwũã bedꞌea biata Daizezeta Nokꞌodꞌebemata jaradꞌaya ẽjũã jõmaʉ̃ maẽ, aramaʉ̃ne zhãrã jõmaʉ̃ba kꞌawuadꞌaya, mobebʉrʉ zeya ewari nʉmʉta jõĩrã.

Mateo 3:2

mawũãsia: Kꞌazhiruara ãmape Daizezeta pẽwãũdua, Daizezeta Nokꞌodꞌebema kꞌaita basia.

Mateo 9:35

Jesús pʉrrʉasia pʉwʉrʉ zroma jõma, pʉwʉrʉ zake jõma. Miã ũrãgꞌasia de zhi jʉrebadata nʉme maẽ, bedꞌea biata jarakꞌasia Daizezeta Nokꞌodꞌebemata, maʉ̃nerã jõma bꞌebisia ne bariduba kꞌaya bꞌeta, ne bariduba pua bꞌeta pʉwʉrʉza.

Marcos 1:14

Juan cárceldꞌe bꞌʉdꞌapeadꞌa tẽãne Jesús Galilea druaedꞌa wãsia bedꞌea biata jaradꞌe Daizezeta Nokꞌodꞌebemata.

Marcos 1:21

Jesús izha jʉrʉkuadꞌa bawara Capernaúm pʉwʉrʉedꞌa wãnape ẽnaʉ̃bada ewade de zhi jʉrebada maẽ edꞌa wãpe miã ũrãgꞌasia.

Marcos 1:39

Aramaʉ̃ne de zhi jʉrebada nʉme maẽ miã ũrãgꞌasia Galilea drua jõma, ãĩ jʉrekua bꞌasia jaisidꞌa.

Marcos 3:10

Kꞌayarãta bio bꞌebikuasi baera kꞌaya bꞌebara izhira pẽũsua edabarisidꞌa tõbꞌaridꞌaita.

Marcos 6:2

Ẽnaʉ̃bada ewarita araa zebʉrʉdꞌera miã ũrãgꞌasia de zhi jʉrebada maẽ, maʉ̃ta bioba ũrĩnaĩ bia akʉdrua mawũãsidꞌa: ¿Naʉ̃ sãmaʉ̃ba kꞌãwũã nʉmʉ? ¿Naʉ̃bara krĩchara sãmaʉ̃ba kꞌãwũã erubꞌʉ, sãwũã ũdudꞌakꞌata okua bꞌʉ?

Marcos 6:6

Kꞌawua ẽã krĩcha bꞌesia izhidꞌebema ĩjãna ẽãba izhi ʉreta bꞌebara. Jesús pʉrrʉasia pʉwʉrʉ zake arakꞌaita tabꞌe maẽ miã ũrãgꞌa.

Lucas 10:9

Kꞌayata mama bꞌera bꞌebiudua, mobe mawũãũdua: Marã kꞌaita basia Daizezeta Nokꞌodꞌebemata.

Lucas 13:10

De zhi jʉrebada maẽ Jesús miã ũrãgꞌa nʉmasia ẽnaʉ̃bada ewade.

Lucas 16:16

Ũrãgꞌara Moisédꞌeta tabꞌʉta, Daizezeba bedꞌeata jarabibarirãneta tabꞌʉta, tabꞌʉa Juanba jaradꞌa bitabai. Mamaʉ̃ba jara panʉã Daizezeta Nokꞌodꞌebemata, mawũẽ bio maʉ̃ne edꞌa wã krĩña bꞌea.

Lucas 20:1

Ewari abꞌa Jesús Daizeze dedꞌa ewara maẽ zhãrã ũrãgꞌa nʉmʉta bedꞌea biata jarakꞌa nʉmʉne zesidꞌa sacerdoterã nokꞌorãta, ũrãgꞌa Moisédꞌe jarabadata nokꞌorã bawara.

Lucas 4:14

Jesús jẽrũya Jawurebiaba zarea wãsia Galilea druaedꞌa. Mawũẽ izhira trʉ̃poasia maʉ̃ drua jõma.

Lucas 5:17

Ewari abꞌa Jesús miã ũrãgꞌa nʉmʉne jewedꞌa duanasia fariseorãta ũrãgꞌa Moisédꞌe jarabada bawara. Ãzhira pʉwʉrʉ zaketa tabꞌe maẽba zekuasia Galilea druadꞌeba, Judea druadꞌeba, Jerusalénneba. Maʉ̃nerã Daizeze zareara Jesú ũme nʉmasia zhãrã bꞌebiita.

Lucas 6:17

Mawũã izha jʉrʉkuadꞌa bawara Jesús kꞌatumaneba yedꞌaa zepe kꞌoriwidꞌe bꞌesia. Maʉ̃nerã izhi pẽwã bꞌebara kꞌabana bawarauba bʉredrʉsidꞌa. Maʉ̃rã zekuasia Judea druadꞌeba, Jerusalén pʉwʉrʉdꞌeba, pusa doya Tiro pʉwʉrʉ tabꞌʉ maẽba, Sidón pʉwʉrʉdꞌeba, zekuasia izhi bedꞌeata ũrĩnaĩta, aramaʉ̃ne bꞌekuaita ãzhi kꞌaya bꞌeta.

Lucas 6:6

Awʉrʉ ewade ẽnaʉ̃bada ewade de zhi jʉrebada maẽ Jesús edꞌa wãpe miã ũrãgꞌasia. Mama ũmakĩrãta bꞌasia juwua bagu bꞌʉta juwua arata.

Lucas 7:21

Maʉ̃nerã bio bꞌebikuasia kꞌaya bꞌeta, pua bꞌeta, jaiba wawa bꞌeta, daʉbꞌerrea bꞌeta bio ne ũdubikuasia.

Lucas 7:22

Jesúsbara panaʉ̃ mawũãsia: Wãũdua, mobe Juanʉã kꞌawuabiudua mazha ũrĩbʉdata mazha ũdubʉdata. Daʉbꞌerrea bꞌera ne ũdu tupudꞌea audua, wã bꞌe ẽã bꞌera wã tupudꞌea, aidꞌaba kꞌaya bꞌera nene ẽã tupudꞌea, ne ũrĩ ẽã bꞌera ne ũrĩ tupudꞌea, beudꞌapeadꞌara piradrʉ tupudꞌea, zuburia bꞌea jara bara bꞌʉa ẽdrʉdꞌaidꞌebemata bedꞌea biata.

Lucas 8:1

Maʉ̃ tẽã Jesús wãsia pʉwʉrʉ zromaza, pʉwʉrʉ zakeza, bedꞌea biata jarakꞌa wãsia Daizezeta Nokꞌodꞌebemata. Kꞌaidꞌu bꞌeasia izha jʉrʉkuadꞌata docera.

Lucas 9:11

Zhãrãbara kꞌawuadꞌape kꞌaidꞌu wãsidꞌa. Mawũẽ izhara bia edabʉrʉta jarakꞌasia Daizezeta Nokꞌodꞌebemata, bꞌebikuasia zhi bꞌei bara bꞌera.

Lucas 9:60

Mawũãĩ Jesúsbara mawũãsia: Aduaita beuya bꞌea idu joubigarua ãzhirãta beubʉdara. Mawũãmina bʉara jaradꞌe wãrũã Daizezeta Nokꞌodꞌebemata.

Juan 18:20

Mawũẽ Jesúsbara panaʉ̃ mawũãsia: Mʉrã dajada bedꞌea bꞌasia zhãrã jõmaʉ̃ daidꞌu. Mʉrã baridua miã ũrãgꞌa bꞌasia de zhi jʉrebada maẽ, Daizeze dedꞌa ewara maẽ, judíorã jõma zhi jʉrebada maẽ, mʉãrã aramaʉ̃ne kꞌãrẽ chupea jara bꞌa ẽbasia.

Juan 6:59

Jesúsbara Capernaúm pʉwʉrʉdꞌe maʉ̃ta jarasia miã ũrãgꞌa nʉmʉba de zhi jʉrebada maẽ.

Juan 7:1

Maʉ̃ tẽã Jesús pʉrrʉasia Galilea druadꞌe, Judea druadꞌera pʉrrʉa krĩña ẽbasia judíorãba beaita jirpanʉba.

Hechos 10:38

Kꞌawua bꞌea sãwũã Daizezebara Jawurebiata diabʉrʉba zarea bꞌʉdꞌata Jesús Nazaredꞌebema, aramaʉ̃ne maʉ̃bara biata o nimiba ãtõmiã edre zuburia bꞌeta jõma bꞌebi bꞌasia Daizezeta bꞌʉdꞌeba izhi ũme.

Hechos 18:4

Maʉ̃nerã de zhi jʉrebada maẽ ewari ẽnaʉ̃badaza bedꞌea bꞌʉta Jesúsdꞌebemata ĩjãbigayidꞌe bꞌasia judíorãã, griegorãã.

Hechos 20:25

Mʉãrã kꞌawua bꞌʉa kꞌãwũãnaba mʉã Daizezeta Nokꞌodꞌebemata jara berabꞌari bꞌʉ maẽ marã jõmaʉ̃ba miõba wueta ũdudꞌa ẽbaya mʉ kĩrã.

Hechos 28:31

Daizezeta Nokꞌodꞌebemata jara bꞌʉta Nokꞌo Jesucristodꞌebemata dajada jara bꞌasia, maʉ̃nerã miõba sãwũã ẽbasia.

Romanos 10:15

¿Sãwũã jaradꞌaipe jaradꞌe zokꞌakuadꞌa ẽbʉrʉ? Maʉ̃ẽnabemata zhi bꞌʉmata mawũã bꞌʉa: ¡Kꞌãbãẽã kĩrãwãrẽã adu-a bꞌaidꞌebemata jara bꞌera bedꞌea biata!