Mateo 3:11 - Porciones del Nuevo Testamento

¹¹ Mʉãrã wãrãnebai marã baniãba buru kꞌoe bꞌʉa kꞌazhiruara ãmape Daizeze pẽwãnamarẽã. Mawũãmina iabꞌa mʉ tẽã urua, maʉ̃ba jẽrũne jʉ̃ bꞌʉra mʉãrã izhima edeidꞌe bꞌʉ ẽã, izhira audre zhi zroma mʉ kꞌãñabara. Marã izhara Jawurebiata diaya, mawũãmina izhidꞌebemata ĩjãna ẽbʉrʉ pua kꞌawua okuaya tebʉba.

Mateo 3:11 Kruisverwysings

Mateo 3:6

Jordán dodꞌe Juanʉã zhi buru kꞌoebisidꞌa ãzhi kꞌazhiruata jara.

Marcos 1:4

Mawũã jaradꞌadꞌe Juanbara drua drudrua tabꞌʉ maẽ zhãrã buru kꞌoekua nʉmasia, maʉ̃nerã jarakꞌa nʉmasia buru kꞌoebʉdaba kꞌazhiruara ãmape Daizezeta pẽwãnamarẽã, bedꞌea ne ẽã duanebimarẽã kꞌazhiruata biodꞌeba.

Lucas 1:17

Izhira dazhirã Nokꞌo nawedꞌa zebʉrʉta Jawurebiaba Elíata zarea bꞌadꞌa kĩrãkꞌa bꞌaya. Aramaʉ̃ne soidꞌu ibiadꞌe babigaya zezerãta ãzhi warrarã bawara, Daizeze bedꞌeata aribꞌae ẽã bꞌeara aribꞌaebigaya biata bꞌedꞌe kĩrãkꞌa. Aramaʉ̃ne dazhirã Nokꞌo bia edaita bꞌeabiya.

Lucas 3:16

Maʉ̃ne Juanbara jõmaʉ̃ã mawũãsia: Mʉãrã wãrãnebai marã baniãba buru kꞌoe bꞌʉa. Mawũãmina mʉ audre zhi zromata zeya, nezokꞌaba obari kĩrãkꞌara mʉãrã ẽnaĩne bꞌʉ ẽã maʉ̃ba jẽrũne jʉ̃ bꞌʉra. Marã izhara Jawurebiata diaya, mawũãmina izhidꞌebemata ĩjãna ẽbʉrʉ pua kꞌawua okuaya tebʉba.

Lucas 3:3

Mawũẽ Juan wãsia Jordán doya drua tabꞌe maẽ, jarakꞌa wãsia buru kꞌoebʉdaba kꞌazhiruara ãmape Daizezeta pẽwãnamarẽã, bedꞌea ne ẽã duanebimarẽã kꞌazhiruata biodꞌeba.

Juan 1:15

Juanbara izhidꞌebemata mawũãsia: Naʉ̃ jarabʉrʉta mʉãrã mawũãsia: Mʉ tẽã urura mʉ audre zhi zroma mʉ nawedꞌa bꞌadꞌaba.

Juan 1:30

Naʉ̃ta jarabʉrʉta mʉãrã mawũãsia: Mʉ tẽã urura mʉ audre zhi zroma mʉ nawedꞌa bꞌadꞌaba.

Hechos 1:5

Juanbara wãrãnebai zhãrã buru kꞌoesia baniãba, mawũãmina Daizezebara marãã diaya Jawurebiata ewari dããrã ẽãne.

Hechos 19:4

Mawũãnaĩ Pablobara mawũãsia: Juanbara zhãrã buru kꞌoesia buru kꞌoebʉdaba kꞌazhiruara ãmape Daizezeta pẽwãnamarẽã, aramaʉ̃ne zhãrãã jarasia ĩjãnamarẽã izhi tẽã zeidꞌebemata, maʉ̃ Jesústa zhãrã Ẽdrʉbia.

Hechos 8:36

Odꞌe wãne jũẽsidꞌa baniãta bꞌʉ maẽ, mawũẽ nokꞌobara mawũãsia: Baniã za bꞌʉa, ¿kꞌãrẽba bꞌe ẽbaipe mʉ buru kꞌoeira?

Hechos 8:38

Mawũãpe nʉmebisia coche kꞌawayoba erbꞌari edera. Mobe ũmewedꞌa eidꞌu wãsidꞌa baniãĩnu, Felipebara aramaʉ̃ne buru kꞌoesia.