Mateo 4:19 - Porciones del Nuevo Testamento

¹⁹ Maʉ̃ne Jesúsbara mawũãsia: Mʉ kꞌaidꞌu panadua, mʉnebemata ĩjãnamarẽã mʉã marã zhãrã ũrãgꞌabarita panabiya.

Mateo 4:19 Kruisverwysings

Mateo 16:24

Mobebʉrʉ Jesúsbara izha jʉrʉkuadꞌaa mawũãsia: Iabꞌaʉba mʉta pẽwã krĩña bꞌʉbʉrʉ bʉzha krĩñata aribꞌaerãrũã, awuarabʉrʉ bebudꞌe basiidꞌu mʉrã pẽwãdua.

Mateo 19:21

Mawũãĩ Jesúsbara mawũãsia: Bʉta bia nʉma krĩña bꞌʉbʉrʉ wãpe bʉzha ne erubꞌʉta nendope platara zuburia bꞌea diadua, mawũãrã ne biata erubꞌaya ʉ̃tre. Aramaʉ̃ne zepe mʉta pẽwãdua.

Mateo 4:18

Galileadꞌebemata do jedꞌea õbꞌʉ doya Jesús taidꞌe, ũme mebẽrãta panʉta ũdusia, abꞌa Simónta Pedro basia, zhi mebea Andrés basia. Do jedꞌea õbꞌʉ maẽ atarrayata bꞌari panasia bꞌeda beamiãta panasi baera.

Mateo 4:20

Mawũãĩ ãzhara audre ẽãne atarraya kenabꞌaridꞌape kꞌaidꞌu jʉ̃drʉsidꞌa.

Mateo 8:22

Mawũãĩ Jesúsbara mawũãsia: Mʉ kꞌaidꞌu bꞌadua. Aduaita beuya bꞌea idu joubigarua ãzhirãta beubʉdara.

Mateo 9:9

Jesús mamaʉ̃ba wãbʉrʉdꞌera ũdusia Mateo abadata, impuesto widꞌi jewedꞌa bꞌʉta rey Romanebemaĩta impuesto diabada maẽ bꞌasia, maʉ̃ne mawũãsia: Mʉ kꞌaidꞌu bꞌadua. Mawũãĩ izhira piradrʉpe kꞌaidꞌu bꞌesia.

Marcos 2:14

Mawũã wãbʉrʉdꞌera ũdusia Leví Alfeo warrata, impuesto widꞌi jewedꞌa bꞌʉta rey Romanebemaĩta impuesto diabada maẽ bꞌasia, maʉ̃ne mawũãsia: Mʉ kꞌaidꞌu bꞌadua. Mawũãĩ izhira piradrʉpe kꞌaidꞌu bꞌesia.

Lucas 5:27

Maʉ̃ tẽã Jesús wãbʉrʉdꞌera ũdusia impuesto widꞌibarita Leví abadata, jewedꞌa bꞌʉta rey Romanebemaĩta impuesto diabada maẽ bꞌasia, maʉ̃ne mawũãsia: Mʉ kꞌaidꞌu bꞌadua.

Lucas 9:59

Maʉ̃nerã awʉrʉa mawũãsia: Mʉ kꞌaidꞌu bꞌadua. Mawũãĩ maʉ̃bara mawũãsia: Nokꞌó, mʉrã naara idu wãbirua mʉ zeze joudꞌe.

Juan 1:43

Nrũẽma Jesús Galilea druaedꞌa wãĩta babʉrʉdꞌera, Felipeta ũdupe mawũãsia: Mʉ kꞌaidꞌu bꞌadua.

Juan 12:26

Iabꞌaʉba mʉ bedꞌeata aribꞌae nʉmʉbara mʉta pẽwãdua, mawũãrã mʉ bꞌʉ maẽ bꞌaya mʉ bedꞌeata aribꞌae bꞌʉra. Iabꞌaʉba mʉ bedꞌeata aribꞌae bꞌʉra mʉ Zezebara bia edaya.

Juan 21:22

Mawũãĩ Jesúsbara mawũãsia: Naʉ̃ mʉ zeyeedꞌa bꞌaita mʉã krĩñabʉrʉ, ¿bʉa sãwũãĩpe? Bʉra mʉta pẽwã bꞌadua.